𓆩مَـراسـيلك𓆪

الثورة اذا بقت هيج ع هالوضعية مو بصالحنة لان الخسائر دتصير بس بالشعب اما الحكومة ديكسبون وقت بين ميرتبون امورهم اما للطفرة او للقمع بدليل القنابل الجديدة اللي ديضربوها الي مدينفعها لا الببسي ولا الخميرة,,, ماكو انسان ميتعب وتخلص طاقته ويجي يوم والمتظاهرين يتعبون وينسحبون تدريجيا اذا ماصار تغيير بنمط المظاهرات، اقروا هذا المنشور منقول من احد الاشخاص👇
السلام عليكم
اخوتي اني عسكري قديم وحبيت اساعدكم وانطيكم نصائح بخصوص ثورتكم من الناحية العسكرية...
اولا:كل اللي سويتوا عاشت ايدكم علية والحكومة الان ساقطة عسكريا والدليل الجيش اللي موجود ببغداد سحبوا السلاح منه وخاصة القريبين من المنطقة الخضراء خوفهم من الانقلاب وليس الخوف عليكم.
ثانيا: الحكومة دتماطل وانتو بهاي وكفتكم دتنطوهم وقت حتى يرتبون اوراقهم وبنفس الوقت احسبوا حساب بعد كم يوم حيصير ملل وتعب عند البعض وحينسحبون وممكن يقل الدعم (افتراضيا) فالحكومة ماعدها شي الوقت لصالحها بس انتو الوقت مو بصالحكم شهداء دتروح يومية وجرحى وهذا مو صحيح المجتمع الدولي دعمة ضعيف للمتضاهرين من الناحية الاعلامية حتى الامم المتحدة ردناهم يسوون شي وما سوو
ثالثا: حتى تضغطون على الحكومة بصورة سلمية ،قطع الطرق ببغداد وشل الحركة ومسك الارض من قبل المتضاهرين بقطع كل جسور بغداد فقط سيطروا على الجسور
اهل الدورة جسر الطابقين وجسر المعلق
اهل البياع وحي العامل جسر الجادرية
اهل الكاظمية والاعظمية جسر ١٤ رمضان والأئمة
اهل الرحمانية جسر الصرافية
اهل العلاوي جسر الشهداء والاحرار
اهل الزعفرانية جسر ديالى
وبقية المناطق دعم الهم
اذا قطعتوا الجسور شليتوا الحركة ببغداد وهذا ضغط عليهم.
رابعا: وجودكم بهالكم الهائل بالتحرير خطأ لان اذا انتو فاتحين ساحة تظاهر واحدة يسيطرون عليكم بينما اذا فتحتوا اكثر من ساحة ما يسيطرون عليكم ابد لان القوات الموجودة قليلة جدا (الجيش ورقة المتظاهرين الرابحة).
خامسا: جيشنا (امري القطعات والالوية) كون شجاع مثل ماتعودنا عليكم اذا لواء واحد علن العصيان للحكومة بقية الالوية حتتشجع وحتسقط الحكومة بدون حتى ماتدخلون الخضراء ..
سادسا:رئيس الوزراء مخطوف حاليا وهمة مشتتين وهاي فرصتكم تسقطون الحكومة بطريقة سلمية.
شكرا لكم
#مشاركتك_تدل_على_غيرتك

- الرساله ؛ حلم كل شاب عراقي متظاهر

هسه جيتي ،
وأنتِ مو فوك المخده
البارحه شعرج نزل
أتذكريتي ؟
ناسية بكلبي كصيبه ،
البارحه من بي غفيتي
ومطر طايح فوكنا ومتبلليتي ؟
فلوس للشمسية ما عندي أعتذر
همزين لمن ما سألتي
جانت أيديه اعلى رأسج من مشيتي ،
أنتِ يا أول أحبج أنتٍ يا أخر أوداع ،
كون فوك الغيم نمشي ما تكفينا هالكاع
يله نامي فوك أدية وسولفيلي عن حلمنه
أبيا اسم يكبر ابنه ؟
كون ارد من الشغل والكه عشانه ،
سوه نكعد اتلاثه احنه
وأبتسم لمن اشوفج حايره توكلين بي ،
وأبدي أغار جا وانه؟
أسكت أسكت هاك مني أحلى لكمه
هذا حلمي شكد احلمه
خاف لا ياخذني موتي وما اعيشه
ويبقى لجمه

- أحمد ملآذ

خلصت عراقي الحرب ما خلصو اسباعك✌️💪

معذور يا موطني ، حتئ بنشيدك حزن ، ماردنة منك خبز ، ولاردنة منك حلم ، بس ردنة منك "وطن " 🇮🇶🖤،

يچنچ ساحة التحريّر
حسنچ يّاهو يتصَوره
اليّريد يعشگچ المَفروض
روحه أتقدس الثورة 🇮🇶"
- رسول محسن 🖤،

باچر نطيح بگاعنه امراد
باجر نردها بدم الولاد
وبالدم نحني چفوف بغداد !

معذور يا موطني ، حتئ بنشيدك حزن ، ماردنة منك خبز ، ولاردنة منك حلم ، بس ردنة منك "وطن " 🇮🇶🖤،

الخاين اليوم يتكتر ، الساحة للوفاية 😌✋

اللهم أستجابه لكل دعوة ولكل دمعه فرح ولكل خوف طمأنينه 💜

احنه جيل نتلكه الرصاص بصدورنه
احنه جيل ماا ينكسر شما حاولو يكسرونه
احنه جيل ما لبسنه عمايم ولا رتب
مأكول حكنه وسونه شغب
احنه الشعب
لا ليران لا للحزب🇮🇶✌️

باچر تفض المشاكل
والضحك يترس حلگنه
باچر ايام الفرح تصير حگنه"