Breynstorm

📝 Metaverse navbatchiligida Benom jamoasi muhokamasi

Pink Floyd haqidagi savolda dastlab boshqa yo‘nalishlardan ketayotgandik keyin oyning orqa tarafi versiyasi keldi va guruhni ham esladik. Bolalar xorida esa Mirjalol klipni ko‘rgani bolalar xori kuylashiniyam aniq aytdi. Keyin “Bulbulcha” ga bog‘lab bolalar ansambli deb berdik va bu javob olindi.

Mironshoxada esa morga bog‘lab variantlar izladik va Shoximardon keldi. Abbos shunday odam bor degandi, lekin Mironshoxgacha o‘ylab ko‘rmadik. Vita haqidagi savolda ham east boshqa variantlar kelayotgandi, keyin “hayot yo‘li” deb vita keldi.
Oyinada esa qalqon almashgani ko‘p narsa bermasdi, faqat Samarqandda o‘sha davrda tug‘ilgan eng mashhur shaxs Behbudiyni o‘yladik va “Oyina” nashri esimga tushdi. Qalqondan ham oyina qilib ishlatish mumkindir deb hisoblab shu javobni berib yubordik.

Temurshunoslikda esa temirshunoslikka aylanib ketdi degan gapni eshitgandim. Keyin jamoa “temirchilik bo‘lsa kerak temirshunoslik degan narsa yo‘q-ku” deyishdi. Lekin Abbos ohirida ham Temurshunoslikka mos tushgani uchun shu javobni bermoqchi bo‘ldi. Keyin temirchilik baribir olinsa kerak deb bor sohani berdik. Va to‘g‘ri qilgan ekanmiz. Temirshunoslikni jamoa ham, AH ham olmagan ekan. Lekin menimcha almashtirishga mos tushgani uchun bu javob ham olingani ma'qul edi. 2- va 3-AH temirshunos so‘zi lug‘at va manbalarda yo‘q demoqchi. Lekin Temurshunoslik ham alohida lug‘atlardan joy olmagan nazarimda. Jamoalar temirchilik bilan bog‘liq narsani berishgani ayon-ku. Masalan, temir yasash javobini shu ikkala AH olgan.

Kolumb savoli esa yana chalg‘itib qo‘ydi. Dastlab tasodifiy deyilganidan Abbos Kolumbni yozib qo‘ygandi. Keyin Mikelanjeloning haykal yasashda “men toshdan ortiqcha joylarni olib tashlayman” degan gapi yodga tushib qoldi. Davri ham mos edi. Ohirida Mikelanjelo qiziqroq tuyildi va tanlashda adashdik.

Barcha oilalar baxtlida esa chuqurroq o‘ylamay chalg‘ib ketdik. Baxtsiz va baxtli oilalarni o‘yladik, lekin savol formasida ikki-uch so‘z deb aytilmagandi. Baxtsiz oilalarni yozib, o‘chirib oilani berib yubordik. Ta'rif umumiy bo‘lgani uchun oila olinishi kerak deb o‘ylagandim. Lekin AH ham bu javobni olmabdi. Bu savolda va o‘zi umuman ko‘p savollarda formaning umumiy qo‘yilishi javoblarni tanlashni qiyinlashtirdi.

Chumoli va qarg‘alar bilan bog‘liq fakt klubda ham ekranda ham o‘ynalgandi. Eslab topdik, lekin piyodalar o‘tish joyi yana chalg‘ituvchi savol bo‘ldi. Shu savolda svetaforning qizil chirog‘i deb aytgandim. Chunki qizil yonganida yong‘oq tashlanishini bilardim. Stkanda ham balki to‘xtash ishorasini bildirsa kerak deb o‘yladim. Keyin savol matniga moslab ko‘rib avtomobil yo‘li ohirida yanada aniqlashtirib piyodalar o‘tish yo‘lini berdik. Avtomobil yo‘li javobi esa keyinchalik apellyatsiyada olinibdi. Nazarimda to‘g‘ri qaror, chunki savol matnidan aynan nimani yozib berish kerakligini tushinish qiyin edi.

Ibn Sinoda esa asarni moslab dastlab topolmadik. Keyin 11-asrda yashagan mashhurlarni sanab Beruniy va Ibn Sinoni sanadik. Shu paytda ancha yillar oldin o‘qiganim Ibn Sinoning “Solomon va Ibsol” asari esga tushib qoldi va javobni topdik. Sakajevayada esa Mirjalol boshidanoq aytdi, keyin Pakoxontasni ham o‘yladik. Ingliz ismlardan esa Luis va Klarkka bog‘lab Sakajevayani berdik. Detochkinda esa o‘zbek, sovet filmlarini esladik tuzukroq variant kelmadi. Keyin Otajon Detochkin qandaydir sigaret chekishini, sudda ham shu orqali topishganini aytib qoldi. Ishonqiramay shu javobni bergandik. To‘g‘ri chiqdi.

Ten Hagda esa Te va H deb elementlarni yozib oldik va keyin Ten Hag kelib chiqdi. Stokton Rashda esa Mirjalol boshidayoq shu javobni aytganda uncha tushunmagandik, Firdavs esa tushib qolsa kerak deb yozib qo‘ygan ekan o‘tgan savoldan.

To‘g‘risi ikki turdan keyin o‘nlikdan ham tushib ketgandik ohirida 3-o‘rin bilan tugatgandik. Apellyatsiyalardan keyin esa beshga tushdik. Shunday bo‘lgani ham to‘g‘ridir. Bir necha eski faktlar va redakturadagi ba'zi kamchiliklarni aytmasa yomon bo‘lmadi savollar. Shu jihatlar ham apellar ko‘payishiga olib keldi nazarimda.

@breynstorm

Zakovatda o‘yin paytidagi o‘yinchilar emotsiyasi juda katta ahamiyatga ega. Odatda jamoa kayfiyatining yaxshi bo‘lmasligi ketma-ket savollarning topilmasligiga olib keladi.

Ayniqsa ayrim bilimdonlar kayfiyat o‘yinchisi bo‘ladi va bironta to‘g‘ri javobi sardor tomonidan tanlanmasa yo savoldagi g‘alizlik sabab javob topolmasa bo‘ldi keyingi savollarda jim o‘tiradi, muhokamalarda qatnashmay qo‘yadi. Bu eng yomon odat, chunki bu holat butun jamoa kayfiyatini tushirib yuboradi va o‘yinni butkul izdan chiqarishi mumkin.

Agar sardor xatosi bilan to‘g‘ri javob o‘tib ketsa, buni o‘yin payti muhokama qilish kerak emas. Chunki, to‘g‘ri javobni tanlay olmagan sardorning o‘zi ham bu ishidan stressga tushishi aniq. Aksincha bu paytda sardorni qo‘llab-quvvatlash ham o‘rinli.
O‘yindan keyin bu holatlar ko‘rib chiqilishi kerak.

Biroz yoqmagan, g‘aliz savollar tushib qolishi esa istalgan turnirda ro‘y berishi mumkin. Bilimdon shu turnirda biron natija uchun keldimi o‘z jamoasidagilarni xurmat qilib qancha e'tirozi bo‘lsa ham ohirigacha muhokamada qatnashishi, o‘ynashi kerak. Chunki muhokama payti qancha e'tiroz bo‘lsa ham bu baribir hech narsani o‘zgartirmaydi. Aksincha norozilik kayfiyati boshqalarga ham ko‘chadi. Muhim o‘yinlarda bitta savol ham ko‘p narsani hal qiladi. Shu sababli o‘yin davomida har qanday negativlar, jahlga erk berishdan yiroq bo‘lishi kerak. Aksincha o‘yindan keyin, mashg‘ulotlarda xatolar ustida ishlash eng to‘g‘risi.

@breynstorm

Mantiqiy va faktik duallik bo‘yicha apellyatsiya

Odatda javobni qabul qilishga apellyatsiya 2 holatda beriladi. Savolda faktik duallik bo‘lganida va savolda mantiqiy duallik bo‘lganida. Faktik duallik tushunarli holat: bunda savoldagi barcha shartlarga mos keluvchi yana bir javob bo‘ladi. Mantiqiy duallikda esa muallif javobidan boshqa mantiqan mos va savol shartlarini inkor qilmaydigan boshqa javoblar uchraydi.
Faktik duallik bo‘yicha apellyatsiyani isbotlash uchun jamoalar bu faktni tasdiqlaydigan manbalarni taqdim qilishi shart. Mantiqiy duallikda esa jamoalar manba taqdim etishi shart emas, ular javoblari savol shartiga mos kelishini isbotlay olishi kerak.

2-turda aynan shunday mantiqiy duallik bo‘yicha Xudoyorxon saroyi xonalari soni haqidagi savolga bir-necha jamoa apellyatsiya bergan. Savol shartlaridan xonalar soni diniy kontekstda aynan Alloh ismlari soniga yo suralar soniga bog‘liqligini aniqlash, tanlash imkonsiz edi.

Javob esa suralar soniga bog‘liq bo‘lib chiqqach bir-necha jamoa Alloh ismlariga bog‘liq javob bo‘yicha apellyatsiya bergan. Bunda aslida saroy xonalari soni 99 ta emasligi aniq, ammo mantiqan bu javob ham mos kelgani uchun apellyatsiya berilgan.

Ammo, shu o‘rinda 1-AH o‘z izohida

Jamoa javoblari to'g'ri javoblarga mosligiga manba keltirmagan

degan.
Darhaqiqat, chunki jamoada bunday manba yo‘q. Ular xonalar soni javobdagidan kam deyishmoqchi emas, ammo bu kontekstda savol shartlariga mantiqan mos deb hisoblashgan. Va nega bunday hisoblashganini ham uzun qilib izohlashgan. Agar jamoada faktik duallik bo‘yicha apellyatsiya bo‘lganda, shunchaki mana bu manbaga ko‘ra aslida xonalar soni biz yozib berganimizcha deyishardi, bo‘ldi. Bu o‘rinda manba so‘rash joiz emas, aslida.

2-AH esa bu kontekstda javob mantiqan mos tushishini tasdiqlagan:

Ollohning 99 ismiga yoki Qur'onning 114 surasiga moslash holatlari ko'p uchraydi va bu ikkalasini teng kuchli hodisa deb tushunish mumkin.

3-AH esa ta'bir joiz bo‘lsa eng to‘g‘ri fikrni bergan:

Savolda mantiqiy duallik bor, jamoa javobi savolning barcha shartlariga mos keladi

Shu ikkala AH vakillari hisobiga mantiqiy dual bo‘lgan savolga boshqa javoblar ham olingan.

Xo‘sh, oldin ham mantiqiy duallik bo‘yicha apellyatsiyalar olinganmi? Ha, eng ko‘p o‘zi shu bo‘yicha apellyatsiyalar qabul bo‘lgan. O‘tgan mavsum ohirgi turida ham Doktor Frankenshteyn javobiga mantiqan mos Doktor Moro javobi qabul bo‘lgan. Yoki mana bu postda bu bo‘yicha ko‘p holatlar berilgan.

@breynstorm

📝 Espero navbatchiligida Benom jamoasi muhokamasi

O‘yin sana bilan bog‘liq savoldan boshlandi. To‘g‘risi sana hayolda turmasa savol matni, mahallaning eski nomlari baribir yordam bermaydi. Topilmadi.
Eminem haqidagi savolda oqning qoradan qolishmasligi haqida gap ketgandayoq shu variantni aytgandim. Umuman qora tanlilar bilan assotsatsiya qilinadigan sport turlari, basketbolchilar orasidan oq tanlilarni o‘yladik. Mirjalol NBA logosidan tasvirlangan oq tanli basketbolchini ham aytgandi. Ohirida Eminemni bergandim, to‘g‘ri chiqdi.

Siolkovskiy savolida charxpalakni gorizontal shaklga keltirgani aytilgandayoq vertolyot yaratuvchisi Igor Sikorskiy kelgandi. Mirjalol Siolkovkiy variantini bergandi, lekin matnga moslay olmadik. Balki faqat tortish kuchi deyilgani yordam berarmidi bilmadim. Bu gal Mirjalol haq bo‘lib chiqdi.

Akutagavada esa negadir Rasyomon effektiga bog‘lay olmadik. O‘lgan yili, umri yakuni aytilganiga Janni Rodarini berdik. Rodarining uch xil yakun haqidagi ertaklaridan, lekin o‘lgan yili tushmasligi aniq edi.

“Yo‘qotilgan avlod” da esa Otajon tarqatma kelgandayoq avlod so‘zi tushib qolganini yozib qo‘ygandi. Gertruda Stayn esa javobni mustahkamladi. Aviabenzin haqidagi savolda o‘n xil variant bo‘ldi desam adashmasam kerak. Lekin aynan to‘g‘risini tanlash, biron to‘g‘ri yo‘nalishga tushish qiyin edi.
Golem haqidagi teskari yershonimni esa Mirjalol boshidanoq oldi.

Semey haqidagi savolda esa Muhammadxo‘ja “Qozog‘istondami yadro portlatib, sun’iy ko‘l hosil bo‘lgan joy bor edi-ku” shu joy deb aytdi. Shundan Semeyni yozib berdik. Chilli peppersda esa boshida turli ingredientlardan o‘yladik daqiqa ohirrog‘ida boshqa guruhga allyuziyani sezib chilli peppersni berdik.

Ajib yangi dunyoda esa asarni o‘qigan bo‘lsamda topa olmadim. Ona muhabbati, yovvoyi tabiat deyilgani boshidanoq Bembiga yetaklagani uchun chalg‘igandirman.
Rejissyorlar blitsida esa Kusturitsa, fon Trierni topib ohirgisini topa olmaganimiz alamli bo‘ldi. Bunda “Osmondagi bolalar” ga bog‘liqlikni sezmagan holda boshidagi rejissyorlarni topdik, Kitano esa qog‘ozni berib yuborganimizda hayolga keldiyu, lekin kech edi.
Lekin blits keyingi savolda bizni chalg‘itib qo‘ydi. Aslida islohotchi deyilganidan boshidayoq Muhammadxo‘ja Martin Lyuterni aytib, yozib ham qo‘ygandik. Keyin Abbos “savolda manifest deyildi bu Marksning “Kommunistik partiya manifesti” asariga ishora emasmi” dedi, shunda oldingi savolda Lars fon Trierning ota-onasi so‘l g‘oyalarni qo‘llagani aytilgani esimga tushdi va Marks javobini ma'qulladim. Afsuski yana xato qildik.

Kitoblarni suvga otish haqidagi savol adashmasam ekran o‘yinlarida ham tushgandi shekilli, bir necha o‘yinchi darhol esladik.
Xudoyorxon saroyi xonalari esa tanlovga hech qanday variant qoldirmagan edi. Boshidan Abbos Alloh ismlaridan bo‘lsa kerak dedi, keyin suralardandir deb ham o‘yladik. Ohirida ismlardan kelib chiqib javob bergandik, yaxshiyam AH bu javobni hisobga olibdi.

Yaxshi debyutdan keyin mavsumdagi yomon o‘yinni ham o‘tkazdik. Mayli hali mavsum oldinda, qanday natijalar bo‘lishini oldindan bilish qiyin.

@breynstorm

Javoblar:

1. Avtobiografiya
2. Aforizm
3. Zarin
4. Aylana stol
5. Kannibalizm
6. Kitob
7. Asalari, asalarichi.

Bular albatta Ashot Nadanyan fikrlari. Sizda bundanda yaxshiroq, mantiqiyroq variant bo‘lishi mumkin. Shu sababli aforizm, iqtiboslardan savol tuzishda ehtiyot bo‘lish lozim va ko‘p variantlar ichidan mosini tanlashga yordam beradigan ikkinchi qism qo‘shish kerak.

@breynstorm

♟ Arman shaxmatchisi Ashot Nadanyan ijtimoiy tarmoqlarda, zakovat olamida o‘z aforizmlari bilan mashhur. Uning ko‘plab aforizmlari sporchta chgk, zakovat o‘yinlarida, chgk ekran o‘yinlarida o‘ynalgan. Garchi aforizmlari qiziqarli, paradoksal bo‘lsa-da savol tuzishda ko‘pincha otsechka beruvchi ikkinchi qism qo‘shish lozim. Bir gal prof ligada Nadanyan aforizmlaridan tuzilgan savolga bir odamning fikri, iqtibos bo‘lgani sabab boshqa ko‘p mantiqan mos javoblar olingandi. Quyida esa uning ba'zi aforizmlarini savol shaklida taqdim qilaman. Quruq aforizmning o‘zi bo‘lsada topishga urinib ko‘ring:

1. U pushtirang ko‘zoynakda yozilgan matn. Uni toping?

2. O‘quvchining qalbiga eng qisa yo‘l u hisoblanadi. Uni toping?

3. Shunday odamlar borki, ular Xga o‘xshab rangsiz, ta'msiz ammo o‘ta zaxarli bo‘ladi. Xni toping?

4. Hatto unda ham ba'zi joylar yumaloqroq. Uni ikki so'zda toping?

5. X — bu odamlarga muhabbatmi yoki nafrat?

6. Agar ahmoqqa uni sovg‘a qilsang ahmoq buni o‘ziga haqorat deb tushunadi. Uni ayting?

7.Xalq xokimiyat uchun huddi ular X uchun qanday ahamiyat kasb etsa shunday vazifani bajaradi. Ular va Xni bir xil bir xil boshlanuvchi 2 so‘zda yozib bering?

P. S. Javoblarni keyinroq e'lon qilamiz.

@breynstorm

📊Prof liga 1-tur Yengil kavaleriya jamoasi navbatchiligi kichik statistikasi:
#stat

📍24 ta jamoa qatnashgan.
❓36 ta savoldan:
🔴 Hech qaysi jamoa topa olmagan va 10% gacha(2 ta) jamoa topgan savollar soni — 3 ta
🟠 50% dan ko‘p jamoa topgan savollar soni — 18 ta
🟡 90% dan ko‘p jamoa(22 ta) topgan savollar soni — 9 ta
🟢 Barcha jamoa topgan savollar soni — 5 ta
🥇1-o‘rindagi jamoa topgan savollar soni — 28 ta.

@breynstorm

📝Yengil kavaleriya navbatchiligida Benom jamoasi muhokamasi:

Dastlabki savolda “Qish sonatasi” javobi kelgandi keyin balki Bahor, yoz, kuz.. yana bahor filmimi deb o‘yladik. Shunda serialda qahramonlar ancha yildan keyin uchrashganda yirik pazlning bitta qismini yerdan olib qo‘yishi esimga tushdi va javob savolning har ikkala qismiga tushdi.

Bebbitda Firdavs darhol xobbit shundan olingan deb aytgan bo‘lsa, Cosmoscowni Temur aka boshidanoq topdi.

Istvud haqidagi savolda yarim daqiqa Marlboro deb o‘ylab turdik. Shu savolda kovboyga sinonim deyilgan qismni qofiya deb eshitgan ekanman. Shunga ohirrog‘ida Istvudmikin deb aytgandim. Keyin yilini ham tushirdik va doimiy otda yuradi deb Abbos ham qo‘lladi. Kovboyga qofiya emas deb aytmaganimda o‘zimni ayblab o‘tirardim.

Yasama kiprikni ham boshidan Firdavs aytgandi. Keyin parik, yasama sochmi, tirnoqmi deb ham o‘yladik. Lekin pariklarga kley kerak emasligidan kelib chiqib, kiprikni berdik.

Beshik bolasida dastlabki maqoldagi so‘zni Temur aka “beshik bu” deb esladi hatto amaldorni ham bek deb topdi. Shunda mana shu ibora borligi hayolimga keldi va javobni berdik.
Xan Gan savolida esa Kan yoki Gan yozilishini Firdavs bilan tortishganimizni hisobga olmasa oson topildi. Va har ikkala variant ham qabulda borligi ma'lum bo‘ldi.

R.U.R. da tarqatmadan shu variant kelgandi keyin Firdavs rur derbisi ham borligini esladi va javob mustahkamlandi.
Giperbolikda esa u so‘zi ishlatgani jamoani chalg‘itdi. Butun daqiqa udan tushgan deb o‘ylagadik. O‘sha savolda aslida u so‘zi almashtirish va boshqa so‘zdan harflar tushgani aytilishi kerak edi. Chunki savol matnida izlanayotgan so‘zdan ham harf tushgan, ham o‘sha so‘zga u olmoshi ishlatilgan. Ya'ni ikki hil holatda ikki hil yondoshuv ketgan.

Papye-mashe da esa yarim daqiqani nega 80-yillar bo‘lsa keyin 72-yil orqaga ketildi fleshbek yo vaqt bilan bog‘liq nimadirmi deb o‘yladik. Va shu narsa jamoani chalg‘itgani uchun ham apellyatsiya yozildi. Birinchi savolda koreya to‘lqini haqida gap ketganda Firdavs shu hali tushib qoladi deb xallyu ni eslab qolgan ekan, metani oson topildi.

3-turda nisbatan oson savollar bo‘ldi. Sirdaryo haqidagi savolda bir muddat yoki Amudaryomi deb o‘ylab, keyin yozilgan hudud bo‘yicha Amudaryo o‘tmasligidan Abbos Sirdaryoni tanladi. Farhod haykalini esa Temur aka gesga borganlarida ko‘rganini aytib, topdilar. Mahmud Namozovda esa javobni berib bo‘lganimizda qo‘shiq esga tushib qoldi-yu, ammo kech edi.
Omoch haqida esa Otajon Central parkda sabantuy bo‘lardi deb aytgandi. Saban variantini ham bermoqchi edik, keyin baribir omochni tanladik. Menimcha saban ham qabul bo‘lardi.

Mavsum yomon boshlanmadi, buyog‘ini ko‘ramiz endi.

@breynstorm

📋 M.Savchenkov fikricha, jamoaning o‘yin darajasi, yuqori natijalarga erishishi 70% jamoa o‘yinchilarining individual darajasiga bog‘liq bo‘ladi.

10% jamoaning o‘yin paytidagi emotsiyasiga bog‘liq.
Ko‘pincha, ayniqsa muhim o‘yinlarda emotsiyalar natijaga ta'sir etib qo‘yadi. Jamoada bir kishining nimadandir norozi bo‘lib to‘nini ters kiyishi ham bir-necha javobning o‘tib ketishiga olib kelishi mumkin.

Yana 10% jamoaning muhokama darajasiga bog‘liq.
Doimiy birga o‘ynovchi, bir-birini yaxshi taniydigan o‘yinchilar, shunchaki yig‘ilgan 6 o‘yinchidan yaxshiroq muhokama qila oladi. O‘yinchilar kim qaysi mavzuda, texnikada kuchliligini biladi. Kimdan nima talab qilinishini ham tushunishadi.

Qolgan 10% esa jamoada ma'lum mavzular va muhokama texnikasida zaif jihatlar bo‘lmasligiga bog‘liq.
Jamoada biror mavzuni yaxshi biluvchi o‘yinchilar bo‘lishi kerak. Kimdir adabiyot, kimdir sport va boshqasi deylik tarixdan yaxshi bilimga ega bo‘lishi kerak. Bu 6 kishi 6 xil mavzuni yaxshi bilishi kerak degani emas, shunchaki jamoada 2-3 ta bo‘lsa ham yuqoridagi kabi ma'lum mavzularni yaxshi o‘zlashtirganlar bo‘lishi kerak.
Shuningdek, muhokama texnikasi bo‘yicha kimdir yaxshi anagramma qilishi, kimdir savol formasini ushlashi, boshqa birov esa teng qiymatli versiyalarda yaxshiroq tanlov amalga oshiradigan bo‘lishi kerak.

Odatda eng kuchli eruditlar yig‘ilgan jamoa ham o‘zini yaxshi ko‘rsata olmasligi, stabil o‘ynay olmasligi mumkin. Chunki yaxshi natijaga faqat bilim bilan erishib bo‘lmaydi, jamoa kayfiyatini ushlash, emotsiyalarni boshqarish, javoblarni tanlay bilish odatda o‘rganish qiyin bo‘lgan ko‘nikmalar hisoblanadi.

@breynstorm

O‘yindan keyin xatolar ustida ishlash
#Savchenkovfikri

Xatolar ustida ishlash — o‘yinni yanada yaxshilashning eng muhim usullaridan biri.

Muayyan sohadagi bilimingizni tez oshirishni istasangiz, har o‘yindan so‘ng xatolaringiz ustida ishlang. Bunda savoldagi realiyani(savoldagi asosiy faktni) bilmaganingiz uchun javob bera olmagan har bir savol ustida alohida to‘xtalish lozim.

Turnirdan keyin xatolar ustida ishlashning uchta darajasi bor:
Eng osoni – mazkur realiya haqidagi Vikipediya maqolasini o‘qish.
O‘rtachasi – Vikipediya maqolasini o‘qish va mazkur realiyaga oid savollar bazalaridagi barcha savollarni o‘rganish.
Eng qiyini – Vikipediya maqolasini va barcha savollarni o‘rganishdan so‘ng, o‘sha realiyaga oid yangi savol tuzish.

Chunki savol tuzish savollar qanday tuzilishi mexanizmini yaxshiroq anglashingizga, savol mualliflari qanday fikrlashini tushunishga yordam beradi va natijada individual o‘yin darajangiz ham oshadi.

@breynstorm

📊Toshkent shahar professional liga kuzgi mavsum navbatchiliklari paketlarining qiyinlik darajalari bo‘yicha ketma ketlik:

1. Bingo — 2.51
2. D. Malikov — 4.01
3. Benom — 4.60
4. S. Rasulov — 4.64
5. Magnum — 4.69
6. Sodiq school — 5.26
7. J. Ahmedov — 5.30
8. Metaverse — 5.86
9. Espero — 6.05
10. F. Rafiqov — 6.45

Paketlar bilan shu yerda tanishish mumkin.

*qiyinlik darajasi savollar qiyinlik darajasi va topilishidan kelib chiqib 10 ballikda hisoblangan.

@breynstorm

📝 Saidakrom Rasulov navbatchiligida Benom jamoasi muhokamasi:

Mavsumning so‘nggi va jamoalar uchun juda muhim o‘yin edi bu. Bundan oldingi o‘yindagi yomon natijadan keyin, ishqilib 3-o‘rindan tushib ketmaylik deb boshlagan edik. Lekin kutganimizdan yaxshiroq o‘ynay oldik.

Brijit Bordo savolidayoq alamli xato qilishimiz mumkin edi. Bir necha marta Emi Uaynhaus va B. Bordo javoblarini o‘chirib yozib ohirida Bordoni qoldirdik. Dilshod aka “Uaynhaus qo‘shiqchi, aktrisa emas” deb javobni saqlab qoldi desam ham bo‘ladi.
Merkuriyda “ayirboshlash” so‘zi ishlatilgach uning yunon analogi Germes savdo xudosi ekanligi esga keldi va shu javobni aytgandim. Keyin balki o‘liklarni ayirboshlashdir deb Xaron yo Yupiter variantlari ham chiqdi. Ohirida baribir Merkuriy ketdiyu, ammo savol kichik sabab bilan yechilibdi.
Kapoeyrada ham turli raqslar salsani ham o‘yladik, ammo jang sa'nati haqida gap ketgandan keyin kapoeyrani tanladik va adashmadik.
Big Makda esa dastlab Makkinli cho‘qqisi haqida o‘ylagandim, green card varianti ham bor edi. Ohirida Makkinlidan Big Mak varianti kelib qoldi va formaga ham tushdi.

Makedonskiy savolida nega “yaqindagina” so‘zi ishlatilganiga hayron bo‘ldim. Lekin Mirjalol sarissalardan darhol Makedonskiy deb topgandi. Zolushka ham menga kelgan birinchi variant edi. Yana shunga o‘xshash turli kambag‘allikdan rivojlanib ketgan ayollar, tarixiy shaxslarni qidirdik, ammo sovetlar haqida gap ketgandan keyin baribir Zolushkani berdik. Linkoln shahri haqidagi savolda esa bu Linkoln o‘limi bilan bog‘liq nimadirmi deb turganimizda, Mirjalol Nebraskada eng mashhur shahar Linkoln ekanini aytib qoldi va mantiq ham topildi.

Trubkani esa Abbos boshidanoq aytdi keyin Magrit “Trubka” sida yozuv borligidan kelib chiqib javob ancha mustahkamlandi. Yana bir qiziq topilgan savol esa kataloncha ism bo‘ldi. Dastlab boshqa narsalarni o‘ylab turdik va keyin Abbosga kataloncha ism varianti keldi. Lekin javobni deyarli bergan paytimizda Abbos “gollandcha ismga ruxsat bermagandir” deb afsuslanib qoldi. Yaxshiyam vaqt o‘tib bo‘lgan ekan, bo‘lmasa nafaqat balldan balki bir o‘rindan ham quruq qolardik.
Abdulla Oripovda ham Abbos she'rni esladi. Lekin Hamzatov ko‘pchilik kabi bizni ham chalg‘itib turdi. Faqat Temur aka Hamzatov o‘sha paytda Moskvada bemalol asarlarini chop qildirgani va bu ko‘proq o‘zimizni adiblarga xos bo‘lganini aytgandan keyin A. Oripovni berdik. Vaholanki, Hamzatov variantiga ham ko‘p apellyatsiyalar berilgan ekan.

Shu bilan tugadi. Biz o‘yinda qo‘limizdan kelgan maksimal ishni amalga oshirib birinchi o‘rinni oldik. Va bu mavsumdagi 2-o‘rin uchun ham yetarli bo‘ldi. O‘tgan mavsum 3-ni olgandik. Kim bilsin keyingi mavsum chempion bo‘larmiz🙂

@breynstorm

📊Prof liga 10-tur Saidakrom Rasulov navbatchiligi kichik statistikasi:
#stat

📍24 ta jamoa qatnashgan.
❓36 ta savoldan:
🔴 Hech qaysi jamoa topolmagan va 10% gacha(2 ta) jamoa topgan savollar soni — 5 ta
🟠 50% dan ko‘p jamoa topgan savollar soni — 19 ta
🟡 90% dan ko‘p jamoa(22 ta) topgan savollar soni — 10 ta
🟢 Barcha jamoa topgan savollar soni — 1 ta
🥇1-o‘rindagi jamoa topgan savollar soni — 27 ta.

@breynstorm

📝 Magnum jamoasi navbatchiligida Benom jamoasi muhokamasi:

Bu post kech qogandi-yu, ha mayli.
Bu o‘yinda biz mavsumdagi eng yomon o‘yinni o‘tkazdik. Ha yomon o‘ynadik lekin ko‘p xato qildik deyolmayman. Quyida tushuntiraman.

Boshidanoq Abbosning kech qolib 3-savoldan kelishi bitta javob o‘tib ketishiga olib keldi. Ikkinchi Umar haqidagi savolda jamoa ikkinchi xalifa kimligini aniq bilmasdan adashdik va Usmon javobini berib yubordik. Vaholanki 4 xalifani ham sanab chiqqandik faqat ketma-ketlikda adashdik. Keyin savoldagi hayot so‘ziga ham ko‘p e'tibor bermabmiz. Hujum qilayotgan buqa haykalida esa uni oldidagi qizaloq haykali boriligini va hu yirik kuchga qarshi kurashdek tuyilib, shu javobni bergandik. Afsuski adashdik.
Teshikqopqada esa javobni berib bo‘lganimizda variant chiqdi afsuski.
MMM haqidagi savolni esa firibgarlik, piramidaga bog‘lay olmadik va boshqa narsa ketdi.
Birinchi turdayoq juda yomon o‘yin bilan pastga quladik.

Ikkinchi tur esa ancha omadli boshlandi, ketma ket to‘rtta savolni topa oldik. Ayniqsa Bax va Baxman savolida Firdavs Baxmanni esladi, men esa chayka Jonatan Livingstonning muallifini esladim va javoblar mantiqan bir-biriga bog‘liqligi ham ko‘rindi.
Kuleshyovda Temur aka S. Eyzenshteynning shunday montaj usuli borligini aytgandi. Aynan savoldagi effektni tushintirib ham berdilar. Lekin effekt asli Eyzenshteyn montaj usulidan olingan bo‘lsada Kuleshyov nomi bilan atalgan ekan. Bu bo‘yicha apellyatsiya ham bergandik. AH esa endi bu turdagi apellarni qabul qilmasligiga ham o‘rganib qoldik.
Topish mumkin oson savollardan Tolkin va Durovni topa olmadik. Durovda almashtirish AQSh prezidentlaridan deb o‘ylaganimiz pand berdi. Elf va gnomda esa gnom o‘rniga orklarni berib yubordik.
Ikkinchi tur ham kutilganidek bo‘lmadi. Yuqorida aytganimdek yomon o‘ynadik, oson savollarni jamoa topolmadik, ammo yaqqol variantlar o‘tib ketmadi yoki tanlashda xato qilgan holatlarimiz bo‘lmadi.

3-turda esa odatdagidek nisbatan yaxshi o‘ynadik. Captchani Mirjalol boshidanoq topgan bo‘lsa, Jamshid jomini Abbos oldi. Xudoyberdi haqidagi latifani Sohib aka esladilar. Blitsda esa o‘zbek adiblarini o‘ylab turgandik, ammo ikkinchi savolda Yunonistonda jang qilgan so‘zlaridan keyin Bayronligini tushundim va blits mantig‘i ochildi va qolganlari ham topildi.
Mo‘ylov haqidagi savolda esa sal qolsa burun ketib qolardi. Dilshod aka Matroskinni eslab dum, burun va mo‘ylovni aytardi deb turgandi, ohirida Abbos burunni o‘chirib mo‘ylov berdi.

Shu tariqa juda yomon o‘yin bilan 9-o‘rinni egalladik. Savollar yaxshi edi, o‘zimiz kerakli joyda to‘g‘ri yo‘nalishdan ketmay chalg‘ib ketdik. Balki orada shunday natijalar bo‘lgani ham ma'quldir, jamoa yuziga bir oyna tutadi-da harqalay. Bu o‘yindan keyin mavsumda 3-o‘rinni olishimiz ham dargumon bo‘lib qolgandi..

@breynstorm

📊Prof liga 9-tur Magnum jamoasi navbatchiligi kichik statistikasi:
#stat

📍24 ta jamoa qatnashgan.
❓36 ta savoldan:
🔴 Hech qaysi jamoa topolmagan va 10% gacha(2 ta) jamoa topgan savollar soni — 3 ta
🟠 50% dan ko‘p jamoa topgan savollar soni — 17 ta
🟡 90% dan ko‘p jamoa(22 ta) topgan savollar soni — 6 ta
🟢 Barcha jamoa topgan savollar soni — 0 ta
🥇1-o‘rindagi jamoa topgan savollar soni — 28 ta.

@breynstorm

Yaqindagina shu haqida yozgandim javobni yozishga qo‘yilgan talablarga mos kelmasada javob aynan so‘ralgan realiyani ifodalasa qabul haqida. Magnum navbatchiligida esa “qish yaqin” javobiga inglizchadagi variant “winter is coming” qabul bo‘lmabdi. AH ham olmagan. Lekin bular aynan bir narsani ifodalaydi. Qiziq holat. Juda ko‘p apelyatsiya berilgan “Teshik qopqa” javobi ham olinmagan. Menimcha shu nomdagi boshqa obyekt Toshkentda yo‘q yoki bormikin. Balki yozganlar Teshik qopqa ko‘chasini o‘ylab bergandir. Lekin u ham baribir o‘sha joy tarixini bildirsa kerak. Yuqoridagi apellyatsiyalarni biz yozmganmiz shunchaki juda qiziq ko‘rindi. Nazarimda, AH mavsum yarmidagi apellyatsiya qabuli borasidagi fikrlardan keyin navbatchilar qabul qilmagan va javobga so‘zma-so‘z mos bo‘lmagan istalgan javobni qabul qilmaslik yo‘liga o‘tgan. Och qornim, tinch qulog‘im🙂

@breynstorm

📝 Hozirda, sportcha chgk qoidalari bo‘yicha maxsus kengash o‘yin hay'ati va apellyatsion hay'at uchun javoblarni qabul qilish borasida maxsus qo‘llanma ishlab chiqmoqda. Bu qo‘llanma hozirda tavsiyaviy ahamiyatga ega bo‘lsada, ko‘plab so‘rovnomalar asosida ishlab chiqilmoqda va allaqachon turnirlarda qo‘llanilishi ham boshlangan.Quyida shu qo‘llanmadagi savol formasi bo‘yicha qabul qismiga to‘xtalaman.

Savol formasi — bu javob qanday kategoriya(obyekt, harakat, sifat va hk) dan iborat bo‘lishi lozimligini aniq ko‘rsatuvchi savol qismi.

Javobni ifodalashga talablar — javob matni qanday xususiyatga(M: nechta so‘z, harflar turi) ega bo‘lishi lozimligini aniq ko‘rsatuvchi savol qismi.

Savol formasida javobni ifodalashga qo‘yilgan talablar savol sharti sifatida emas, balki javobni shu tarzda ham ifodalash mumkin degan tavsiyaviy ahamiyatga ega deb hisoblash aytilmoqda.
Kengash javobni ifodalashga qo‘yilgan talablarga to‘g‘ri kelmasada ammo savoldagi realiyaga mos javobni qabul qilish lozim demoqda.

Deylik, ikki so‘zda yozib bering deb qo‘yilgan talab tavsiyaviy ahamiyatga ega bo‘ladi va 3-4 so‘zda yozilgan javoblarni ham qabul qilish mumkin bo‘ladi. Albatta, javob ta'riflovchi yoki qo‘shimcha adashtirivchi ma'lumotga ega bo‘lmasa.
Yoki, “bir xil harfdan boshlanuchi ikki so‘zda yozib bering” deb talab qilingan savolda ham bir xil harfdan boshlanmaydigan ammo shu realiyaga mos javob qabul qilinadi.

Misollar: 19-asrda Filip Klover patentlagan ixtiroda kichik qurol ichki tomondan mahkamlangan edi. U tepasidan ochilishi bilan qurol o‘q uzgan. Savol, uni undosh harflar bilan boshlanuvchi ikki so‘zda yozib bering.
J: tobut qopqog‘i.

Bu savolda forma — “U”, javobga qo‘yilgan talab esa “undosh harflar bilan boshlanuvchi ikki so‘z”. Bu holatda realiyani ikki so‘zda yozish so‘ralgan bo‘lsada “tobut uchun qopqoq”[крышка от гроба] javobini ham qabul qilish kerak, deyilmoqda.

Yana bir misol:
Fiziklar bir qator tajribalar o‘tkazib, suyuqlik ma’lum bir balandlikdan tushganda chaplashib ketmasligini aniqlashdi, demak barcha dog‘lar ataylab ishlangan. Bu olimlarga ularning haqiqiyligini aniqlashga yordam beradi. Ularni bir xil harfdan boshlanuvchi ikki so‘z bilan yozib bering.
J: Pollokning polotnolari.
Izoh: Rassom Jekson Pollokning ishini o‘rgangan fiziklar u bo‘yoqni kartinalarga ataylab ma'lum balandlikdan quyib borishi va shunda dog‘lar shunchaki emas, maxsus hosil qilinishini aniqlagan. Bu olimlarga Pollok polotnolarining haqiqiyligini aniqlashga ham yordam beradi.

Bu savolda esa forma — ular.
Javobni ifodalashga talab: bir xil harfdan boshlanuvchi ikki so‘z.

Yuqoridagi misolda esa “Pollokning kartinalari” javobini ham qabul qilish tavsiya qilinadi.

Agar muallif javobni ifodalaydigan talablarga qat'iy rioya qilinishini istasa unda bu talablarni savol sharti sifatida aniq qo‘yishi kerak(M:javobni lotinchadan kirib kelgan so‘z bilan ayting qabilida).

Yuqoridagi savolda esa matnga quyidagicha o‘zgartish kiritish mumkin: Ularni bir xil boshlanuvchi ikki so‘z bilan atash mumkin. Savol, shu ikki so‘zni yozib bering.
Shunda faqat, "Pollokning polotnolari” javobi qabul qilinadi.

P. S. Bizda ham barcha navbatchilar va AH ga shu qo‘llanmadan foydalanish tavsiya qilib kiritilsa bo‘larkan.

@breynstorm

📊Prof liga 8-tur Benom jamoasi navbatchiligi kichik statistikasi:
#stat

📍24 ta jamoa qatnashgan.
❓36 ta savoldan:
🔴 Hech qaysi jamoa topolmagan va 10% gacha(2 ta) jamoa topgan savollar soni — 5 ta
🟠 50% dan ko‘p jamoa topgan savollar soni — 19 ta
🟡 90% dan ko‘p jamoa(22 ta) topgan savollar soni — 3 ta
🟢 Barcha jamoa topgan savollar soni — 2 ta
🥇1-o‘rindagi jamoa topgan savollar soni — 27 ta.

P. S. Afsuski jaggernaut savoli yechildi. Menimcha, personaj ismi emas “personajni u deb atash mumkin” yo “shunday nomlanadi” deyilganda to‘g‘riroq bo‘lardi. Boshqa savollardagi kamchiliklar yo xatolar bo‘lsa fikr-mulohazalarni endi bemalol qoldirish mumkin.

@breynstorm

Agar 27 yoshingizda hisob raqamingizda 22 mln dollar pulingiz bo‘lganda nima qilardingiz? Dunyo bo‘ylab sayohat, uy-joy olasiz va umringiz ohirigacha maza qilib yasharmidingiz?

Ammo, Ilon bundan 25 yil oldin 1999-yil yanvarida shunday pulga ega chiqqanida pullarni shunchaki sarflab yubormay yana yangi kompaniyalar ochishga, yangi narsalar yaratishga sarflagan. Bugun esa birinchi raqamli milliarder-innovator, eng mashhur biznesmen desak adashmaymiz.

Aslida Maskning muxlisi bo‘lmasamda U.Ayzekson yozgani uchun biografiyasini o‘qib chiqayapman. Ayzekson qaxramonlarini yaxshi ochib beradi, bayon qilish usuli ham qiziq. Bu kitobda bo‘rttirishlar, yolg‘onlar ham bordir, ammo baribir Maskning o‘zgacha, eksentrik shaxsiyati ochib berilgan. Bugungi texnologiyalar olaminining asosiy egalari PayPal, Tesla, SpeceX, Starlink, Twitter kabi zamonaviy kompaniyalar, texnologiyalar qanday yaratilgani va ishlashini bilish esa ayniqsa qiziqarli.

Mask bolaligidan kitoblar o‘qishni yoqtirgan, xayolparast bo‘lgan. Mana shunday xayolparastlik uni katta bo‘lganida ham tark etmagan va bugun u hayratomuz loyihalar egasi. U ko‘pchiligimiz intiladigan komfort zonasida qolmasdan, doim yangi narsalar yaratishga uringan va bunga atrofdagilarni ham undagan. Qiziq shaxs.

@breynstorm