🇮🇶الأَبوذية_والنعي✔️

(( كـــلـــبـــي مـــجـــســـوم ))
نعي لسان السيدة سكينة بنت الإمام الحسين عليهما السلام

سكنه و ادموعي تنادي آيا مظلوم
لكربله و هاي المآسي گلبي مجسوم
------------------------
اظْلَمَّت الدِنْيَه علينه و هَبَّت ارياح
و العدو بالحومه كَبَّر و بالسمه اصياح
و اسْمَعِت صوت بأنينه يرفع انياح
طاح لحسين ابطفوفه و ينزف ادموم
------------------------
صرت اطالع لن خِيَمْنَه وحشه للصار
و المُهر جانه بحنينه و ينذر أخطار
يا بنات الهادي فِرَّن هالعدو جار
حسين طايح ع الوطيه و جسمه محطوم
------------------------
و بن سعد ما يقبل إلا بسبي لأطياب
اتْحَيَّر ابطيحة وليكم و مِنَّه إرْتاب
اسْتَحْسَن الشور بهجومه لهاي لأطْناب
وكل فوارسكم وسافه امْصَرَّعَه اجسوم
------------------------
و آمر العسكر يجونه و تحمل النار
حرگو يا بونه خِيَمنَه گوم لأشرار
و كِلْنَه ياوسفه فزعنه بلوعه و امرار
و تدري ما إلْنَه مُحامي عگبك اليوم
------------------------
و السَلِب ليتك حضرته و عينك اتشوف
بين ازلام الضلاله نصرخ ابخوف
وين عباس الشهامه بغيره معروف
يا عجب ع الشاطي طايح و ليته ايگوم
-----------------------
بويه يا بويه إلطموني هالملاعين
و صارت الدمعه بعيوني تكتب احسين
وينك ابضيمي أجيلك طايح افوين
أرد أگِلَّك يا دلالي حالي ميشوم
-----------------------
شِفْتَك ابعالي سِمانه و أشْهَگ أنفاس
ع الرمح شفتك يَغالي مرتفع راس
و الجسد وينه أنادي بحيرة إحساس
و راسك ابعينه يجاوب و غارگ ادموم
------------------------
من خِيَمنَه جيت أدَوْرَك بالميادين
بين شفرات المَنايه و جرح لونين
آنه يا بويه سكينه و ناري نارين
چيف أطَبِبْها جراحَك و أشكي لهموم
------------------------
شفتك ابسوح البساله ويلي مذبوح
و الجسد بجراحه ذايب وسفه مطروح
امْهَشّمَه اعظامَك يبويه و تشعب الروح
لكل ألم نالك يروحي گلبي مالوم
--------------------------
صرت أقَبِّل بويه نحرك و أشكي بَلْواي
امدوهِنَه جيتك كئيبه و حزني وَيّاي
گلت أنا يمكن اشوفك بروح يَحْماي
و تنهض اويايَه لخدرنه و تمنع الگوم
------------------------
عمتي زينب يوالي بأصعب أحوال
تجمع النسوه المروعه لو بالأطفال
امحيره ما عِدْها والي لا ولا ارجال
و بن سعد آمر رجاله و قاسي لهجوم
------------------------
ع الهزل لو يحملونه و باچر انشيل
بويه طَلْبَه تعذرونه ما لنا حيل
نمشي نترككم ضحايه بلايا تغسيل
ولا دفن لاچن علينه هذا محتوم
------------------------
الشاعر : أبو شهيد الأحسائي
الأحد ١٤٤٠/٥/٣٠هـ
-----------------------


@Hossain1_2
#الناشرالحسيني_حسين_جاسم_الطائي

((أبوذيات أفراح للإمام علي عليه السلام))

يامن لحب علي باغض مناصب
علي رغم الحقد قمّة مناصب
اسكر بحبه وأذوبن من آصب
وإنته إشرب من حمم نار اللظيه
✯✯✯✯✯✯✯✯✯✯✯
گلبي سأل عارف عدل بالولي منصف
ياهو المثل حيدرنا بالبشر من صف
وياهو الذي بصف الولي يوگف من صف
حيدر بعد النبي خير البريه
✯✯✯✯✯✯✯✯✯✯✯
تعاند نفسك لمن تگل لي من علي
اگول بفخر هذا إمامي ومن علي
إلٰهي بحبه عاصمني إلٰهي ومن علي
علي حبه حياة السرمديه
✯✯✯✯✯✯✯✯✯✯✯
موالي ارفع دليك بالحشر واشر به
ونادي ياعلي حبك الكوثر واشربه
واذا خصمك دناني بالمكر وشر به
بإسمك ألوذن ياعلي وتنغر عليّه
✯✯✯✯✯✯✯✯✯✯✯
الشاعر : أبو شهيد الأحسائي
-----------------------


@Hossain1_2
#الناشرالحسيني_حسين_جاسم_الطائي

عجب عباس ليهسه متاني

اطب ديوان للغربه متاني

زرك هم يدري كافلني متاني

وهم يدري بحبل مشدودة اديه

الشاعر حسين المحامي


@Hossain1_2
#الناشرالحسيني_حسين_جاسم_الطائي

#أبوذيات
الى اصحاب الحسين عليهم السلام
=======================

صحبتك صرعه عالغبره وصبراك

تناشدهم على الحومه وصبراك

منوا ايواسيك لمصابك وصبراك

وحيد ابلا سند بالغاضريه

=======================

عليهم دمعتي اعتابي ولاماي

كثر حملي منوا ايشيله ولاماي

برير او جون والكافل ولاماي

عطاشه امكطعه فوك الوطيه
=======================

كلمات الشاعر الحسيني
حسن جاسم الطائي


@Hossain1_2
#الناشرالحسيني_حسين_جاسم_الطائي

عليك اعيوني ابجيهه وادمهه

ويريت اطول دمعاتي وادمهه

هاي الدنيا ما تعرف وادمهه

انه منهه اشبكك باثنين اديه

الشاعر حسين المحامي


@Hossain1_2
#الناشرالحسيني_حسين_جاسم_الطائي

اليعرفك صرت اعز ناسه وخله

وانته بكلبي كالوالد واخله

اليخدمه حسين ما عافه وخله

وابشرك مثلك اتحضره الزجيه

الشاعر حسين المحامي


@Hossain1_2
#الناشرالحسيني_حسين_جاسم_الطائي

فكدك نار يل صاحب ويانه

يطيب خلص كل عمرك ويانه

كَرب عاشور بهلاله ويانه

حيره شلون ما نلطم سويه

الشاعر حسين المحامي


@Hossain1_2
#الناشرالحسيني_حسين_جاسم_الطائي

كالولي عوف حسين خلص عمرك

لتكول بايعته او ملك كل امري

لا بيدي امري وانه الشريت حسين

هو انه لو لا حسين شلي ابعمري

الشاعر حسين المحامي


@Hossain1_2
#الناشرالحسيني_حسين_جاسم_الطائي