Type to search
Advanced channel search

Telegram Analytics

Subscribe to stay informed about TGStat news.
img
ad

TGAlertsBot

Monitoring of keywords in channels and chats
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

ስሜትን በግጥም

@abduemuye
Channel's geo and language: not specified, not specified
Category: not specified

Channel's geo and language
not specified, not specified
Category
not specified
Statistics
Is this your channel? Confirm Канал в реестре блогеров РКН? Confirm Channel history
Posts filter

ስሜትን በግጥም

18 Jan 2023, 07:58

Open in Telegram Share Report
አፋልጉኝ

እኔነቴን አፍቅራ
እኔን በልቧ አኑራ
ዝና ሀብት ያልደለላት
ሰው መሆን የሆነላት
በማክበር የከበረች
ንፅህናን የታደለች
ለፈተና ያልወደቀች
ለቃሏ የታመነች
ስለ እውነት የኖረች
የኔ ሴት እሷ ነች

በማጣቴ ያልናቀችኝ
በማንነቴ የወደደችኝ
የኔን ሳይሆን
እኔን ፈልጋ የቀረበችኝ
የኔን ሴት አፋልጉኝ

ከራሴ በላይ ያመንኳት
ህይወቴን የሰጠኋት
ከልቤ ያፈቀርኳት
የኔ ሴት እሷ ናት

ከእውነት ጋር የተጋባች
ማስመሰልን እርም ያለች
እሷነቷን ያስወደደችኝ
በውበቷ የማረከችኝ
በከፋኝ ጊዜ አለሁ ያለችኝ
ቀን ጠብቃ ያልከዳችኝ
የኔን ሴት አፋልጉኝ።

✍️ ተጻፈ በአብዱ (የእሙዬ ልጅ)
11 1 1
ስሜትን በግጥም

13 Jan 2023, 08:43

Open in Telegram Share Report
ያኔ የመጣሽ ቀን
አይንሽን አይቼ ፍላጎትሽን ሳውቅ
እንዴት አወ'ክ አልሽኝ
አንቺ እኮ ስትገርሚኝ

እንዴት አወ'ክ አልሽኝ?
አንዴ ብቻ አይደለም
ደጋግመሽ ገረምሽኝ

ግን....
እኔ የነገርኩሽ ፍላጎቴን ነበር
ሀሳብሽ ሀሳቤ መሆኑን ባይገባሽ ሳትረጂው ቢቀር
አልተቀየምኩሽም ትንሽ ግን አዘንኩኝ
አንቺ እኔን ሳትሆኚ
እኔ አንቺን መሆኔ ሞኝነት መሰለኝ

ያኔ የመጣሽ ቀን
እንዴት አወ'ክ ብለሽ እኔን ስጠይቂኝ
ደግሞም ስትገርሚኝ
ትንሽ ግን አዘንኩኝ
ቢሆንም...
እኔም ባንቺ አልፈርድም
ብቻ አደራሽን እኔን ደስ እንዲለኝ ሁሌም እንድትይ ብቅ
ባንቺ ፍላጎት ነው ፍላጎቴን የማውቅ።

  ✍️ ተጻፈ በአብዱ (የእሙዬ ልጅ)
34 0 1 2
ስሜትን በግጥም

10 Jan 2023, 10:51

Open in Telegram Share Report
መረሳት ምንድነው
ህመሙ ሚከብደው
በብዙ ሰው መሀል
አስታዋሽ ማጣት መከፋት
የመከዳት ስሜት የመገፋት

ምንድነው መረሳት ማለት
ሰዉ ሞልቶ መናፈቅ ብቻነት
ሀሳቡን አካፍሎ ከሌለው ተረጂ
ለምን ሰው ይለምዳል
ብቻነትን እንጂ
ለመሳቅ ሚሞክር ሊመስል ደስተኛ
ሰው ማጣት የጎዳው የሆነ ቁስለኛ
ውስጡ በፍቅር እጦት
መንምኖ የከሳ
ስንቱ ይሆን የተረሳ?


✍️ ተጻፈ በአብዱ(የእሙዬ ልጅ)
141 0 3
ስሜትን በግጥም

10 Oct 2022, 21:18

Open in Telegram Share Report
እውነት ሰለጠንን
ወይስ ሰየጠንን
ዘመናዊነት ሳይገባን ዘመንን እያልን
ፈጣሪን አምፀን ለሰይጣን አደርን
"የሰው የማያልቅ ሀብቱ ምክንያቱ"
ሰበብ ሲደረድር ለሁሉም ጥፋቱ
አዬ ጊዜ እያለ በጊዜ አሳበበ
የማያልቅ ሀጥያት በራሱ ከመረ
ያወቅን መስሎን እያለቅን
የነቃን ሲመስለን
እልፍ አእላፍ ዘመን ተኛን አንቀላፋን
ከማያውቁት መልአክ የሚያውቁት ሰይጣን
ብለን ተረትንና እኛኑ አሞኘን

ተማር ሲለኝ አያቴ ናቅኩኝ
መቃም መጠጥ ማጨስ እርድና መሰለኝ
የራሴን እንቁ ባህል አርክሼ
የነጭ ባዕድ አምልኮ ወርሼ
በሴሰኝነት ሱስ ተጠመድኩኝ
ሴት በሴት ቀያየርኩኝ
የዘመንኩ መስሎኝ ራሴን አረከስኩኝ
መልካሙ እኔነቴ ጠፋኝ
ከረፈደ ወዲያ ከየት ብዬ ላግኝ

እኔ የመከንኩኝ የከሸፍኩኝ ትውልድ
ለግል ዝናዬ በህዝብ የምነግድ
ጥቅም ቢደልለኝ አያቴን ሰጠሁኝ
በአባቴ የሰራሁት በልጄ እንዳይደርሰኝ
አሁን ለኔ ፈራሁ እኔም አባት ሆንኩኝ


ተጻፈ በአብዱ (የእሙዬ ልጅ)
67 0 2
ስሜትን በግጥም

18 Sep 2022, 01:19

Open in Telegram Share Report
ሀሳብ መች ይጠፋል
ድራማ እየሰራ ሁሉም ያስመስላል
ራሴን ለማግኘት የጠፋ እኔነቴን
የራስ እውነት ይዤ ፍትህ መፈለጌን
ኔጌቲቭ ሀሳብ ነው ብለው ቢያስቡም
ፍትህን መፈለግ አሉታዊ ሀሳብ
ሆኖ እንኳን አያውቅም
ቅር አልተሰኘሁም
ርዝራዥ ተስፋ ውስጤ አላጣሁም
እውነትን ለማግኘት አላመነታሁም
ወይ ትቼ አልተውኩም
ድራማው አይቆምም
ሻል ሲለኝ ህመም
ለምን እንደሆነ እኔም አልገባኝም
ሁኖም መልሱን ላገኝ ወደ ኋላ አላልኩም።


✍ ተጻፈ በአብዱ (የእሙዬ ልጅ)
63 0 1
ስሜትን በግጥም

17 Sep 2022, 09:58

Open in Telegram Share Report
አካልሽን ታቅፌ ውሎ ማደር ብመኝ
እጆቼን ክንድሽ ላይ አርጎ መሄድ ቢያምረኝ
እኔ አንቺን ስወድሽ
አንቺ ሌላ ወደሽ
ላይሳካ ሀሳቤ ሊቀር እንዳማረኝ
አምሮ አምሮ ሊተወኝ ምን አለ ባልመኝ

በኔም አይፈረድ
አደንዛዥ ነው ገላሽ
አፍዛዥ ነው ፈገግታሽ
ችላ ብለው አልፈው ትተው የማይተዉሽ
የቀኑ ሳይበቃሽ በሌ'ት ምትመለሽ
አረ እንዲያው ምን ጉድ ነሽ

ግዴለም የኔ አይሁን ይህ ያማረው ገላሽ
ያ ውብ ፈገግታሽ
ያ'ይኔ ርሀብ ነሽ
ተርቤሽ እንዳልሞት
ብቻ ካ'ይኔ አልጣሽ።


✍ ተጻፈ በአብዱ (የእሙዬ ልጅ)
51 0 1
ስሜትን በግጥም

15 Sep 2022, 21:54

Open in Telegram Share Report
ጥርስ ባይኖር ኖሮ ስቆ ማሳለፊያ
የውስጥን ጭንቅ ህመም ደብቆ ማቆያ
እምባ ባይኖር ኖሮ ህመም ማስታገሻ
ምን ይሆን ነበረ የሰው መጨረሻ።

✍ ተጻፈ በአብዱ (የእሙዬ ልጅ)
37 0 3
ስሜትን በግጥም

11 Sep 2022, 09:55

Open in Telegram Share Report
ውጪ ልደር እንጂ ከጅብ ተጋፍቼ
እቤትሽ አልገባም ጨለማን ፈርቼ
ብርዱም ይውረድብኝ መሞቅን አልሻም
አተርፍ ባይ አጉዳይ ልሆን አልከጅልም

ትዝ ይልሽ እንደሆን
አምና በዚ ሰአት እንደዚው ብለሺኝ
በዉብ ቃላቶችሽ በመልክ ሸንግለሺኝ
ና ከቤቴ ግባ ጨለማን ተሻገር ብለሽ አግባብተሽኝ

እኔም
ጅቡ ቢያስፈራራኝ ጨለማው ቢከብደኝ
ውበትሽ ቢስበኝ ቃልሽ ቢያታልለኝ
እቤትሽ ገብቼ ማረፍን ተመኘሁ
ሙያሽን ቤትሽን እስካይልሽ ጓጓሁ

ነገር ተቀይሮ ባይሆን እንዳሰብኩት
ማመኔ ቀፈፈኝ ራሴን ጠላሁት
እኔ የአብረሀም በግ
ተኩላ እንዳይበላኝ ነቅቼ ስጠብቅ
አቁስሎ እንዳይጎዳኝ ከጅብ ስጠነቀቅ
ለካስ ከጉያዬ ከእቅፌ ያኖርኳት
የኔ መጥፊያ ሆነች እረኛዬ ያልኳት

ዘንድሮም እንደ አምና
ቃልሽን አምኜ ልታለል አልሻም
ይብላኝ እንጂ ጅቡ እቤትሽ አልገባም
ጠላትን ለይቶ መጠበቅ አይከፋም

ተኩላን ስጠብቅ እረኛው አጥቅቶኝ
እየመረቀዘ ቁስሌ ፋታ ነስቶኝ
በደልሽን ልረሳ አልቻልኩም አቃተኝ።

✍ ተጻፈ በአብዱ (የእሙዬ ልጅ)
45 0 2
ስሜትን በግጥም

11 Sep 2022, 09:55

Open in Telegram Share Report
አብሮነትን ትተን ብቻነት ለመድን
ይቸገር ይከፋ ለጎረቤታችን
ግድ የማይሰጠን ቸልተኞች ሆንን
ገና ሳይመሽ ፀሀይ ሳለች
በር ዘግተን ከቤት ዋልን
ይራብ ወይ ይጠማ
ይብረደው ይሙቀው ሁኔታውን ሳናውቅ
ታሞ ካልጋ ውሎ በስቃይ ቢማቅቅ
አይቶ እንዳላየ ሰምቶ እንዳልሰማ
ትተን አለፍን እንጂ እኮ ምን አደረግን

ሰበብ ስንደረድር ለእኩይ ተግባራችን
ይሁን ለበጎ ነው
ነገም ሌላ ቀን ነው ብለን እያለፍን
ክፋታችን በዝቶ እንዳንሆን ሆንን
ስንዴ ዘራን እንጂ መች አረም አረምን
ዛሬ ያልሰራነው ነገ ላይ ላይገኝ
መልካሙን እናድርግ መልካም እንድናገኝ።


✍ ተጻፈ በአብዱ (የእሙዬ ልጅ)
36 0 0
ስሜትን በግጥም

9 Aug 2022, 12:01

Open in Telegram Share Report
ሆድ ከማይሞላበት
አንዲት ድሀ ሀገር ተወልደን ተፈጥረን
ከዳቦ ያለፈ ጥያቄ እንዳንጠይቅ በርሀብ ተጠፍረን
ማን ይሙት ማን ይኑር ግድ የማይሰጠን
ሆድ አምላኪ ባርያ ለቁስ ሰጋጅ ሆንን

የገዳይ ዳቦ አብሳይ ሟች ሆኖ ምጣዱ
ሟችም ሲንሰፈሰፍ ለጎደለች ሆዱ
አልገባውም ነበር ማገዶ እንደነበር
የተስፋ ዳቦ እንጂ አልታየውም አፈር።

✍ ተጻፈ በአብዱ (የእሙዬ ልጅ)
57 0 1
ስሜትን በግጥም

8 Aug 2022, 13:54

Open in Telegram Share Report
አትቀስቅሱኝ


እንደምነሽ ሲሉኝ
ሰላም ነኝ ነው መልሴ
ውስጤ ቢረበሽም
ደህና ነኝ ይመስገን
ቢጠናብኝ ህመም
ጥርሴን ከፈገግታ ነጥዬው አላውቅም
ወደ ውስጤ አልቅሼ
እምባዬ ጉንጬ ላይ ሲፈስ አይታይም
መሳቄን ነው እንጂ ማዘኔን አያውቁም

ከተሻለ ብዬ ጉዳቴን ማጋራት
ስቃዬን ማካፈል ከሆነልኝ እረፍት
ህመሜን አልቅሼ
ዘክዝኬ ነግሬ መፍትሔ ስላቸው
ከንፈር መምጠጥ እንጂ
ምን አተረፍኩባቸው

ዝምታን መረጥኩኝ ብዬ ከገባቸው
እነሱም ዝም አሉኝ ደህና መስያቸው

ንግግሬ ካልገባቸው
ዝምታዬ ካስረሳቸው
ርቂያቸው ልሂድ
እኔም ልተዋቸው

በእውን አለም መኖር
ህመም ካተረፈኝ
እጓዳ ገብቼ
ካ'ልጋዬ ተኝቼ
ህልሜን እኖራለሁ
በቃ አትቀስቅሱኝ።

✍ ተጻፈ በአብዱ (የእሙዬ ልጅ)
61 0 5
ስሜትን በግጥም

31 Jul 2022, 05:52

Open in Telegram Share Report
ዛሬ ትላንት ሳይሆን ነገ ሳይሆን ዛሬ
እንዲህ ይሉ ነበር እትዬ ሸንኮሬ
ሁሉም ጥሩ ነገር በነበር የሚቀር
ያኔማ ተብሎ በታሪክ ሚነገር
ያኔ ፍቅር ነበር ያኔ ሰላም ነበር
ጥሩ ተፈቃሪ አፍቃሪ ሰው ነበር
ኩንታል ጤፍ በ50 እንሸምት ነበር
መሬት በ150 እንገዛ ነበር
በዘር ያልተካፈልን
አንድ ህዝቦች ነበርን
ነበር ነበር ነበር
ነው መሆኑ ሲቀር
አለ ማለት ሲያቅር
ሰላም ይጠፋና ፍቅርም ያልቅና
ሁሉም ነገር ነበር

በነገራችን ላይ እኔም ......... ነበር።


ባዶ ቦታው ላይ የራሳቹን ሀሳብ ሙሉበት፤አስተያየታቹ አይለየን እናመሰግናለን🙏 ።

✍ ተጻፈ በአብዱ (የእሙዬ ልጅ)
52 0 0
ስሜትን በግጥም

19 Jul 2022, 23:42

Open in Telegram Share Report
ጉዞ
ከ ነን ወደ ነበርን

እኔ(ድሮ)
እኔ አንተን ሳፈቅር ገደብ ያላበጀሁ
ሳልሰስት ያለኝን በሙሉ የሰጠሁ
ከልብ ያፈቀርኩህ ደስታን የለገስከኝ
ካንቺ ወዲያ ብለህ ጮቤ ያስረገጥከኝ
ቃልህን ጠብቀህ እኔን ብቻ አፍቅረህ
ታማኝ አጋር ሆንከኝ በልብህ አኑረህ

እኛ(ድሮ)
ጉድ የተባለልን
'ላፍታ ማንለያይ ማ'ኔድ ተነጣጥለን
ያየን ካይን ያውጣቹ ብሎ የመረቀን
ተጋብተን ልጅ ወልደን መኖርን ያሰብን
ያልተሰለቻቸን ከልብ የተፋቀርን
አርአያ የሆነ ፍቅር ያሳለፍን

እኔ(ድሮ)
ስለ ፍቅር ብዬ እንባዬን ያፈሰስኩ
አንተን ላለማጣት እራሴን የገበርኩ
አንተን ባሌ ማድረግ ካንተ ልጅ መውለድን
እንደተመኘሁት በውስጤ የቀበርኩ
ፍቅር ወይ ቤተሰብ ምርጫ ውስጥ የወደኩ

እኔ(ያኔ)
ፍቅርን ረግጬ
ጥቅሜን መርጬ
እምነቴን ያጎደልኩ
ልብህን የሰበርኩ

አንተ(ያኔ)
በኔ ቦታ ብትሆን ምን ታደርግ ነበር
ዘጠኝ ወር አርግዛ የወለደችህን
ችላ ትላታለህ ቀልቧ እንዲሰበር
ወይስ አይዞህ ልጄ ብሎ ያሳደገ
መከታ አባትህን ታስቀይመው ነበር

እኔ(አሁን)
እኔና ሀሳቤ ሁለት መንገድ ይዘን
በአንድ ሰው አካል ሁለት ሰዎች ሆነን
እኔ ራሴን ስመርጥ ሀሳቤ ሲል አንተን
ያው እንደተካፈልን ሳንስማማ ቀረን
ሰው እንዴት በራሱ በአካሉ መብት ያጣል
በገዛ ገላው ላይ ሌላ ሰው ይፈርዳል
አንተን ማጣት ያመመኝ
ትዝታህ መዳኒት የሆነኝ
ማፍቀር ካንተ ወዲያ እርም የሆነብኝ
ፍቅሬን የተነጠኩ እኔ ከርታታ ነኝ

እኛ(አሁን)
የምንፈላለግ ግን የማንገናኝ
የምንነፋፈቅ ግን የማንተያይ
እድል እጣፈንታ ያላገናኘችን
ግድ የሆነብን መለያየታችን
በነበር የቀረ ሆነ ታሪካችን።

✍ ተጻፈ በአብዱ (የእሙዬ ልጅ)
54 0 0
ስሜትን በግጥም

16 Jul 2022, 23:13

Open in Telegram Share Report
ይድረስ
ግጠምልኝ ላልሽው

ለደንዳና ልብሽ ፍቅር ለማይገባው
ሳነባ የጻፍኩት መልክቴ ይድረሰው
ካሰኘሽ....
ዜማ አንቺ ስሪለት እኔ ግጥም ጻፍኩኝ
እንዳሻሽ አንብቢው ለኔ ግድ አይሰጠኝ

ልጆችን ሰብስበሽ
አንድ ሰው ነበረ
በፍቅሬ የሰከረ
ሚዛኑን ሳተና
ወድቆ ተሰበረ
ተረቴን መልሱ
አፌንም አብሱ
ብለሽ ቀልደሻል
የመኖሬ ምክንያት የምለውን ፍቅር
አቅለሽ አይተሻል

የኔ ጥልቅ ስሜት
አፈቀርኩሽ ማለት
ላንቺ ቢሆን ተረት
ይብላኝልሽ ላንቺ
መፈቀር ላልገባሽ
ማፍቀርስ ፀጋ ነው
ሰፊው ያልታደለው
ይድረስ ይሄ ግጥም
ግጠምልኝ ላልሽው

እኔን ያብቃኝ እንጂ
ባል ኖሮሽ ለማየት
እጄ አይሰስትም
ብዕሬም አይነጥፍም
አንቺ ያፈቀርሽ ለ'ት።

✍ ተጻፈ በአብዱ (የእሙዬ ልጅ)
49 0 1
ስሜትን በግጥም

16 Jul 2022, 08:07

Open in Telegram Share Report
ቦግ እልም እንደሚል
እንደ ሀገሬ መብራት
ውሉ ያለየለት
ውጥንቅጡ የወጣ
ላንተ ያለኝ ስሜት

እንደ ሰሞነኛው
ልክ እንደ ደህንነት
ድንገት ከተፍ ብለህ
ልቤን አፍነሀት
ፍቅር ከሚባለው
ከጨለማው ክፍል
ታሰቃያታለህ
ደ'ሞ ባሻህ ጊዜ
ጥፍት ትልና ከኔ ትሸሻለህ
እሱስ አይገርመኝም
እኔም አልናፍቅህ

እኔን የሚገርመኝ
ሰው እንዴት ካ'ፋኙ ሙጥኝ ብሎ ይቀራል
ዛሬ ለምን ቀረ ነፃነትን ሰጠኝ
ብሎ ይበሳጫል
ራሱን ይወቅሳል
ስሜቱን ይጎዳል
ብቻነት ይለምዳል

እኔን የሚገርመኝ
እሱ እንዳይመስላቹ
ይሄ ሞኙ ልቤ
ከጠላቱ ለምዶ ክርትት አለላቹ
ይህ እንዳይገርማቹ
አፌ ተሳሰረ መውደዴን ልነግረው
ቃል አጣሁላቹ

ይመጣል ሊያለፋኝ
ይሄዳልም እሩቅ
እኔም ደ'ሞ አልናፍቅ
ግን ሲዘገይ ጊዜ
ጭንቅ ጥብብ ስቅቅ

ስሜቴ ግራ ነው
እኔም ግራ የገባኝ
ፍቅር ይሁን ስሜት
ስላንተ የተሰማኝ
ልነግርህ ፈልጌ
ግን አፌ የከዳኝ።

✍ ተጻፈ በአብዱ (የእሙዬ ልጅ)
46 0 0
ስሜትን በግጥም

3 Jul 2022, 00:03

Open in Telegram Share Report
እሷን ላላገኛት ራሴን አጣሁኝ
መራር እውነት ትቼ
በአብረቅራቂ ውሸት ስሰቃይ ከረምኩኝ
እርግጥ ነው አልክድም
ልረሳት ፈልጌ ብዙ ሰው ቀረብኩኝ
ጉድለቴን ሸፍነው እሷን እንዲያስረሱኝ
እሷ ብትኖር ኖሮ ከሚል ምኞት አለም
ነጥቀው እንዲያወጡኝ
ቢሆን ኖሮ እያልኩ በቅዠት እንዳልኖር
በትናንት ህይወቴ ተቸንክሬ እንዳልቀር
አዲስ ሰው ለመድኩኝ
ቢሆን ኖሮን ትቼ የሆነውን ልኖር
እርግጥ ነው አልክድም
እርሷን ልርሳ ብዬ የማደርገው ነገር
ይበልጥ ሲያስታውሰኝ ባስ ሲል ሲጎዳኝ
በብዙ ህመሞች ስታገል ነበርኩኝ
ነበርኩኝ? ወይም ነኝ
ብቻ ግልጽ አይደለም
ቢሆንም
ጉዳቱ ጥልቅ ነው
ከቃል በላይ ሲሆን ህመም
እርግጥ ነው አልክድም
ትልቁ ስህተቴ አጉል ፍላጎቴ
እሷን ላላገኛት ራሴን ማጣቴ
ቢሆንም....።

✍ ተጻፈ በአብዱ (የእሙዬ ልጅ)
100 0 4
ስሜትን በግጥም

28 Jun 2022, 16:08

Open in Telegram Share Report
እውነትን ቀበርናት
ተባብረን ባንድነት
ነብስ እንዳትዘራ
ሀውልት አቆምንባት

ፍቅርን ፈለግናት
አንድ ሆነን ለመኖር
ሞክረን ሞክረን
ፈልገን ስናጣት
ፍቅር ድሮ ቀረች
ብለን ወሰንባት

እውነት ቀድመን ቀብረን
ፍቅር የለም ማለት
እውነት ገፍተን ጥለን
ፍቅርን መናፈቅ
ባቄላውን ዘርተን
ስጋ እንደመጠበቅ።

✍ ተጻፈ በአብዱ (የእሙዬ ልጅ)
62 0 2
ስሜትን በግጥም

18 Jun 2022, 23:53

Open in Telegram Share Report
ደግሞ
ላይሽ ፈልጋለሁ
የፍቅሬን ርሀብ በአይኖቼ ላስታግስ
መጓዝን እሻለሁ ካለሽበት ስፍራ ፈጥኜ እንድደርስ
የኔ ምኞቴ ነው
ቀርቤ ሳልነግርሽ ከሩቅ አንቺን ማፍቀር
በአይኔ ብቻ እያየሁ ስወድሽ እንድኖር
ለምን? አትዪኝም
እሺ ወይም እምቢ ግዴለኝ ለመልስሽ
መልስሽን ሳልጠብቅ ነውና ማፈቅርሽ
እኔን የሚያስፈራኝ
ቀርቤ ባወራሽ ሰጋሁ እንዳላጣሽ
ያሰብኳትን ሳይሆን ሌላኛዋን ሆነሽ
ያቺ ዘመናዊ ቄንጠኛዋን መስለሽ

ደግሞ
ልሰማው እሻለው አልሰለች ድምጽሽን
ጆሮዬ ንቁ ነው ሳፈቅር እኔ አንቺን
ዘመን አመጣሹን ስልኬን ከጄ አርግቼ
ባለ አስር ዲጂቱን ቁጥር ነካክቼ
ከጆሮዬ አውልና እጠብቅሻለው
እስከምታነሽው ምሆነው አጣለው
ስልኩን ስታነሽው ሄሎ ስትዪማ
ፍንድቅድቅ እላለው ድምጽሽን ስሰማ

ደግሞ
ልነካሽ እሻለው አካልሽን ልዳሰው
ከእቅፌ ስትገቢ ስሜቱን እንዳውቀው
ታውቂዋለሽ አይደል የጥንዶቹን መንገድ
ህልም አልማለው ጥንድ ሆነን እንድኔድ
ይታየኛል ደግሞ
መንገደኛው ሁሉ ወደኛ ሲያማትር
በዚህ ዘመን አለ እንዲ ያለ ፍቅር?
እያለ ተገርሞ አፉን ከፍቶ ሲቀር

ዳሩ ግን...
ላይሽ ብፈልግም
ልነካሽ ብጥርም
ድምጽሽን ለመስማት
ጉጉት ቢኖረኝም
ድምጽሽን አልሰማም
ልዳስሽ አልችልም
እንጃ እኔ አላውቅም
እያለሽ የለሽም።

✍ ተጻፈ በአብዱ (የእሙዬ ልጅ)
56 0 1
ስሜትን በግጥም

11 May 2022, 23:28

Open in Telegram Share Report
ማፍቀሬ ስህተት ነው?
ጥያቄ አንስቼ ስወዛገብ ከራሴ
ጥቅም ለማይኖረው ትላንትን ማስታወሴ

ባንድ በኩል
ተመርጦ አይፈቀር ሚል እምነት አኑሬ
እንዳልተሳሳትኩኝ ራሴን አሳምኜ
ልክ እነደሆንኩ አስብና እፅናናለው
ባይጠቅመኝም እጎዳለው

ደግሞ ባንድ በኩል
የሌላ ሆነህ ሳለ ወይ አልቆረጠልኝ
ትላትን ያለፍኩኝ የረሳሁ ሲመስለኝ
ስላንተ ስሰማ ፍቅርህ አገረሸብኝ

ምናልባት
ትተኸኝ ስለሄድክ ስለተለየኸኝ
አዲስ ገላ አቅፈህ እኔን ስለተውከኝ
ክፉ ነው እያልኩኝ ስምህን አላጠፋም
ሳገኝህ ማወድስ ሳጣህም ምወድህ
ባንተ ተስፋ ማልቆርጥ ነበርኩኝ አፍቃሪህ

ደሞ አላፍርም ነበርኩኝ እላለው
ዛሬ እንደጠላሁህ እንደረሳሁ ሰው
ልውቀስህ ብልም ልቤ መች ታዘዘኝ
ከኔ ይልቅ ላንተ ሁሌ እያደላብኝ
ባንተ ላይ ጨክኖ መቁረጡ ተሳነኝ

ስምህን ባጠፋ
ያሳለፍነው ጊዜ አይታዘበኝም?
ማንም ያልሰጠኝን ፍቅርን ሰጠኸኝ
አይቼ ማላውቀው አለም አሳየኸኝ
ካንተ ወዲያ ለምን እንድል አደረከኝ

ደሞ'ኮ አላፍርም
ያሳለፍነው ጊዜ
የሰጠኸኝ አለም
አይታዘበኝም?ብዬ ለፍፋለው
ስምህን ለማጥፋት አቅሙ እንዳለው ሰው

ስትፈልግ ስትመጣ ሳትፈልግ ስትቀር
ምቀበል ምጠብቅ ምንም ሳልሰኝ ቅር
ሌላ ምን ይባላል ቢሆን እንጂ ፍቅር
እንዳንተ ማፈቅረው ወደፊት አይመጣም
ካለፈውም የለም
የፍቅሬ መጠኑ ይሄ ነው አልልህ
ምስካሪ ካሻህ
ትራሴ ይንገርህ እንባዬን ያበሰው
በማጣት ስሰቃይ አብሮኝ የነበረው

ብትለየኝ እንኳን ትተኸኝ ብትሄድም
እኔ አንተን ከማፍቀር ወደኋላ አልልም
እና ፍቅር
እኔ ተጎድቼ ከተሰማህ ሰላም
አዲስ ጎጆህ ይድመቅ
ደህና ሁን የኔ አለም።


"ፍቅር አስገራሚ ነገር ነው መገናኘት እጣ ፈንታቸው ላልሆነ ግን......"

✍ ተጻፈ በአብዱ (የእሙዬ ልጅ)
65 0 4
ስሜትን በግጥም

7 May 2022, 22:19

Open in Telegram Share Report
እያሰብኩሽ መሸ
ዕያሰብኩሽ ነጋ
ከበቴ ወጣሁኝ
አንቺኑ ፍለጋ
አንቺን ያወጣዉ በር
የወሰደሽ መንገድ
ብዙ ተማፀንኩት እኔንም እንዲወስድ

ከጎጆ ዉስጥ ገብቶ
የቤቱን በር ዘግቶ
ድምፁ እንዳይሰማ
በትራስ ታፍኖ
ነዉ ወንድ ሚያለቅሰዉ
ማንም ሳይሰማ አዝኖ

ወጉ ይድረሰኝ ብየ
እኔም እንድያ አረኩኝ
የወሰደሽ መንገድ
ዱካሽን አስሶ
አንቺ ጋር ቢያደርሰኝ

ያደርሰኝ እንደሆን
እኔን ካንቺ ዘንዳ
አልቅሼ ለመንኩት
ገብቼ ከጓዳ
ፍላጎት ከሌለሽ
እኔ እንድመጣ
ልክ እንደወሰደሽ
አንቺን እንዲያመጣ

ካልሆነ ግን.......
አንዴ ከሄድሽ አንቺ
አትመለሽ እንደሁ
ነፍሴን መልሽልኝ
እንዴት እኖራለሁ

እኮ እንዴት?
ነፍሴን ይዘሽ ሄደሽ
በድኔንም ትተሽ
እኔን በቁም ገለሽ

ርቀሽ ከሄድሽስ
አስከፋኸኝ ብለሽ
እኔ ለብቻዬ እንዴት እዘልቃለሁ
አንቺ ያልኖርሽበት
ህይወቴ ምንም ነው
ብበድልሽ እንኳን ውስጥሽን ባስከፋ
ባፈቀሩት ሰው ላይ አይቆረጥ ተስፋ

ስለዚህ...
ጥፋቴን አውቄ ይቅርታ ስጠይቅ
ትመጫለሽ እያልኩ በጉጉት ስጠብቅ
ምናል ብትመለሽ በናፍቆት ስማቅቅ።

✍ተጻፈ በአብዱ (የእሙዬ ልጅ)
48 0 0
20 last posts shown.

109

subscribers
Channel statistics