Рондель-3

Кетари. Бу нечук айрилиш,
ёш бўлиб қароқда айланди?
Кетмагин, кетмагин, майлими,
шўр жоним шу сўзга бойланди.

Ёш бўлиб қароқда айланди
«кетма» деган бўғиқ муножот.
Илтижо кунланди, ойланди,
мустажоб бўлмагач на ҳожат?

Ёш бўлиб қароқда айланди
кетарингнинг мустажоблиги.
Бўғзимда хўрликлар майланди,
ютарман, ютмоқ азоблиги.

Кетари. Бу нечук айрилиш…


Каналга обуна бўлинг👇
https://t.me/fahriyor_poet