Bekorchilikda

Men o'zim uchun eng maqul ish joyini topdim. Endi anchaa vaqt In shaa Alloh Najot Ta'limda ishlasam kerak.

Najot Ta'limni muhiti, xodimlar o'rtasidagi munosabat, team buildinglar, hiking va meni dars berishga qiziqishim. Barchasi meni xohlagan narsalar Alhamdulillah.

Allohga oson, beraman desa bandasiga ziyoda qilib beradi. Biz bandalar ojizlik qilib, zikrni, shukrni kamaytirib qo'yamiz.

Orada 1 yarim oy ishsiz yurdim. To'g'ri oz lekin shu davrda o'zimdan nima o'tganini o'zim bilaman.

Har qanday vaziyatda shu gaplar insonlar uchun eng foydali:

Mahzun bo'lma qo'lingdan ketgan narsaga g'am chekma, bittasi ketgan bo'lsa hali juda kop Allohni nematlari bor,ahir Alloh aytmaydimi agar mening ne'matlarimni sanasanglar sanab sanog'iga etolmaysizlar.

Muhammad ﷺ aytgan mo'min kishi ajablanarli qanaqa kun kelmasin u o'zini foydasiga. Yaxshi kun kelsa, Allohga shukur qiladi, savob oladi. Mashaqatlik kun kelsa, sabr qiladi yana savob oladi.

Senior dasturchi akalarimiz bilan choy ustida yoki coffee ichib suhbat

Yaqinda In shaa Alloh bir loyihani boshlamoqchimiz. Boshlamoqchimiz desam xato bo'lsa kerak. Davom ettirib, yuqoriroq darajaga ko'tarmoqchimiz.

Networkingni oshirish, bizdan tajribali dasturchilardan tavsiyalar olish, ilm almashish maqsadida, "Senior dasturchi akalarimiz bilan choy ustida yoki coffee ichib suhbat" o'ztkazmoqchimiz Valisher Botirov bilan birgalikda. Podcastga o'xshab qoladi dersiz. Biz chegaralarni olib tashash maqsadida, hech qanday video yozuvlarsiz, audio yozuvlarsiz o'zimizni qiziqtirgan savollarga javob olmoqchimiz. Tavsiyalarini kanallarimiz orqali ulashmoqchimiz. Maqsad networking qilib, keyinchalik ham tasiyalarini olib turish.

Chaqirish niyyatida bo'lgan dasturchi akalarimizni ozroqlarini ro'yxatini tuzib qo'ydik. Men uchun ancha qiziq bo'ladi va boshqalar uchun ham qiziq bo'ladi degan umiddaman.

#new #suhbat #tavsiya

@abbosov_blog

Bir belgi ahamiyati

Ko'p bo'lmadi bir loyihada ishlaganimda, qilgan ishimni serverga qo'yishim kerak edi. Serverga to'g'ri qo'yganman, lekin, loyiha ishlamadi. 1 kundan ortiq vaqtim ketdi shu xatolik nimaga ekanligini anglash uchun. Va ohirida kelib chiqqan xatolikning yechimi shunchaki 0 raqamini 1 ga o'zgartirib qo'yish kerak ekan. Shu narsani to'g'rilash uchun 1 kun vaqt sarflaganman

Kecha ham shunga o'xshash voqea bo'ldi. Qilayotgan loyihamni backendga ulashim kerak edi. Ulash jarayonida xatolik berdi, o'zim ishlayotgan tomonni tekshirdim xatolik topolmadim. Backend tomonda ishlayotgan sherigimga aytdim. U ham xatolikni izladi. Ohiri biroz oldin xatolikni topdim. Backendga so'rov yuborayaotganimda bir harf qo'shilib ketayapti ekan. Ya'ni:

Men yuborganim:

/users/{id}


Aslida qanday yuborilishi kerak edi:

/user/{id}


Bekorga dasturchi inson sabrli bo'lishi kerak deyilmaydi.

P.S: Shunaqa vaziyatlarga duch kelganda asabiylashmaslik eng muhimi. Aks holda "Non Topar" kompyuterimizga zarar yetkazib qo'yishimiz ham hech gap emas.

#joke #tavsiya

@abbosov_blog

Ishga topshirish bo'yicha tavsiya

Bir kanalga ish bo'yicha e'lon bergandim. Ish topish qiyin deyishadi, xodim ko'p deyishadi. Lekin asosiy muammo bu emas. Ish bo'la turib, qanday murojaat qilishni bilishmaydi.

Bir nechtasi yozgan bugun. "Vakansiya bo'yicha murojaat qilayotgandim". Vakansiya bo'yicha murojaat qilgan odam o'zi haqida yozadi, qilgan ishlari haqida yozadi. Yoki, bir nechta qilgan ishlaridan tashlab beradi.

Yana ko'pchilikda kuzatilgan narsa, profiliga ism familiya emas xar xil nicknamelar yozib olishlari. Ishga olishda, saralash bosqichini o'zida yiqilib qolishadi. Ishga topshirayaotganda har qanday narsaga e'tiborli bo'lish kerak. Shunda ish topish osonroq bo'ladi.

#ish #tavsiya

@abbosov_blog

Nega dasturlashga qo'shib ustozlikni ham tanlaganman?

Ilm shunday narsaki, uni o'rgangandan keyin kimgadir o'rgatish kerak. Ko'p o'ylayman, nega aynan ustozlik qilishim kerak?

TATUga o'qishga kirgan vaqtimda onam so'ragandilar:
-Bitirganingdan keyin kim bo'lasan? Qayerda ishlaysan?
O'shanda men aytgandimki:
-Dasturchi bo'laman ona. Hozir har qayerda kompyuterni yaxshi tushunadiganlarga extiyoj borku. Hech bo'lmasa o'zimizda, "Sirdaryo IES"da ishlayman.
Onam:
-Ha yaxshi. Juda bo'lmasa maktabda matematika yoki informatikadan dars beraverasanda. (Sababi bizda ko'pchilik pedagogika sohasida ishlaydi)
Men:
-Ona! Hech qachon ustozlik qilmayman. Shuncha o'qib kelib, yana ustozlik qilamanmi.

Ha, hayotni o'zi ko'rsatib qo'ydi. Hozir mana 2 yildan oshdi ustozlik qilayotganimga.

Sarlavhadagi savolga kelsak, ko'p o'yladim shu savolni va javob topdimki. Men o'zim harakat qilib Muhammad ﷺ ummatiga, O'zbekistonda ITni rivojlanishiga qanchalik xissa qo'sha olaman. Ustoz bo'lsam qanchalik xissa qo'sha olaman. Tabiiyki ustozlik sabab men o'zimni maqsadimga anchalik tezroq erishishim mumkin. Shuning uchun ham aynan ustozlikni, dasturchilik bilan birga olib ketishga harakat qilayapman.

@abbosov_blog

Bugundan yana eng sharafli kasb ustozlikka qaytdim In shaa Alloh.

UMR O'TMOQDADIR DARYO MISOLI

Esiz, bolalikni qoldirib ortda,
Umr o'tmoqdadir daryo misoli.
Qoldirib-qoldirmay iz bu hayotda,
Umr o'tmoqdadir daryo misoli.

Oppoq tongni ulab tiyrai shomga,
Birda shak keltirib sirli olamga,
Goho ta'zim qilib badkor, badnomga,
Umr o'tmoqdadir, umr o'tmoqda.

Qay kezlar ushalmay orzu-armonlar,
Birda g'olib kelib tulkisimonlar,
Birda boy berilib bebaho onglar,
Umr o'tmoqdadir, umr o'tmoqda.

Dengizday mavj urib, qirg'oqdan toshib,
Yurar yo'limizdan birda adashib,
Kim bilandir zimdan mansab talashib
Umr o'tmoqdadir, umr o'tmoqda.

Yaratib ne sirlar, ne mo'jizalar,
Qutlug' kun ketidan kun o'tkazilar.
Behuda o'tgan dam - ko'ngil ezilar . . .
Umr o'tmoqdadir, umr o'tmoqda.

Har tongda to'rg'aydan oldin uyg'onib,
Chamanlar yaratish ishqida yonib,
Birda-chi: e'tiqod, imondin tonib
Umr o'tmoqdadir, umr o'tmoqda.

Erta bilan bog'liq - ne damlarimiz,
Bilib-bilmay bosgan qadamlarimiz,
Xayrli ish, alam, qaramlarimiz
Umr o'tmoqdadir daryo misoli.

Keksalik mo'ralab eshik qoqmoqda,
Bolalik qaytadan qaytarilmoqda . . .
Bizdan erta kunga nelar qolmoqda?
Umr o'tmoqdadir, umr o'tmoqda.

O'lmas sozni o'ylab deging kelmaydi,
O'chmas izdan so'ylab deging kelmaydi,
Mangulikka bo'ylab deging kelmaydi
Umr o'tmoqdadir daryo misoli . . .

@abbosov_blog