КИТОБДАГИ ПАРОДИЯЛАРДАН

ЎЗИНГДИРСАН СЕВГИЛИМ
Сувга ташла, хоҳи ўтда ёқ,
Ўзингдирсан севгилим, иймоним.
Оқилжон ҲУСАН, «Севги сатрлари».

Сочимдан торт, қулоғим чўз,
Муштла майли юзимга.
Қўлларингни бигиз қилиб,
Тиқиб олгин кўзимга.

Башарамга қум соч майли,
Кесак отгин, тош отгин.
Агар олма тополмасанг,
Картошка от, мош отгин.

Бир кам бўлиб юрмайин мен,
Сенсиз тўқсон тўққиздай.
Оёғимга арқон боғлаб,
Сўйиб ташла ҳўкиздай.

Сўнг қонимдан шароб қилгин,
Солиб катта бучкага.
Ҳеч бўлмаса сиёҳ бўлсин,
Сенинг учун ручкага.

Қурбон қилай сен учун мен
Молу мулким, бор пулим.
Чидайман-да ҳаммасига,
Ўзингдирсан севгилим.
Абдураззоқ ОБРЎЙ.