ئیبنولقەییم لە قەسیدەیەکدا باس لە دڵى خۆى دەکات کە بەر لە ئەوینی خودا چەندە بێ ڕووگە و مەبەست بووە و چۆن دڵی زیاتر لە هەشتا بۆ نەوەد جار بە غارەت براوە و هەر وا لەبریى ئەوینی خودا، مەشغوڵ و سەرگەردانی ئەوینی ئەهلی دنیا بووە، ئینجا دەڵێ:
هەواى جگە جەنابی هەق، ئاگرێکی بەتاو و بڵێسەیە و ئەوینیشی فیردەوسى بەرینە]
ئینجا خوداى پاک و چاک لە هەناوى هیچ کەسێکدا جووتێک دڵی دانەناوە. بە ئەندازەى ئەو خەم و ئەوین و خۆشەویستییەى کە دەچێتە دڵەوە، ئەوەندەش لەبەرامبەریدا خەم و ئەوین و خۆشەویستیی لێ
دەر دەچێ. قاپ و دەفرەکە هەر یەکێکە و شلەمەنییەکان جودان. هەر شلەیەک پڕى بکات، جێگە بۆ ئەوانى دیکە ناهێڵێت. ئەگەر دڵەکە خاڵی بوو، ئەوە لەو شلەیە پڕ دەبێت، خۆ ئەگەر خۆى پڕ بوو، ئەوە تێی ناچێت تا ئەو دەر نەکاتە دەرێ و ئینجا لە شوێنەکەیدا نیشتەجێ دەبێت.

کتێبی"شاڕێی کۆچ"
ئیبن قەییمی جەوزی.