على فكرة..
وانت بتحاول تحقَّق حلمك من كام سنة كنت عارف ان تحقيقه صعب ويبكّي في بعض الأحيان
ومع ذلك كنت مصمِّم توصَل

وانت بتطمَح لصُنع أفضل نُسخة منك كنت عارف انه صعب ومع ذلك استمرّيت

ليه لما جه دورك تعيش الصعب ده اتهزّيت؟
مش ده اللي كنت بتحلم بيه؟

نصيحة احفظها عني..
اجمد واتقوَّى وتحامَل على نفسك وجاهد دلوقتي وكمِّل
علشان ده أفضل ألف مرة من ندمك وحَسرتك بعد كام سنة لما تلاقي نفسك في لحظة ضعف اتهوَّرت ومشيت من طريق مش هاتعرف ترجع له تاني

( كلام من اللي محتاجين نقولُه لنفسنا يوميًا علشان يفكّرنا اننا دلوقتي في المكان اللي حلمنا بيه سنين )

-تسنيم بكري