غزل!!! د وصل درمل

ستا د وصل درمل را کړۀ د بیلتون زهر مې څکلي
مرمۀ ساه اخیستی نشم سخت درد دونه مې لیدلي

رنځ نیولی یم تپېږم ساه مې لنډه لنډه کېږي
نن په ما دې ګل نګاره د هجران تبي را غلي

زه مرید یم ستا دمیني ستا نظر ته مې اړتیا شته
هیلي ټولي  د ژوندون مې پیره تـا پورې تړلي

د عشق اور کې دي کباب شوم او سکاره شومه ایره شوم
اندامونه  د وجود مې  ټول د درد لمبو وهلي

انتخاب زما د زړه یې زه دې ساتم د زړه کور کې
مئین شوی یم په تا زه نشته ستاپه شانتې ښکلي

د .... اسد حماس ـ زړګی درپسې دومره دردېـدلی
چې له زړه نه یې د وینو سرې ویالې دې بهـېدلي

صَلُّوْا عَلَیْهِ وَ سَلّـِمُوْا تَسْلِیْمًا

اسد_حماس!!