للشباب نهدي ثوابها لعلي الاكبر
والقاسم ابن الحسن عليهما السلام

〰️〰️⚜️✍🏻⚜️〰️〰️

يا ثمرت دليلي ارجوك حاجيني
يبعد امك اجيت ودمعتي بعيني

〰️〰️⚜️✍🏻⚜️〰️〰️

مانه امك ييمه اشلون تنساني

يا ريع الگلب يالما الك ثاني

من شوفتك يمه الدهر حرماني

ازورنك اخاف اتگول ناسيني

〰️〰️⚜️✍🏻⚜️〰️〰️

ينساني زماني يمه اذا انساك

عن احضان امك هالزمن بعداك

ليش اوياي يمه الولد ما خلاك

ما احمل افراگك ابد تدريني

〰️〰️⚜️✍🏻⚜️〰️〰️

ما احمل افراگك والگلب لهفان

نمتو بالترايب حيف يالشبان

واحدكم حلو جنه غصن ريحان

أَتوسد اترابك يمه خليني

〰️〰️⚜️✍🏻⚜️〰️〰️

حيف اتوسدت يبني التراب الحار

عليك انحب يغالي والدمع مدرار

بس شوفتك يالمدلول تطفي النار

ابموتك يالولد ياهو اليواسيني

〰️〰️⚜️✍🏻⚜️〰️〰️

ابموتك گلبي ابد ما ينطفي جمره

اون على الشباب الي گضه عمره

امه اخلاف عينه تجذب الحسره

بسهام المنيه الوكت راميني

〰️〰️⚜️✍🏻⚜️〰️〰️

تـــمـ بعون الله تعالى ـــت
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏🏻

https://t.me/Alaqela313