Eng Yaxshi Ummat

#kun mavzusi

❗️ Мана, Рамазон билан видолашув они тобора яқинлашмоқда.

Энг улуғ, энг серажр кунлар, соатлар, сонияларда турибмиз. Нимаики тилагингиз бўлса сўраб-сўраб олинг!

Аллоҳим, бизнинг тутган рўзаларимизни, ўқиган тиловату таровеҳларимизни Ўзинг ҳусни мақбул айла!
Мени, ота-онамни ва барча мусулмонларни ва уларнинг ота-онасини дўзахдан озод қилинган бандаларинг қаторида қил!

Мазлум, мазлумаларга Ўзинг нусрат бергин. Амин!

@Eng_yaxshi_ummat

Nabiy alayhissalom aytadilar: «Allohning ko‘z ko‘rmagan, quloq eshitmagan va insonning xayoliga kelmagan dasturxoni bor. Uning atrofida ro‘zadorlargina o‘tiradilar» 
(Ibn Abu Dunyo rivoyati).
Anas roziyallolu anhu dedilar: «Ro‘zadorlarning og‘zidan mushk ufuradi va ular uchun Arshning ostida dasturxon yoziladi. Odamlar (qiyomatda)hisob berar ekan, ro‘zadorlar ziyofatda bo‘ladilar»

Makhul rahimulloh deydilar: “Janat ahli bir hidni his etishadi-da: “Ey, rabbimiz, jannatga kirganimizdan buyon bu hidni hidlaymiz, biz undan shirinroq hidni hech tuymaganmiz” deyishadi. Ularga: “Bu bo‘y ro‘zadorlarning bo‘yidir”, deyiladi.

Shunday ekan, ramazonning qimmatli kunlarini uyin-kulgi, bema’ni kinolar tomoshasi va boshqa ko‘ngilxushliklar bilan isrof qilmasligimiz lozim. Aqlli mo‘min bag‘oyat qimmatli ne’matni arzimas xasga almashtirmaydi!

@Eng_yaxshi_ummat

Рамазонда тўғри тановул қилишни ўрганамиз

Ифторликда бир пиёла сувга асал қўшиб истеъмол қилинг.

• Саҳарлик пайтида газли ичимликлар, консерва, қаттиқ қовурилган таомларни тановул қилмаслик, аччиқ ва шўр маҳсулотлар ҳамда хоним каби хамирли таомларни чеклашга интилганингиз маъқул.

• Саҳарлик дастурхони оқсил ва углеводларга бой таомлардан иборат бўлиши керак. Маълумки, гўшт маҳсулотлари 16 соат давомида ҳазм бўлади.

• Қайнатилган тухум ва сут маҳсулотлари қоринни тўқ тутиш хусусиятига эга. Шунинг учун ҳам айрим инсонлар саҳарликда қаймоқ ейишни афзал билишади.

• Хурмо тановули эса организмга қувват бағишлайди, сабаби бу мева таркибида углевод, клетчаткалар, калий ва магний моддалари бисёр.

©️ Шифокор Зуҳриддин Баҳриддинов

@Eng_yaxshi_ummat

Izoh: Fuzayl ibn Iyoz rohmatullohi alayhning òģillari fosiq qaroqchi bòlgan.
Ushbu duo tahajjud paytida yiģlagan xolda Parvardigoriga yolvorib amalga oshirilgan.
Allohning fazli bilan adashgan farzand Bomdod vaqtida tovba qilib kelgan.
Alloh istasa shunday tez ijoba qiladi albatta u eng hikmatli zot.

#iqtibos

Kim o‘qishdan (ilm olishdan) to‘xtasa qariydi, - xoh u 20 yoki 80 yosh bo‘lsin, - kim muntazam o‘qishni (ilm olishni) davom ettirsa yosh-navqiron bo‘lib qolaveradi. Hayotda eng asosiysi - miyani yosh-navqiron holatda saqlashdir.

© Genri Ford, "Ford Motors" kompaniyasi asoschisi

#Zehniyat
@Eng_yaxshi_ummat

#Farzand_tarbiyasi

Tarbiyadagi eng ulug‘, fazilatli uslublardan biri - farzandlarga salohiyat tilab duo qilishdir.

Bu xususda Fuzayl ibn Iyozning duolari quyidagicha edi: “Allohim, albatta Sen ogohsanki farzandimni ahloq-odobli bo‘lishi uchun ko‘p harakat qilmoqdaman. Lekin bunga qurbim yetmayapti. Ey Alloh! Uni menga (qalbini hidoyatingga burib) odobli qilib bergin!”.

@Eng_yaxshi_ummat

❗️ "Қадр кечасида дақиқа қадри"

Ҳозирда ўртача бир кеча 9-10 соат давом этади.

Аллоҳ таъоло Қадр кечасини (24 соатни эмас, бир кечани) минг ойдан яхши деган.  Келинг биргаликда ҳисоблаб кўрамиз:

• Бир соати — 3750 кундан (яъни 10 йилдан)
• Бир дақиқаси — 1500 соатдан (яъни 60 кундан)

АФЗАЛ БЎЛИБ ЧИҚАДИ.

• Аллоҳ таъоло Духон сурасида:

إِنَّا أَنزَلْنَاهُ فِي لَيْلَةٍ مُّبَارَكَةٍ
"Албатта, Биз уни (Қуръонни) муборак кечада туширдик", деб айтади.

• Унинг мубораклиги Қуръон билан боғланмоқда. Бу кеча — Қуръон кечаси. Бир дақиқа тиловат қилсангиз, 60 кун тиловат қилганнинг ва ундан ҳам кўпроқнинг савобини оласиз. 

• Ибн Умар розияллоҳу анҳумадан қилинган ривоятда Росулуллоҳ соллаллоҳу алайҳи ва саллам айтадилар:
يُقَالُ - يَعْنِي لِصَاحِبِ الْقُرْآنِ -: اقْرَأْ وَارْتَقِ وَرَتِّلْ كَمَا كُنْتَ تُرَتِّلُ فِي الدُّنْيَا ، فَإِنَّ مَنْزِلَتَكَ عِنْدَ آخِرِ آيَةٍ تَقْرَأُ بِهَا
Қуръон соҳибига (охиратда): "Ўқи, кўтарил ва тиловат қилавер. Албатта, сенинг жойинг энг охирги тиловат қилган оятинг ўрнида бўлади", дейилади. (Имом Термизий)

• Шарт: Ушбу ҳадисдаги бундай савобга етишиш учун:
— Қуръон маъносини билган одам тадаббур билан ўқишлиги ва унга амал қиламан деб ният қилишлиги;
— маъносини ҳали билмаганлар эса ўрганиб, албатта, амал қиламан деб қасд қилишлари Шарт. 

• Тунгги намозларда ҳам ёдлаган энг узун сураларингизни ўқишга ҳаракат қилинг!

• Кичик сураларни кетма-кет, орада "Бисмиллаҳир Роҳманир Роҳийм" билан бир ракъатда зам суралар қилса бўлади, жоиз.

— Далил: Имом Бухорий ва Муслимда келган зам сураларининг охирида Ихлос сурасини ўқийдиган саҳобанинг ҳадиси.

• Бу кечада бирор дақиқани зое қилманг! Шу дақиқа сизни икки ойлик тинимсиз тиловат даражаларига кўтариши мумкин.
Бунинг қадрини кучли иймон ва ихлос соҳиблари билади! Бу дақиқанинг қадрини қабрда ётганлар билади!

Бугунги душанбадан сешанбага ўтар кечаси Лайлатул Қадр бўлиши эҳтимоли катта бўлган кечалардан ҳисобланади!
@Eng_yaxshi_ummat