هدوء مع عمار كمال??

⚠️هاااام:
مصدر أمني مطلع يفضح المسرحية
- مصدر أمني: لم يتم اعتقال علي عثمان ولا نافع ولا حتى أحمد هارون ولا أعرف لماذا يتم اعتقال عبدالرحيم؟
- صلاح قوش هو الذي أعاد أبنعوف للخدمة عندما كان عاطل بالمعاش .. وعلاقتهما أكثر من سمن على عسل.
- البشير حر طليق وما حدث تم بالإتفاق معه وبكامل طوعه وارادته.
- علي عثمان هو مهندس هذا السيناريو وتربطه علاقة وثيقة بأبنعوف.
- أبنعوف أرسل قوة من الجيش لحماية منازل آل البشير بكافوري.
- عمر البشير خارج العاصمة ومن المفترص انه في مزرعة بولاية سنار.
-هناك تنافس بين نافع وعلي عثمان على السلطة.. وعلي ينتصر في هذه الجولة.

#انقلاب_القصر
#الثورة_مستمرة
#تسقط_بس

#عوض_بن_عوف_لا_يمثلنا
#ثوار_احرار_حنكمل_المشوار
#اعتصام_القياده_العامه_مستمر

فعلو الهشتاق دا

انت كزول مشارك ف ثورة
عارف الثورة دي لشنو ومطالبها شنو ولا بتهتف لوداد وبشة بس؟!
الثورة دي شعارها الاصلي
"الشعب يريد اسقاط النظام"
النظام دا م بشة ووداد بس
النظام دا كل الافراد والاحزاب المشاركة في الحكم الغير داعمة للثورة
ابن عوف دا من النظام
انك ترضى بيو رئيس "انتقالي" يعني رضاك بالنظام
ابن عوف دا برضو ماكل وشارب ولابس من حقنا
ابن عوف دا برضو كوز
ابن عوف دا نائب بشة
ابن عوف دا م منقذ ولا شريف ولا نظيف
ابن عوف وسخ زيو زيهم
ابن عوف المفروض يتحاكم لما النظام يسقط لانو نائب الرأس الكبير
لو بشة م بثق بالكلب دا م كان بقاو نائبو

م تتراجع عن واحد من مطالبك عشان الموضوع تنتهي من الثورة بسرعة ولا عشان الشمس حارة



الناس تفكر وتفهم الحاصل شنو

م ف نظام بسقط ف يوم واحد
تنوم الليلة تصحى الصباح تلقى الاخبار انو النظام سقط
الحكاية م بالسهولة دي

هسي بغض النظر عن انو دي خطة من النظام الحاكم لتهدئة الثوار زي يوم 6 ابريل ولا هي حقيقة
ابن عوف م بصلح لانو يمسك البلد
لانو مطلوووووووووووب زيو زيهم
لانو خدمهم واشتغل تحتهم
لانو م عندو اي مقدرات تأهلو يمسك البلد دي لمدة سنتين

طيب قول الفات دا كلو م اقنعك

اين عوف مطلوب
يعني المفروض يتحاكم
ف رايك انز زول ممكن يتحاكم ويتعدم ح يتنازل عن الحكم بعد سنتين ويمشي للمحكمة وهو مستسلم كدا
بعدين معروف ف كل الدول انو الحكومة الانتقالية دي سنة وحدة لانو انت م مطلوب منك تحسن البلد
مطلوب منك تحافظ عليها لغاية الناس يقدرو ينظمو نفسهم وياخدو قرارهم ويرشحو ناس للرئاسة


خلاصة الموضوع انو ابن عوف دا مسك لواجد من سببين:
1) خطة لتهدئة الثوار وبعدين نتفاجأ ببشة رجع
2) انقلاب حقيقي و هنا ح يكون واحد من اتنين:

1) ح يمسكها سنتين وبعديها يوقف بارادتو ويمشي يتحاكم "مستبعد طبعا"
2) يمسكها لحدي م يموت ويبقى لينا بشة تاني

أستغر الله العظيم😭💔
الناس م تخاطر
م تقتلو الثورة
م تتنازلو عن حقوقكم


#خليكم_واعيين
#الشارع_بس
#تسقط_بس

تاني القيادة بس
الشارع بسس

لو رجعنا حتكون نص ثوورة💔✌️

الثورة م انتهت قوموا إلي ثورتگم يرحمگم الله✌️✌️

فعلوا الهاشتاق

#الشارع_بس✌🔥

حارسنها ما ماشين
بعد البيان قاعديين
✌🏻✌🏻✌🏻✌🏻✌🏻

نحنا الجيل النفسو طويل من ديسمبر لي أبريل 💃🏻💃🏻💃🏻✌🏻🇸🇩

عوض بن عوف
الترجمة :
البشير2

‏يخوانا انتو زعلانين لي ، قدرنا نسقط حكومه ٣٠ سنه في اقل من اربع شهور مظاهرات ، و٦ ايام اعتصام بس ، م ح نقدر نسقط حكومه انتقاليه م تمت ليها ٣٠ دقيقه ؟!؟!؟!

#اعتصام_القيادة_العامة
#تسقط_بس ✌