እንዳትከተለኝ!

አልክድም...
ሳታውቀኝ አውቄህ ብዙ ለፍቻለሁ
ሳትለምደኝ ለምጄህ አቅሌን ስቻለሁ
አይወድሽም ስባል በፍፁም ብያለሁ
ስለ አብሮነታችን ስለት ተስያለሁ...
አልዋሽም...
እየቀለድክብኝ እኔም እያወኩት
መሄድን ጀምሬ ስንቴ ነው የዞርኩት?
የጠራኸኝ መስሎኝ የተደናበርኩት..

ግን...
ከእለታት ግማሽ ቀን መታገሴ አብቅቶ
ወደኋላ ማየት ማመንታቴ ቀርቶ
ልቤ ቆርጦ ጥሎህ በልቡ ሲገልህ
የበደልህ ፅዋ ከኔ ሲነጥልህ
በድግምግም ስህተት ተገፍቼ ስርቅ
ላላስታውስ ትቼህ ከራሴ ስታረቅ
አለመወደድን በልብህ ላይ ስፈርድ
ላልወድህ ስጠላህ ላልመለስ ስሄድ
ልክ እንዳላወቀ  ምነው እንዳትለኝ
ከመንገዴ እንዳትቆም እንዳትከተለኝ!


✍ኤልሳ[FB]
@Fkerofficial