ده امن اوبه!
(عزیزالرحمن ایاس)1399/02/27

ده سولې لپه کې سړې، اوبه ده امن غواړم
ترخو حالاتو کې خوږې،اوبه ده امن غواړم

که په ژوندون کې،خدای اختیارراکړي چې څه غواړې ته
زه به نارې کړمه نارې، اوبه ده امن غواړم

داچې ترتا په دومره ځنډ، راځمه وبخښه خو!!!
څنګ کې ده هرې هیدیرې،اوبه ده امن غواړم

ده بارانونو پرځای دا ځل، درته سوال کومه
اسمانه!ستا له دروازې، اوبه ده امن غواړم

زه چې راویښ شمه،سا لنډه اخلم ستړی یمه
په خوب کې هم وړم جنازې، اوبه ده امن غواړم

لاسونه لپه کړم،زارۍ وکړمه، وژاړمه
وروسته له هرې سجیدې،اوبه ده امن غواړم

ربه(ایاس)دې درکې سوال کوم،راوخېژوه
پردې هیواد سپینې سپېدې،اوبه ده امن غواړم
@Azizayas