Walaloo Kaayyoo!
================↓
Namni kaayyoon guddaa
maraataa fakkaata.
Yeroo karaa deemus
kophaa dudubbata.
~~~~~~
Ilkaan isaatiin seeqee
sammuun dhukkubsata.
Garaan isa ciinca'ee
madaa kulkulfata.
~~~~~~
Miilli isa sorooroo
Keessa isatuu okkola.
Qaamaan as ta'ee
Yaadaan gaara oola.
~~~~~~
Addunyaa naanna'ee
hundumaa xiinxala.
Abjuudhaan herreegee
bu'aasaa ilaala.
~~~~~~
Gaddaan facaasee
gammachuun haammachuu.
Har'a sakaalamee
boru tarkaanfachuu.
~~~
Kaayyootu na godhe
akka ani daangaa hin
tarre.
Har'a qofaaf nyaachuu
garaankoo hin barre.
~~~~~~
Qorri diilallaa'ees
qaama koo nan hubu.
Ciniinnadheen obsa
abidda na gubu.
~~~~~~
Rakkadheera jedhee
harka koo hin laadhu.
Natii tole jedhees
kaayyoo koo hin
dagadhuu.
~~~
Abjuu guyyaa keessaa
Mul'ata isa boruu
Abdii hin kutatiin!!
Ormi haa ololuu!!!
Jabadhu qeerransoo
Kan waaq jedhe hin ooluu!!!!!

✍️Debela etana
𝚓𝚘𝚒𝚗 𝚘𝚞𝚛 𝚌𝚑𝚊𝚗𝚗𝚎𝚕
𝚏𝚘𝚛 𝚖𝚘𝚛𝚎 𝚙𝚘𝚎𝚖'𝚜
༆༆༆༆༆༆༆༆༆༆༆
➪ @debela_etana
➪ @debela_etana
e𝚍𝚞𝚌𝚊𝚝𝚒𝚘𝚗&𝚏𝚞𝚗𝚗𝚢
༆༆༆༆༆༆༆༆༆༆༆
👍    ❤      🗨️       ♂️
ˡⁱᵏᵉ  ʳᵉᵃᶜᵗ ᶜᵒᵐᵐᵉⁿᵗ ˢʰᵃʳᵉ