سيد عمار الموسوي

أسعد الله أيامكم بميلاد السيدة الزهراء عليها السلام دمتم برعايتها ان شاء الله 🌹

اسمعت بالعالم العلوي
صـوت بهـالخبـر يـدوي
طفه الحاطمة مولد فاطمة
******************************
شفت موج البحر عالي وصرت متحير بأمره
گتله شبيها امواجك تعانق وحده بالأُخره
سألته وگلي يالسائل الليله مولد الزهره
روحي تحولت موجه وغطست هايمه ابقعره

غارق ماردت منجه غمرة روحي البهجة
روحي الهايمه مولد فاطمة
******************************
وي وجه البحر شفته الگمر هاليله يتغزل
امن نجومه نسج كلمات او صبح نور الأُفق مغزل
نور الزهره خلاني من نوري صرت أعزل
وفرحان بتمام النور لأن هالليله يتنزل

نورج غطه ع النورين يا ام الحسن وحسين
أسمع من فمه مولد فاطمه
******************************
هَبت نسمه والگلبي راحت طيبة جرحه
گلت هاي السعاده امنين وَلَم تمسسني
كُل فرحه
نزل يمي وحي الأحساس جاوبني وسكن جنحه
هاي النسمه من نفحات مولد فاطمه وصبحه


عطرها لمه لامسني نزل دمع الفرح مني

أجمل مكرمه مولد فاطمة
******************************
بسبب نسوة أهل مكة على الحره الحزن غيم
الخديجة ما أجن لنهن گلب ماعدهن امتيم
أجت كلثم أخت موسى وسارة وآسيا ومريم
وحور العين اجن يمها والها الباري فجر يم

الكوثر جاريه ابسدها وطفح زمزم على خدها
الله امعظمه مولد فاطمة
******************************
من اقره اعله مولدها البسمه ابشفتي اتصلي
أشهد والدي المرسل وبعدها استرسلت تتلي
ولي الله علي إشهد وسلام اعله الوصي بعلي
وهيه بالمهد گالت حيدر يا بشر خلي

امن الله هذا متكوبي حيدر هوه محبوبي
من رب السمه مولد فاطمة
******************************

سيد عمار الموسوي✍🏻

السلام على ام البنين وصاحب الزمان

عظم الله لك الاجر سيدي يا أبا الفضل بذكرى ‏وفات أُمك أُم البنين عليكم السلام ✋

يامُعزَ الأولياء بيه شوگ الكربلاء
يابو صالح گلبي ذايب على العباس
::::::::::::::::::::::::::::::::::::::::::::

مارد عليه برايته ساقي عطاشه كربله
ولا شافته عيوني بعد من مشت ذيجه القافله
يالمهدي قلت حيلتي وانته الوحيد ابهل مله
تگدر ترسيني اعله بر وتحلي هاي المُعظله
من تعبت امن البكاء گمت انادي بهالنداء

يابو صالح گلبي ذايب على العباس
::::::::::::::::::::::::::::::::::::::::::::

نهر اشتياقي لهالوكت بي يجري موج العاطفه
من عنده تاخذ هالبشر كل المحنه والوفه
حد هسه قائم هالعشگ گلبي يحن اعله الچفه
لو تكشف احجاب الگلب جا گتلي عالروح العفه
يابن اتقى الأتقياء هالفراق اكبر بلاء

يابو صالح گلبي ذايب على العباس
::::::::::::::::::::::::::::::::::::::::::::

صارت سفيره حسرتي طافت على ضلوعي بشجن
ماخلصت الحسره وبعد من عدها ماگلبي استجن
الساعات الاملاگه عشت بين الأجن والما أجن
اشرحلي صدري بشوفتك موگلبي بالحسره نسجن
ياحبيب الأنبياء شوفتك هيه الشفاء

يابو صالح گلبي ذايب على العباس
::::::::::::::::::::::::::::::::::::::::::::

ياغالي لوغاب الگمر أتذوب بغيابه نجمته
حتماً تضيع ابهل مسه وتصبح اسيرة بغيبته
خلاني كالنجمه اصبحت وحدي او أَحن الشوفته
يالوجهك إيضوي الكهف وديني هسه الحضرته
تدري ياوجه الضياء ماتسع همي السماء

يابو صالح گلبي ذايب على العباس
::::::::::::::::::::::::::::::::::::::::::::

بوابة القبله اسمعت للمنكسر هيه الدوه
اليوگف عليها ينشفي ويرتاح اذا شم الهوه
امنيتي عالعباس اطب من هذا بابه باللوه
من عنده گلي ياوكت ها ياحبيبي انطب سوه
كون ازوره ابهل مساء وانصب هناك العزاء

يابو صالح گلبي ذايب على العباس
::::::::::::::::::::::::::::::::::::::::::::
لوضاگت بروحي الأرض صحنه السماء الواسعه
من گلبي ياخذ كل الم وابگه بسما متولعه
ياليتني كُنتُ معه ساعت هذيج الفاجعه
وبگلبي يوگع هالسهم واندفن يم المشرعه
ابداله أحمل كل العناء أودمعي ينزل من دماء

يابو صالح گلبي ذايب على العباس
::::::::::::::::::::::::::::::::::::::::::::

الى
سيد عمار الموسوي
نسألكم الدعاء

عظم لك الأجر يا سيدي يا صاحب الزمان بأستشهاد أُمك الزهراء صلوات الله عليها عجل الله فرجك الشريف

السيدة زينب
للإمام العباس
سلام الله عليهم

يمـن فقت البشر كلها بعلماك
أخبرك خـاف ماصايـر بعلماك
جدامي الشمر يمشي بعلماك
ويگلي بي أثر جـف عـم رُقيــه

سيد عمار الموسوي ✍🏻

الى الوداع سيدي الى الوداع
**********************
زيبنب تبات عالترب زينب تبات
بس نايبـات بالغرب بـس نايبات
شح الفرات عالحرم شح الفرات
ذبلت صفات زينبك ذبلت صفات
بعدك ضياع سيدي بعدك ضياع
**********************
نــار الخيــام تستعر نــار الخيــام
صـار الكـلام للشمر صار الكــلام
جاب النياگ والحبل جـاب النياگ
دلالي ضاگ عالهزل دلالي ضاگ
حزني انطباع سيدي حزني انطباع
**********************

بيــن الخيـول جثتــك بيــن الخيــول
وامنه البتول حضرتك امنـه البتـول
فوگ الرماح شيبتك فـوگ الرمــاح
دم منهه طاح لحيتك دم منهـه طاح
دمك شعاع سيدي دمك شعاع
**********************

فوگ الرمال مـن طحت فوگ الرمال
راح الــدلال مـن رحــت راح الــدلال
هــالأشتيــاق داخـلـــي هــالأشتيـــاق
بطور العراق يقره الي بطوره العراق
طوري يُذاع سيدي طوري يُذاع
**********************


يوم الكفيل من رحل يوم الكفيل
لا خله حيل لا أهل لا خلـه حيل
جنت ابلوآه غانمه جنت ابلـوآه
هسه بجفآه لاطمه هسـه بجفآه
مات الشجاع سيدي مات الشجاع
**********************

لام البنيــن رايحــه لام البنيــن
في كُلِ حين نايحه في كُلِ حين
لون السواد نشرته لون السواد
يــوم الحداد سوتــه يــوم حداد
ابكل البقاع سيدي ابكل البقاع
**********************




لــكَ العــزاء بالگمــر لــكَ العـــزاء
قــــدم فـــداء هــالنحر قــدم فـــداء
مطرت دماء هالسمه مطرت دمـاء
فـي كربلاء بس دمـه فــي كربـلاء
دون أنقطاع سيدي دون أنقطاع
**********************

سيد عمار الموسوي

يعباس جيب الماي لسكينه *******************************
ياخــويـــه نيـــران الخيـــم تجــويها نيـران الظمــه مـن شدة الحر والعطــش نازل على العين العَمـــه لا شفنــه مـــاي الجـربتــك لاشفنه ماي امـن السمـه و الدنيـه مـن مطرت حــزن ياكافلــي مطــرت دمــــه

اعله هالحال صحت وين والينه *******************************

حته الشمـس لمن غبــت مــاترضــه تنزل يـالگمــر بـس حرها نازل بـالوجــه وبوجــه كــل غالــي حفـر دارت على احبابـك مثــل دورت مصايـب هـالـدهـر تركــت مقرهـا وللأســف صـار بوجهنـه المستقـر

مثـل نـار بالوجــوه تجـوينــه *******************************




صــوب النهـر مــافكــرت اتعنــه لـو حتــه افتــرض شلون افرض وحزني صبح جالحافـر بصدري يــرض كلمـا ردت انهـــض طحــت طيحت سماء اعله الارض حيلـي انتهـا ومــن التعـب بـالگعـده صليـت الفــرض

الجسد ذاك صفه الحيل ميعينه *******************************

گالو على المات العفه بــس ما گلتها بموتتـك ميــت وانــدبنـك تجــي مـا بطلت مـــن نـدبتـك حي ميت بعيني تظـل راجـــع وبيـدك رايـتـك مــاخـابـت آمالـي ولا خـابـت بفعلــت نبلتــك

ولا اگول اخي راح ضي عينه *******************************





ياسادس احبــاب الگلـب دم الگلـب بعـدك نشــف رغم الجره ونهـر العشگ ياباالفضل ما ساعه جف يـامـالـك النبضـات الـــك مـاتطفه نيـران الشغــف والــوادي نسيـانــي فـلا ذكرك يبو الغيـره انجرف

مننسـاگ يمـن مـا ناسينــه *******************************
جانت ضميه المشرعه وبدمعتي كلها انسگت اجروف الشريعه امن العطش تتروه بدموعي بگت صَبرني موقف ياشهم ما خله هالروح ازهگت راسك على راس الرمح وعيونك بعيني التگت

بالانظــار يعطشـان تسگينه

*******************************

سيد عمار الموسوي

ابيات نعي وابو ذيات
حوار بين الامام الحسين والسيدة زينب
عندما رجع الامام الحسين بعد مقتل الامام العباس وبيده رايته فاستقبلتهُ السيدة زينب عليهم السلام وقالت
**********************
ارجعت محني يخويه وبيدك الرايه
جــآ راعيهـا وينــه وجربتـه ومايــه
عايــن ليــه خويــه وسولف بهايــه

ياللازم ظهرك بيمينـك
عن عيني لاتبعد عينك
*********************
قلت حيلتي وعبـاس اخذ حيلـي
ومـات الجان اذا اوگـع يتجيـلـي
شحجيلج يمن گلتيلي احجيلي

الخلاني كل عمره بعينه
طاحــن يـازينب جفينــه
*********************
اريد اوصل لخويه وأدري يكعدلي
سـاعتها يگـوم بعينـه اذا صدلــي
ونادي من هله بطولك يبعد اهلي

بس عطري يلامس انفاسه
يحيه وتصعد غيره براسـه
*********************
اخذته بحجري حد ماخمدت الانفاس
يـزينب أيســي مــايرجعلج العبــاس
تشوفينه وكت سبيـج فقط بــس راس


مسبيه ومن فوك الناگه
كليله الوجهك مشتاگـه

*********************
وعدنـي وگــال اردلــج والعــذب ويــاي
وهسه امن العطش ناري دوت بحشاي
عطشانه ارد اشوفـه مـو عطـش للمـاي


عطشانه وروحي المحترگه
يطفيهــا بســاعـات الملگــه

*********************
ميصحلج بعد ملگه اوي راعي الجود
وبعد هيهـات ابو فاضـل عليـج يعـود
ومــن خيمــت كفيلــج طيحت عامــود

مـن يوگع عامـود الخيمـه
ميت يعني راعي الشيمه

********************

أسألــك عــن ابو فاضل يخيمات
واگولــن طيحن بموتــه يخيمات
سكوتك مـن وسط گلبي يخيمات
شــريـان الگلـب واگـطعتـه ليـــه
*********************

قبـل مامات جف ايــده يحي لاج
يموت ومن بعدها يـرد يحي لاج
شـدي الحيـل لايتعــب يحي لاج
اذا شفتــي كفيـلــج عــالــوطيــه
*********************

جف عباس من شفته يحيلاي
گتله اوياي شد حيلك يحيلاي
اريد اوصلـه لــو ميت يحيلاي
يگعد بـس اگلـه اختـك سبيـه
*********************

تـــره الفــاگــد اخيـــه مـــات هـــمـن
وصحت بجدامي اسرعن مات همن
وگــــع عبــــاس اخيــي مـــات همن
وتمشـــــن بيــــه بــــدروب المنيــــــه
*********************

سيد عمار الموسوي

قصيدة (علمتني ام البنين)

والله يا اهل العالمين علمتنـي ام البنيـــن
أختصرها بكلمتين گلت شُكراً ياحُسين
******************************

علمتني اعله الوفه والصـدق والعــاطفـة
روحي باسمه هاتفه أشما تمر بيه السنيــن
شارب امن العلگمي وللحُسين آنه انتمــي
آنــه عبد الهاشمــي اشما تمر بيـه السنين
سيرة الحب سيرتي والمجالــــس ديرتـــي
لجله تبگه دمعتــي اشمــا تمر بيه السنين
شگد قصص بعده أجن عيونــي ألهـن مــابجن
ولا يمسهــن الشجــن لايهزهن الحنين
******************************

آنـه والتحت السمـه فــدوه للضـاگ الظمة
كوني ارضي فاطمة يــاحبيبـي يـاحسيــــن
هالكــلام الذكــرتــه لابـــن حــذلــم گالتــه
وانه بروحي صبته يــاحبيبــي يــاحسيــن
ثوب الاســود ارتدي وبطــريقــــه اهتــــدي
واقره اله بطور الحدي يــاحبيبـي يــاحسيــــن
بــالمــواكــب ارتقـــي واصبــح الصافي النقي
يبگــه هـــذا منطقــي حبي واضح مو دفين
******************************

دمعه وحــده ابمأتمــه تطفــي نــار الحاطمة
بهالمدامــع مَكرمــه مــو مُغالــي بهاليقين
مو لمـن هــبَ ودَب دمعــي ياناس انسكب
بس لبن سيد العرب مــو مُغالــي بهاليقين
من أهيم بحبي الــه گلبــي يصبـــح قـافلـة
ويعتني الطف كربله مــو مُغالـــي بهاليقيـن
عودي ذابـل وارتـوه خدمتــه هيـــه الـــدوه
اي وحگ راعي اللوه بالحسين آنه استعين
******************************
والله مگــدر التفـــت لنــي مثلــه مــاشفـــت
بجاله عمري ماخفت أفتـــدي الحبـل الوتيــن
امنعلمت ظهره انكسر حيلــي كـالسيــل انحـدر
واستقــر يـــم النحــر أفتــدي الحبــل الوتيـن
گلبي لمصابــه التهب مــاردت مــآس وذهـب
عاشگ وعمره وهــب أفتــدي الحبــل الوتيــن
بوجهي سيماء العشگ تحجـي كلمــات الصدگ
سيـــدي مــــا نفتـــرگ هذا عهد المخلصين

الشايـــل بجفه علـــم واعتنـه الگبــره سلم
أسمه مكتـــوب بقلــم فــي جبيــن المشرقين
والتبره امـــن العـــده سالم بدربه سده
عمره ميظــل وحــــده فـي جبيــن المشرقيـن
عزمي بادي امن المهد إنَ مَـــــن جَـــدَ وجَـــد
العافــه حتمــاً يُفتــقــد فــي جبيــن المشرقين
لا خرابـــــه ولاقصــر للـــي عافــه بهالعصــر
وما يشوف ابداً نصر ولا يضوگ امن المَعين
******************************
سيد عمار الموسوي