ਪੰਜਾਬੀ ਕਲਾਕਾਰਾਂ, ਲੇਖਕਾਂ, ਐਕਟਰਾਂ, ਲੀਡਰਾਂ ਅਤੇ ਬੁੱਧੀਜੀਵੀਆਂ ਦੇ ਨਾਂਅ

ਪੰਜਾਬੀ ਹੋਣ ਦਾ ਹੱਕ ਪੰਜਾਬ 'ਚ ਜੰਮਣ ਨਾਲ ਹੀ ਨਹੀਂ ਮਿਲ ਜਾਂਦਾ , ਇਹ ਹੱਕ ਪੰਜਾਬ ਲਈ ਲੜ ਕੇ ਅਤੇ ਖੜ ਕੇ ਕਮਾਉਣਾ ਪੈਂਦੈ , ਪੰਜਾਬੀ ਹੋਣਾ ਇੱਕ ਪਰਦੇਸ ਦਾ ਵਾਸੀ ਹੋਣਾ ਜਾਂ ਇੱਕ ਭਾਸ਼ਾ ਵਿਸ਼ੇਸ਼ ਬੋਲਣਾ ਨਹੀਂ ਹੈ ਸਿਰਫ , ਪੰਜਾਬੀ ਹੋਣਾ ਹੱਕ ਸੱਚ ਲਈ ਲੜਨ 'ਤੇ ਖੜਨ ਵਾਲਾ ਯੋਧਾ ਹੋਣਾ ਹੁੰਦਾ ਹੈ ਚਲੋ ਮੈਂ ਸਿੱਖ ਸ਼ਬਦ ਨਹੀਂ ਵਰਤਦਾ ਅਤੇ ਨਾ ਹੀ ਇੱਕ ਧਰਮ ਬਾਰੇ ਕੋਈ ਗੱਲ ਕਰਾਂ ਪਰ ਪੰਜਾਬ ਦੇ ਇਤਿਹਾਸ ਅਤੇ ਵਿਰਸੇ ਨੂੰ ਤਾਂ ਸਾਰੇ ਮੰਨਦੇ ਹੀ ਨੇ ਨਾ , ਉਸਨੂੰ ਹੀ ਜਾਣ ਲਓ ! ਅੱਜ ਪੰਜਾਬੀ ਹੋ ਕੇ ਸੱਤਾ ਦੇ ਖ਼ਿਲਾਫ਼ ਕੁੱਝ ਨਾ ਬੋਲਣਾ ਵੀ ਸੱਤਾ ਦੇ ਹੱਕ 'ਚ ਭੁਗਤਣਾ ਹੀ ਹੈ , ਇੱਕ ਲਾਇਨ ਜਾਂ ਇੱਕ ਗੀਤ , ਕਵਿਤਾ ਨਾਲ ਨਹੀਂ ਸਰਨਾ , ਹੁਣ ਤਾਂ ਲੜਾਈ ਆਰ ਪਾਰ ਦੀ ਹੈ ਬਾਈ , ਆਪਣਾ ਸਟੈਂਡ ਸਪਸ਼ਟ ਕਰਕੇ ਲਕੀਰ ਦੇ ਇੱਕ ਪਾਸੇ ਖੜਨਾ ਪਊ , ਹੁਣ ਸ਼ਬਦਾਂ ਦਾ ਜਾਲ ਬੁਣ ਕੇ ਬਚਣ ਲਈ ਵਿਚਕਾਰਲਾ ਰਾਹ ਕੋਈ ਨਹੀਂ , ਇਹ ਪੜ੍ਹ , ਸੁਣ 'ਤੇ ਸਮਝ ਲਓ , ਜੋ ਅੱਜ ਕਿਸਾਨਾਂ ਅਤੇ ਲੋਕਾਂ ਨਾਲ ਨਾ ਖੜੇ ਉਹ ਇਤਿਹਾਸ 'ਚ ਕਿੱਥੇ ਖੜਨਗੇ , ਐਨਾ ਤਾਂ ਤੁਹਾਨੂੰ ਪਤਾ ਹੀ ਹੋਵੇਗਾ ।