Myanmar National Post

ပေါက်မြို့နယ်အတွင်းရှိ ပြည်သူ့စစ်ကျေးရွာများကို PDF အကြမ်းဖက်သမားများက ဒရုန်းဖြင့် Drop Bomb များ ပစ်ချ တိုက်ခိုက်

ပေါက်၊ ဇန်နဝါရီ ၁၃
မကွေးတိုင်းဒေသကြီး၊ ပေါက်မြို့နယ်၊ တပ်ကုန်းနှင့် ရွာသစ် ပသစရွာများကို ယနေ့ PDF အကြမ်းဖက်သမားများက ဒရုန်းသုံးစီးဖြင့် Drop Bombများ ပစ်ချတိုက်ခိုက်ခဲ့၍ နေအိမ်အချို့နှင့် ပြည်သူအချို့ ထိခိုက်မှုများ ဖြစ်ပေါ်ခဲ့ကြောင်း သိရသည်။
ယမန်နေ့ကလည်း ထိုနည်းတူ တိုက်ခိုက်ခံရ၍ အမျိုးသမီး ၂ဦးထိခိုက်ဒဏ်ရာရခဲ့ပြီး တစ်ဦးမှာပေါင်ဖြတ်ခဲ့ရပြီး စိုးရိမ်ဒဏ်ရာရရှိခဲ့ကြောင်း သိရသည်။
ပသစရွာများနှင့် ကိုင်းလယ်ရဲစခန်းတို့တွင် ရိက္ခာပြတ်လပ်မှုများ ရှိနေပြီး အချို့ရဲဘော်များ ခံနိုင်ရည်မရှိဖြစ်ကာ ဘက်ပြောင်းမှုများရှိခဲ့သည်။ ကိုင်းလယ်ရဲစခန်းမှ ရဲတပ်ဖွဲဝင်၄ဦးအထိ ယခုရက်ပိုင်းအတွင်း လက်နက်ခဲယမ်းများယူဆောင်ကာ ဘက်ပြောင်းသွားခဲ့ကြောင်း သိရသည်။

Join - https://t.me/MyanmarNationalPost

ကြံခင်းမြို့နယ် အခြေခံပညာမူလတန်း မူလွန်မြို့မတောင်ကျောင်းတွင် ပညာရေးစုံညီပွဲတော်နှင့် ဆုချီးမြှင့်ပွဲကျင်းပ

ကြံခင်း၊ ဇန်နဝါရီ ၁၃
ဧရာဝတီတိုင်းဒေသကြီး၊ မြန်အောင်ခရိုင်၊ ကြံခင်းမြို့နယ် အခြေခံပညာမူလတန်း မူလွန်မြို့မတောင်ကျောင်းတွင် (၂၀၂၄-၂၀၂၅) ပညာသင်နှစ်၊ ပညာရေးစုံညီပွဲတော်နှင့် ဆုချီးမြှင့်ပွဲအခမ်းအနားကို ယနေ့နံနက်(၈)နာရီအချိန်က အဆိုပါကျောင်းဝန်းအတွင်း ကျင်းပခဲ့သည်။
အခမ်းအနားကို အခြေခံပညာမူလွန်မြို့မတောင်ကျောင်းမှ ကျောင်းသား/သူလေးများက"ကြိုဆိုပါသည် စုံညီပွဲတော်"တေးသီချင်းဖြင့် သီဆိုဖွင့်လှစ်ပြီး၊ မြို့နယ်ပညာရေးမှူးရုံးမှ လက်ထောက်ပညာရေးမှူး ဦးဌေးဦးက အဖွင့်အမှာစကားပြောကြားရာတွင် ပညာရေးကဏ္ဍ မြင့်မားစေရေး၊ ဘက်စုံထူးချွန်သော ကျာင်းသားလူငယ်များ ဖြစ်လာစေရေးအတွက် ပညာရေးစုံညီပွဲတော်များကျင်းပကာ ကာယ၊ ဉာဏပြိုင်ပွဲများတွင် ထူးချွန်ထက်မြက်သော ကျောင်းသား/သူများကို ချီးမြှင့်ဂုဏ်ပြုသောပွဲဖြစ်ပြီး ဆုရသူများအတွက် ဂုဏ်ယူပါကြောင်း ပြောကြားပြီး၊ ကျောင်းအုပ်ဆရာမကြီး ဒေါ်အေးအေးခိုင်က ပညာရေးစုံညီပွဲတော်ကျင်းပရခြင်း၏ ရည်ရွယ်ချက်အား ရှင်းလင်းပြောကြားပါသည်။
ဖတ်ရှုရန် >>>
https://www.mmnationalpost.com/2025/01/blog-post_352.html

ညောင်တုန်းမြို့နယ်ရှိ ကျေးလက်လမ်းလုပ်ငန်းအကောင်အထည်ဖော် ဆောင်ရွက်နေမှုအား ကွင်းဆင်း ကြည့်ရှုစစ်ဆေး

ညောင်တုန်း၊ ဇန်နဝါရီ ၁၃
ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်တွင် တိုင်းဒေသကြီးအစိုးရအဖွဲ့၏ ၂၀၂၄-၂၀၂၅ ဘဏ္ဍာ‌နှစ်၊ ငွေလုံးငွေရင်းရန်ပုံငွေဖြင့် အကောင်အထည်ဖော် ဆောင်ရွက်လျက်ရှိသည့် ကျေးလက်လမ်းခင်းခြင်းလုပ်ငန်းကို ယနေ့နံနက်ပိုင်းတွင် တာဝန်ရှိသူများက ကွင်းဆင်းကြည့်ရှုစစ်ဆေးခဲ့ကြောင်း သိရသည်။
ကွင်းဆင်းကြည့်ရှုရာတွင် ကျေးလက်လမ်းဖွံ့ဖြိုးရေးဦးစီးဌာန(နေပြည်တော်) အင်ဂျင်နီယာချုပ်(မြို့ပြ) ဦးကျော်ကျော်ထွေး၊ ခရိုင်နှင့်မြို့နယ်တာဝန်ခံအင်ဂျင်နီယာများ၊ လမ်းအရည်အ‌သွေးထိန်းသိမ်း‌ရေးအဖွဲ့တို့က လာဘ်မိုးသဲကုမ္ပဏီမှ တာဝန်ယူဆောင်ရွက်သော စက္ကော့-အင်းမကျေးရွာချင်းဆက် ကျောက်ချောခင်းခြင်းလုပ်ငန်း အကောင်အထည်ဖော် ဆောင်ရွက်‌နေမှုများကို ကွင်းဆင်းကြည့်ရှုစစ်ဆေးခဲ့ပြီး လိုအပ်သည်များကို မှာကြားခဲ့ကြောင်း သိရသည်။
https://www.mmnationalpost.com/2025/01/blog-post_700.html