ДАРДНИНГ РАСМИ ........
Дард мени эзади, оғриқ эзади,
Онам билмасин деб, кулиб тураман.
Севганим ишончим тепиб бузади
Сўз демай, "тақдирдан" дея кўраман
Соғинч ўртар гоҳо, гоҳо ёлғизлик,
"Соғиндим" демоққа кучим етмайди.
Бу ёлғон дунёнинг қора ишига,
"Бас" деганим билан, сўзим ўтмайди.
Ичимга йиғилиб оғир аламлар,
"Дод" демоқлик учун оғиз жуфтлайман.
Ҳайрон боқиб ўтса, баьзи одамлар,
"Кейинроқ" дейману, тилим қулфлайман.
Кейинроқ..., кейинроқ..., Тегдику жонга,
Қанча оғир дардлар кўнглимда қолди.
Айланар ичимда, у ён, бу ёнга,
Қайтанга кўксимга санчиқлар солди.
Кўп сўзлар тепкилаб, эзиб босилган,
Йўлин тополмайди, тилга чиқишга,
Гоҳи кўзларимда бўлса намоён,
Тил эса устадир ёлғон тўқишга.
Охир оғир чўкма, бўлиб оғир юк,
Қалбимга чўкади гавдамни эгиб.
Ҳолим қолмас ҳатто қадам босишга,
Йиқиламан, агар кетсангиз тегиб.
Тўлғоқ тутган каби жонни азоблар,
Аччиқ ёшлар қоплар бу қора кўзни.
Оқ қоғозга секин ёзила бошлар,
Кўнгил айтиб турар ҳар битта сўзни.
Мисралар тўкилар, тўкилар тинмай,
Енгил бўлар таним, юрагим, қалбим.
Ҳар битта туғилган шеьрларим шундай,
Тўлғоқли, оғриқли, азобли дардим ..
Дарднинг оғриғидан бўлишиб адо,
Мингтага бўлинар шоирнинг жисми.
Дейсиз "Ёзганингиз бунчалар аьло",
АСЛИ БУЛАР ШЕЬРМАС.... ДАРДЛАРНИНГ РАСМИ....ДИЛДОРА АБДИНАЗАРОВА.
Каналга уланиш👇
@Dildora_abdinazarova
