𝐊𝐚 𝐊𝐚 𝐇𝐚𝐧✍️

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ဘယ်လာရုစ်နိုင်ငံတွင် ပညာသင်ကြားလျက်ရှိသည့် သင်တန်းသားအရာရှိများအား တွေ့ဆုံအမှာစကားပြောကြား
==================================
ဘယ်လာရုစ်သမ္မတနိုင်ငံ၊ မင့်စ်မြို့သို့ နိုင်ငံတော်အဆင့် တရားဝင်ချစ်ကြည်ရေးခရီး ရောက်ရှိနေသည့် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် သည် ယနေ့ မတ်လ ၇ ရက်နေ့ ဒေသစံတော်ချိန် ညနေပိုင်းတွင် ဘယ်လာရုစ်သမ္မတနိုင်ငံ၊ မင့်စ်မြို့တွင် ပညာသင်ကြားလျက်ရှိသည့် သင်တန်းသားအရာရှိများအား President ဟိုတယ်၌ တွေ့ဆုံအမှာစကားပြောကြားခဲ့ပါတယ်။
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် က အမှာစကား ပြောကြားရာတွင် မိမိတို့အနေဖြင့် ပြည်ပနိုင်ငံသို့ ပညာတော်သင်များစေလွှတ်ခြင်းသည်ရည်ရွယ်ချက်ရှိစွာဖြင့် စေလွှတ်သင်ကြားစေခြင်းဖြစ်ကြောင်း၊ သာမန်အားဖြင့် ဘွဲ့လွန်သင်တန်းသားများရှိသကဲ့သို့ လိုအပ်ချက်များကြောင့် စေလွှတ်ရသည့် ပညာ တော်သင် သင်တန်းသားများလည်းရှိကြောင်း၊ သင်တန်းများစေလွှတ်တက်ရောက်စေခြင်းဖြင့် နိုင်ငံတော်အတွက် လူသားအရင်းအမြစ်များကို မွေးထုတ်ပေးနိုင်မည် ဖြစ်ကြောင်း၊ သင်တန်းသားများအနေဖြင့် သတ်မှတ်ထားသည့် ကာလအတွင်း
သင်တန်းပြီးမြောက်အောင်သင်ကြားရန်နှင့် သင်ကြားပေးသည့် ပညာရပ်များကို အမှန် တကယ် တက်မြောက်အောင် ကြိုးပမ်းဆောင်ရွက်ကြစေလိုကြောင်း
ပြောကြားခဲ့ပါတယ်။

မြန်မာ-ဘီလာရုစ်နှစ်နိုင်ငံ လျှပ်စစ်စွမ်းအင်သုံးမော်တော်ယာဉ်များထုတ်လုပ်ရာ၌ ပူးပေါင်းဆောင်ရွက်ရန်ဆွေးနွေး
================================
မြန်မာ-ဘီလာရုစ်နှစ်နိုင်ငံ လျှပ်စစ်စွမ်းအင်သုံးမော်တော်ယာဉ်များထုတ်လုပ်ရာ၌ ပူးပေါင်းဆောင်ရွက်ရန် နစက ဥက္ကဋ္ဌ၊ နိုင်ငံတော်ဝန်ကြီး ချုပ်၊ ဗိုလ်ချုပ်မှူးကြီးမင်းအောင်လှိုင်နှင့် ဘီလာရုစ်နိုင်ငံဝန်ကြီးချုပ် H.E. Mr. Roman Alexandrovich Golovchenko တို့ ယနေ့ မတ် ၇ ရက်ညနေပိုင်းက တွေ့ဆုံဆွေးနွေးခဲ့ကြသည်။
တွေ့ဆုံစဥ် နစက ဥက္ကဋ္ဌ၏ ဘီလာရုစ်နိုင်ငံသို့လာရောက်သည့် ချစ်ကြည်ရေးခရီးစဉ်သည် နှစ်နိုင်ငံချစ်ကြည်ရင်းနှီးမှုနှင့်ပူးပေါင်းဆောင်ရွက်မှုများကို များစွာမြှင့်တင်ပေးနိုင်မှု၊ မြန်မာ-ဘယ်လာရုစ် စီးပွားရေးဖိုရမ်အောင်မြင်စွာကျင်းပနိုင်ခဲ့မှုနှင့် နှစ်နိုင်ငံကြား နားလည်မှုစာချွန်လွှာများ လက်မှတ်ရေးထိုးနိုင်ခဲ့မှုတို့ကို ဆွေးနွေးခဲ့ကြသည်။
ထို့ပြင် နှစ်နိုင်ငံကြား ထုတ်ကုန်ပစ္စည်းများအ ပြန်အလှန်တင်ပို့နိုင်ရေး၊ မြန်မာနိုင်ငံမှထွက်ရှိသည့် ဆန်အပါအဝင် အခြားစက်မှုကုန်ကြမ်းသီးနှံများအား ဘီလာရုစ်နိုင်ငံသို့တင်ပို့နိုင်ရေး၊ စိုက်ပျိုးမွေးမြူရေးလုပ်ငန်းများအတွက် ရေခံမြေခံကောင်းများရှိပြီးဖြစ်သည့် မြန်မာနိုင်ငံနှင့် ခေတ်မီစိုက်ပျိုးမွေးမြူရေးနည်းပညာများ ပိုင် ဆိုင်ထားသည့် ဘီလာရုစ်နိုင်ငံတို့ကြား ပူးပေါင်းဆောင်ရွက်ခြင်းဖြင့် နှစ်နိုင်ငံအကျိုးဖြစ်ထွန်းစေမည့်ကိစ္စများကိုလည်း ဆွေးနွေးခဲ့ကြသည်။
ထို့အတူ စိုက်ပျိုးရေးနှင့်မွေးမြူရေးလုပ်ငန်းများတွင် နည်းပညာများဖလှယ်ရေး၊ လျှပ်စစ်စွမ်း အင်သုံးမော်တော်ယာဉ်များထုတ်လုပ်ရာတွင် ပူးပေါင်းဆောင်ရွက်ရေးနှင့် နှစ်နိုင်ငံကြား ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ မြှင့်တင်ရေးတို့ကိုလည်း ဆွေးနွေးခဲ့ကြသည်။