السيده رقيه

هذا ابويه عله الرمح لو شخص غيره
ليش يا عمه الي ينضر ابحيره
ما عرفته ما عرفته

ابعينه دمعه من يصدلي
عمه هذا الراس يعرفني اضنه
ويبجي اكثر لمن اعثر
التايه يجيبه يعمه صوت ونه
عل عبايه بحسره ينضر
منهوا كله ابكربله احتركت خيمنه
منهوا هذا فدوا احجي
هواي احسه عمه زينب يكربنه

يبجي اسمعه وجه من انضر يديره
هذا ابويه عله الرمح لو شخص غيره
ما عرفته ما عرفته

لامن اوكع منل الهزيله
عمه راسه ايطيح احس من راس رمحه
ولامن انحب ليه ينضر
ادكول مو جرحي يعمه هذا جرحه
ومن صفعني الشمر بيده
هوا مذبوح وعلاي يرجع يذبحه
ما اعرفته بس عرفني
يصد اليه والدمع بعيونه سبحه

خاف عنده ابنيه هم راحت اسيره
هذا ابوي عله الرمح لو شخص غيره
ما عرفته ما عرفته

بل خرابه يبجي سكته
وردت اعرف ليش هوا يبجي سكته
اغمضت عيني وفتحتها
ومن نضرلي سكت نحبه عمه شفته
طلع يدري نايمه اني
اينصي صوته حته ما فز عله ونته
عمه احجي ابداعتي احجي
منهوا هذا ابوجه دم وما عرفته

من دموعه ابينه الامه جبيره
هذا ابويه عله الرمح لوشخص غيره

ليش ابجي من اصدله
هواي احسه عله الكلب يا عمه غالي
ومن يصدلي حبل بيدي
هواي يبقه عله الرمح يبجي عله حالي
اعله حيلي كمت اني
كلت اشوفه منهوا هذا اجه ابالي
رحت يمه ومن وصلته
ما كدرت اني الوحه الرمح عالي

اجروح تسكني وانه يا عمه ديره
هذا ابويه عله الرمح لو شخص غيره

زين اسئلج وين ابويه
الهوا ابلايه ياعمه خنكني
من اغمض ضلمه تصبح
الدنيه هيج اصير من يبتعد عني
هل تراجي والبواجي
ذني كلهن والله عمه ما تهمني
اخذوا كلشي من ارضه
ولا تبعدون ابوا الاكبر لحضه مني

صرت مسبيه وجنت ويا اميره
هذا ابويه عله الرمح لو شخص غيره

براء العبيدي