#ليلة الوادع

شلون حسينج بهل اليوم...يازينب تودعينه
=======================
هيج وخلصت العشره..يازينب توديعنه
عمرج خلص وعمره.....يازينب تودعينه
ضامي ومنكطع نحره..يازينب تودعينه
عينج تحجي وي عينه
شلون حسينج بهل اليوم..يازينب تودعينه
====================
دامي وعالترب خده...يازينب تودعينه
يظل بنينوه لوحده.. يازينب تودعينه
هاي اعظم واشد شده..يازينب تودعينه
من فاركتي ابو سكينه
شلون حسينج بهل اليوم..يازينب تودعينه
===================
شلون بليلة العاشر ..يازينب تودعينه
ضل بصدره اثر حافر..يازينب تودعينه
وحدج باليسر باجر..يازينب تودعينه
مكطع من تعوفينه
شلون حسينج بهل اليوم..يازينب تودعينه
===================
ينحط عالرمح راسه..يازينب تودعينه
يحجي لكلبج احساسه..يازينب تودعينه
جان يشمج انفاسه...يازينب تودعينه
وبانفاسج تشمينه
شلون حسينج بهل اليوم..يازينب تودعينه
===================
منه انسلبت اهدومه..يازينب تودعينه
ظل لوحده بالحومه..يازينب تودعينه
ضامي وذبلت ارسومه..يازينب تودعينه
وحده ومحد يعينه
شلون حسينك بهل اليوم..يازينب تودعينه
===================
مجتوفه ابطريج الشام..يازينب تودعينه
وحدج والحرم وايتام..يازينب تودعينه
وتخلينه كله اسهام..يازينب تودعينه
وبالمدمع تواسينه
شلون حسينج بهل اليوم..يازينب تودعينه

================حسين المحامي