📚ˢʰᵖᵒˡ-ᵈᵃʳʸᵃ

📖#تـرس

دۆستەکانم
لە سەفەری تارانەوە
ترسیان لە گەڵ خۆ هێنابوو!

بۆ ڕێزگرتن
نۆرەیان دامەزراندبوو
هەر شەو ماڵێک!

پاش حەوتوویەک کە نۆرەم هات
شەو لە گەڵما نانی خوارد و
بۆ خەو لە تەنیشتم ڕاکشا!

لای نیوەشەو
کە هەستام هەر بە خەبەر بوو
دەیویست ماڵ وحاڵ و ئاسوودەییم
لێ بدزێت و
بیخاتە ناو جانتای شانی!

لێی ڕاپەڕیم
چاوم بڕیە ناو چاوانی
توند توند بە سەرم دا قیژاند
ترس ترسا!

هەر ئەو شەوە
وەک نەیاران
بارگە و بنەی پێچایەوە و
گەڕایەوە بەرەو تاران!

🖊#ک_د_ئازاد

☑️@ShpolDarya

https://t.me/joinchat/AAAAAFGbCt_oYZSqxGLqlA