AZADA

Namli nigohlarday ollandi shafaq,
Namli liboslarin yechib otdi koʻk.
Bir moʻmin olamdan oʻtarkan barhaq,
Faryod urgani yoʻq, dod solgani yoʻq.
 
Oʻshanda xayruxoʻsh aytdiyu yoshlik, 
Qartaygan dunyoni qopladi titroq. 
Oʻshanda toshlar ham qilmadi toshlik,
Takror azizlandi poyimda tuproq.

Oʻshanda jimgina moʻminlarga xos,
Dunyoni tark etdi hazrati inson.
Bir qalqdi,
Bir kuydi,
Yigʻladi biroz:    
Odamga aylandi bir toʻp olomon.

Shohsanam Nishonova

t.me/Shohsanam_Nishonova