قصيدة مربعة للامام السجاد ( ع) وتقرأ بعدة أطوار

✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶

ونـات العليل اتـشـيـب الراس
شعنده ياجرم وتسمه هالناس

✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶

شعنده يـاجنيه وصـبـح مسموم
مـالـوم الـدلـيـل اعـلـيـه مـالـوم
مثل حسين ابو ماحصل مظلوم

يذكر ذبحته لحد گطع الانفاس

✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶

يذكر مـا جره بالطف مصايب
زيـن اعبادنه شـاف العجايب
وحـيـرة عمـته بين الاجـانب

وحزنه الحالها ما اله مقياس

✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶

مـاينقاس حـزنك ياابو الباقر
والله مصيبتك تعمي النواظر
خياتك مشن ابكسر الخواطر

وجثت والدك بالخيل تنداس

✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶

يـامـيـت گـبـل بـالخيل داسوه
يـطلـب مـاي مايرضون ينطوه
ومن بعد الذبح جسمه يرضوه

لحد الموت گلبك بالآلم حاس

✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶

گلبك يوجعك مـن كـثـر الآلام
يـادرب السبي يـادخلت الشام
يـاگـيـد السلاسـل هـد العظام

والسم لوعك لب الچبد جاس

✶•┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈•✶

تمت والحمدلله ✍🏻 خادمة أم أبيها الشاعرة أم علي الحلفي لا أجيز شرعاً حذف الأسم أوتغيير الكلمات أهدي ثواب عملي هذا إلى أرواح المؤمنين والمؤمنات وبالخصوص إلى روح المرحوم ( والدي رحمهُ الله)

نسألكم الدعاء

https://t.me/joinchat/AAAAAEwOKHGXOfMP5uf_dQ