QIZGʻALDOGʻIM

Baxtga yetay degan chogʻim,
Hazon boʻldi sevgi bogʻim...
Gulim endi oʻzga bogʻda,
Gullar boʻlding qizgʻaldogʻim.

Tikoni bor yomonimey,
Tilib ketding bu jonimey.
Jonim olib janonimey,
Armon boʻlding qizgʻaldogʻim.

Yuragimning chokin soʻkib,
Qonlariga choʻkib choʻkib...
Kuz kelmayin barging toʻkib,
Hazon boʻlding qizgʻaldogʻim.

Kuyar boʻldim yor zoringda,
Bugun qolib ozoringda.
Muhabbatni bozoringda,
Pullar boʻlding qizgʻaldogʻim.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟