قناه طف الحسين

ابوذيات
لأستشهاد الامام الكاظم عليه السلام

علضيم الغاضريه الكَلب وانته
وعلى الصاحت يخويه حسين وانته
يجّدي سّممولي الجبد وانته
بسهم صابوا جبدتك ال اميه
******
أنه من السهم تغيّر لون شفتي
وحرت بالدس اليّه اسموم شفتي
يعمّه اثنين بهلي اكَيود شفتي
واخبرج كَيد ثالث اذّه اديّه
****
وحكَ الما بقاله اعوان ونصار
من سمهم ابكِلبي هواي ون صار
صحت ابني الرضا بهل ساع ونصار
يجي ايصد جبدتي وضيم العليّه
******
الشاعر محمد حسن ضيغم

t.me//alakelaa

((عثرت بلجفوف))

وزن النصاري
مفاعيلن مفاعيلن

كمت اركض وغطي انه بخيالي
وصلته ومن جهبته شلون حالي

طحت من شدت الخوف
عثرت آنه بالجفوف

يمه تخوصرت مدري شجالي
✍ام رقيه الموسوي
_______________
يخويه الكوم وشسوت ابحالك
معقوله البطل كطعوا اوصالك
يخويه انت الكمر محله جمالك

ضغت مابين الطيوف
عثرت آنه بالجفوف

خويه صورتك تبقه اعلى بالي
يمه تخوصرت مدري شجالي

ب✍️ام علي المالكي
_______________
اتـخوصرت وصحـت الله واکبر
يخويه اشلون بدمومك معفر
حیلی باد اوبجدامی اجـر جـر

صرت طعمه للسـیوف
عثرت انه بلجفوف

من شفت الاخو اموذر اگبالی
یمه تخوصرت مـدری شجالی
✍️ام مهدی امجدم
______________
اسولفلك وكلك بلي مرني
اشلون اتعوفني وتعتذرمني
غريبه خلاف عينك لاتذبني

الشمر بخيامنه يحوف
عثرت انه بلجفوف

بدور اعلى الارض كامت تلالي
يمه اتخوصرت مدري شجالي
✍🏻 ام مهدي العيداني
_______________
انته تمرمرت ادري بمراري
من بعد الكفل امشي ابراري
يحديني الشمر ويزيد ناري

اماشي لفت الشوف
عثرت انه بلجفوف
شلون امشي يخويه بغير والي
يمه تخوصرت مدري شجالي
______________________
ندبتك ياابو الغيره دفزلي
ردني للوطن للباب نزلي
من نار الخيم محروكه رجلي

بعدني بوادي الطفوف
عثرت انه بلجفوف
يابو المرجله يلزود مالي

يمه تخوصرت مدري شجالي
✍الفاطميه
___________________
وصلته ومن وصلته شلون شفته
ماكو زنود ماهيه ركبته
صحت بسكوت وين الدلل اخته

رحتله وكلبي ملهوف
عثرت انه بالجفوف

صفكت ايدي بعد شنهو البقالي
يمه تخوصرت مدري شجالي
✍ام رقيه الموسوي
t.me//alakelaa

(((الزياره ))
للامام الكاظم سلام الله عليه
__________________

للمات بسجن هارون
للكاظم عمينه عيون

واه اماماه ٠٠٠٠٠٠واه اماماه
_________________
نحسب للزياره ايام
حته انزورك بلهفه
تهده ارواحنه بكربك
مابينه الجفن يغفه
كلمن جاي بطلبه
اخذها الحاجه بجفه

زواره بدمع يبجون
للكاظم تهل اعيون

وااه اماماه٠٠٠٠٠وااه اماماه
_________________
يابو الطيبه والنخوه
صارت بينه الف عله
منعوها الزياره ليك
هل الامر انته التحله
الك متعنيه شيب وشاب
ما بيهم شبه خله

دخلو للعزه يلطمون
للكاظم تهل عيون
وااه اماماه٠٠٠٠٠٠وااه اماما

✍الفاطميه
_____________________
اتشيل النعش علروس
اجت يالكاظم الشيعه
تدگ اعل الصدر وتنوح
تواسي الزهره الوديعه
اجت محنيه وتنادي
يبني بيك الفجيعه

اجيتك وي اليشيعون
للكاظم تهل العيون

واه اماماه٠٠٠٠واه اماماه
_____________________
تندبك شيعتك هليوم
ودمع العين تجريهه
أنته الما ترد. حاجه
بعجل ياموسى تگظيهه
تسمع نخوه كل معلول
وكل عله تشافيهه

بابك للكرم يدرون
للكاظم تــهل العيون

واه اماماه٠٠٠٠٠٠واه اماماه
________________________
الشيعه اتعنتك مولاي
تسير اعلى الجدم هليوم
ماهمهم حضر تجوال
تنادي سيدي المسموم
اجو يم بابك وصحنك
يابو الكرم يا جيدوم

بسمك سيدي يندبون
للكاظم تهل العيون

واه اماماه٠٠٠٠٠٠٠واه اماماه

✍سهام المالكي
t.me//alakelaa

((( فزعه)))
// للامام الكاظم عليه السلام //

وزن النصاری

وین اهله وعمامه خـل یفزعون
عله نعش الولی خلهم یهوسون
‌➖➖➖➖➖➖➖
لا اهله واعمامه حضروا الیوم
نعشه علجسر باقی المسموم
غریب ووحـده هل مطروح مالوم

حمایل اربعه شالوه ویمشون
✍ام مهدی امجدم
_________________
حماميل اربعه جابو الكاظم
وين اهله يجون بدمع ساجم
هو ابن الكرم واهل المكارم

حسافه لالطم لا ناس يبجون
✍ام محمد الساري
__________________
لايمه اهل لايمه خوان
يحضرون الجنازه بني عدنان
والشيعه تنوح بدمع غدران

وكلبك يالموالي اليوم محزون
✍ام مصطفى ناصريه
_________________
نعشه عله الجسرياحيف، خلوه
مايمه هله ولاجو يشيعوه
مسموم الوالي وللجبدمردوه

صعبه حالته ياناس تدرون
✍ام هاجرللشريفي
_______________________
وين اهله يجون يغسلونه
وبجفان الجنان يجفنونه
يصلون الجماعه يودعونه

يودعونه بألم وعليه يونون
✍الفاطميه
__________________
هذا لبسجن كظاها السنين
برغم جور وظلم بين الحياطين
يبجي دموم علمظلوم لحسين
وعياله المشت وي الكرهون
✍الفاطميه


تمت باقلام خادمات ساقي عطاشا كربلاء باشراف العلويه ام رقيه الموسوي
تدقیق استاداشاعر هادی المغیطی
🙏🙏🙏🙏🙏نسئالکم الدعا


t.me//alakelaa