22 yoshBu yosh hammaning hayotida har xil iz qoldiradi. Mening hayotimda esa quyidagilar bilan esda qolgan:
22 yosh bu shunday yoshki, ota-onangdan uzoqda yashashga o'rganishing kerak bo'lgan yosh;
22 yosh bu shunday yoshki, millat oldidagi burchingni his qilishni boshlaydigan yosh;
22 yosh bu shunday yoshki, atrofingdagi tengdoshlaring muvaffaqiyatga erishayotganini uyda semichka chaqib kuzatib o'tiradigan yosh;
22 yosh bu shunday yoshki, sendan 4 yosh kichkinalar uylanish mavzusida gaplashishlarini eshitib o'tiradigan yosh;
22 yosh bu shunday yoshki, tanishlaring chet ellarda ishlab, o'qib yurganini Instagram storislardan kuzatib o'tiradigan yosh;
22 yosh bu shunday yoshki, na kino ko'rish, na kitob o'qish, na o'rtoqlaring bilan aylanishni istamaydigan yosh;
22 yosh bu shunday yoshki, ota-onang qariyotgani his qiladigan yosh;
22 yosh bu shunday yoshki, sen orzu qilgan narsalar aslida hech qanday ahamiyatga ega emasligini tushunib yetadigan yosh;
22 yosh bu shunday yoshki, hayot mazmunini tushunib yetadigan, biroq shunga qarab harakat qilishda o'zingda kuch topa olmaydigan yosh;
22 yosh bu shunday yoshki, vaqtingni opportunity cost'i juda past narsalarga sarflayotgan, lekin bundan o'zingni tiya olmaydigan yosh;
22 yosh bu shunday yoshki, sen yaxshi ko'raman deb o'ylagan insonlarsiz ham bemalol yashab ketaveradigan yosh;
22 yosh bu shunday yoshki, sen o'zingdan ko'ra ko'proq dadangni o'ylaydigan yosh;
22 yosh bu shunday yoshki, hayotda shunchaki o'zingni rol o'ynayotgandek his qiladigan yosh;
22 yosh bu shunday yoshki, birorta yaxshi post yozolmasangda yozishni davom ettiraverishing kerak bo'lgan yosh;
22 yosh bu shunday yoshki, faqat o'zing uchun o'zing harakat qilishing kerak bo'lgan yosh;
22 yosh bu shunday yoshki, hozir nima qilayotganing kelajakda kim bo'lishingni belgilab beradigan yosh;
22 yosh bu shunday yoshki, sog'liging senga to'lashlari mumkin bo'lgan har qanday summadan ustun bo'lgan yosh;
22 yosh bu shunday yoshki, maqsadlaring tez-tez o'zgaradigan yosh;
22 yosh bu shunday yoshki, hayotingda umuman kutilmagan voqealar sodir bo'ladigan yosh;
Ha 22 yosh shunday yosh men uchun.
@boburjon_mavlonov
