نعت شريف/ عبدالقدوس منقاد :

خـاونده پـه ارمـــان يـم لـه مـــــودو د مـدينـې
نـور ستــرګې کـړه رایخـې پـه ليــدو د مـدينـې

رانجۀ چې کړم د سترګو د جانان د قدم خاورې
همـدا رانجۀ مې خوښ دي له رانجـو د مـدينـې

سـلام دې وي په ښکلي خـوږ دلبـر د مدينې مې
سـلام يـې پـه يـــــارانـو مېړنـــــــــو د مـدينـې

لا هـلتـه د جـانـان د تــورو زلـفــو وږمـې پاتـي
عـطـــرونه حيـران کړي دي خوشوبو د مـدينـې

قـربــان شـم د حـــرم لـه عارفينـو درويشـــانو
قـربــان لـه مـلـنـګانــــو د کـوڅـــــو د مـدينـې

هـر لـور تـه يـې خپـــرې د رڼاګانـو پلوشـې دي
جـهـــان واړه روښـــــان دی له ډېوو د مـدينـې

منـقـاده مدينـې مونږ ته د عشـق سبـق ښودلی
مونږ ويـاړو تـل پـه نـوم او تاريخــو د مـدينـې

پای.
۱۴۳۹هـ ق
۱۳۹۶هـ ش
۲۰۱۸م