الشاعر حسن الجحيشي

اشكثر كلبي عله المذبوح بي وين
يحادي الضعن سكنه اتصيح بي وين
شايل راس ابوها تريد بي وين
لبن ازياد مغضب رد عليه
$$$$$$$$$$$$$$$$$$$$$$$$$

#نعي
وهواي الاحباب المن نون وهواي الاحباب

عله تراب باتت شواربهم عله تراب

ماردو اجواب ميتين هل ما ردو اجواب

الوليان غياب مامش ولي الوليان غياب

مابين الاجناب نسوانهم مابين الاجناب

حته امنالصحاب مامش ذجر حته منالصحاب

زهرة يمه ياجلمت الباب تكسر كلب ياجلمت الباب

زهرة يمه

ذباح اخونه اليحدي الضعن ذباح اخونه

يشتمون ابونه جدامنه اشتمون ابونه

مادير مكفاي من الفشل مادير مكفاي

تتشمت اعداي يعرفوني وتتشمت عداي

يطك ثناياه بالخيزران يطك ثناياه

اوربعه الوياه يضحك وتضحك ربعه الوياه
$$$$$$$$$$$$$$$$$$$$$$$$$
لـ خادم اهل البيت
حسن الجحيشي

نزله بحق لامام العباس

انه عباس الكمر /بعزمي واصل للنهر
يابو فاضل ياكمر
---------------------------------
بيوم طبيت الحرب
جن نيازك لْـۆ شهب
شافت الدنيه العجب
والبقه صار بخطر

انه ابن حيدر علي
عندي غيرة كل هلي
يا خصم يكدر الي
والوصل يرجع وذر


انه الطبعي المختلف
ما يهم سبعين الف
لو بعد مية حلف
يبقه بس بسمي الفخر

سيفي ما يرحم ابد
لا يخاف امن العدد
اي وحق ربي الصمد
سيفي ما مره اعتذر

افرح ابيوم الحرب
والخصم موته رعب
ماكو واحد يقترب
اله وبسيفي انشطر

للشريعه وصل و رد
فنهم اصحاب الحقد
خل سبعهم يبتعد
وعني يبعد بالننظر



عندي زينب غايتي
هيه روحي ورايتي
عنها احامي ابغيرتي
اغله كل هاي البشر

لـ خادم اهل البيت/
حسن الجحيشي

بحق لامام العباس/شوط كربلائي
=========
بجودَ اورايه وي السيف/
نزل عباس للحومه

ماي يجيب للاطفال /ويراوي العده علومه
===============
زينب سلمتله الجود/عباس انتفض بالحين
الفرات وهم عرش بلقيس/اجيبه اليوم لوتردين
بطه الجاب العرش يختي/هواي ويايه طرفت عين

يزينب وحگ ظلع امچ
الفرات وجيشه ليهمچ
اسحله اسحول يم جدمچ

رايح للحرب آنه/يخيتي وتوصل اعلومه
===============
ارتجز عباس بالميدان/وعينه من الغظب حمره
ابن حيدر يگول آنه/ومنه ماخذ الشمره
الاطبره بسيفي من عدكم/اسويه 12وذره

منكم اخذ ابحيفي
واتفنن انه ابكيفي
بعيني الموت لو سيفي

بعيني اليوم اشوفكم/ملچ الموت ورسومه
=============
وصل للمشرعه العباس/ومن الجيش تاه الراي
طرهم طرت العصه/موسه بيوم طگ الماي
اوبنحور العده منشار/ياكل سيفه رايح جاي

راد الجربه يمليها
گال اتفنن اعليها
بكيفي اترسها بديها

وظلت حايره الصوبين/بالعباس مصدومه
===========
رد ليهم يفر باالسيف/وكل فره گطع عشره
خله الروس باالميدان فوگ الگاع منتشره
اجه العباس صاح الجيش/آه ياساعة الگشره

لازم سيفه بيمينه
وين انروح عن عينه
والله لو يصد لينه

بعينه انشوف ملچ الموت/كلش واضحه ارسومه
==============
شيخ الحرب گال آنه/وسبحه الجيش بيميني
وعلمني ابوي الجود/اكرم لليعاديني
سيوف اطيتهن چفين/وظيفت السهم عيني

متربي بحضن حيدر
علمني الكرم واكثر
ارد محتاج ماأگدر

اجود بعيني والچفين/واطيب اجروح ملچومه
============
ملاه الجود للاطفال/يوصل الماي اله غايه
جوده انصاب سهم البين/ومنه فاض كل مايه
گال اشلون ارد فارغ/كون امليه بدمايه

ضحه بعينه والچفين
لجل الخوه وي حسين
وموقف شافته الصوبين

يوم الطاح بالميدان/بچه اصحابه وخصومه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
لخادم اهل البيت
حسن الجحيشي
2020

روحي يمك مـــاهي روحي
من اجيتـــــك فاض نوحي
ماگدرت اكتم جــــــروحي
مولاي
مــــــــن اول لقاء اوياك
چن رديــــــــت لصياري
گـمت اتخيــــــلك وياي
شما جـــــابو الك طاري
باول فرگه شفت الموت
مو گـــــــــد الهجر ثاري

مديونك ~يصاحب روحي وتوأمها
وعيونك~ بشمس لو قارن اضلمها
من لونك~اشوف الزهره ومحرمها




قصرت ويـــــــــــــــاك عفواً
على هـــــــــاي النعمه شكراً
دوم الوذاً بيـــــــــــك حتماً
مولاي
اشوفك لليعـــطشك ماي
ماچـــــــنك متت ضامي
حياتي اتبــدلت من يوم
وگـــــــفت يمك اجدامي
وي غيرك اســـولف ليش
حرام اگــــــضيهن ايامي

بحسـاسك~ تذوب الدنيـــا ومابيهه
بمـــداسك~تراب الجنه اتســـاويهه
حد راسك~مراجل ربـــــك حاويهه




ياوطن روحــــــــــي الغريبه
منـــــــــــــك ارزقني مصيبه
گلبي محســــــــــود بنصيبه
مولاي
اركضلك ركـــــض عميان
ماوچد شنـــــــــي اگبالي
وابچيلك بچــي المفطوم
حد ما ينگـــــــــع اخيالي
حبيتك نهــــــــــــار وليل
أنام واگــــــــــــــعد ابالي

كل حيره~ تشح يحسين اعله اعتابك
ياغيـــره~ اليدور غـــــيره ايدگ بابك
تفســـيره~ لغز محد حـــــــــل اترابك



المايحبـــــــــك روحه ميته
تنطي كلشـي وكلشي سكته
والمشه بدربــــــــــك ملكته
مولاي
مو كلمن يحـــــــــب ينگال
ماخذ عالعشــــــــــگ شمره
اكو يگضي العــــمر مشتاگ
واكو عــــــنده العشگ فتره
كلهه اتحب شرط عالشوف
بس حبـُـــــــك على الفطره

مشبوحه~ عليك عيــــــوني المانشفن
للـــــوحه~ يضـــــــل ذكراك وماينسن
بجروحه~ يجيك الخادم مــــن ايحن



مــــــــــــــــن عرفتك غيرتني
الرحمة عيــــــــــونك خذتني
من وحـــــــــل للحب شلتني
مولاي
تعودنه وجزيـــنه الشوگ
جرحك عمـــــــره مايبرد
ماعدنه دمــــــــــع چذاب
علينه مجلســــــك يشهد
مثلك ماكـو عدنه اهواي
واحد انتــــــــــه ماتنعد

بچيني ~اريد ابچــــــــيلك كل ليلي
خليني~ ابچّي الناعي ويــــــبچيلي
ياذيني~ مصاب العاشر هد حـــيلي

#يوم العاشر بعد مقتل الحسين عليه السلام
لسان حال السيده زينب عليها السلام 2020

هجمت الخيل الخيل ياگمر هاشم
حرگو علينه الخيم
وسلّبو كل الحرم
من طحت طاح الحيل ياگمر هاشم
...................

من طحت عالمشرعه/وگطعو الچفين/حيلي هدمته
من بعد ساعه انذبح/عالوطيّه حسين / وذّرو جثته
آل امية عله الخيم/هجموا الصوبين / حالي ماشفته

مو وكت نومك ليش عالنهر نايم
ترضه يسلبنه الشمر
ويضرب اطفالك زجر
وچم شمر بينه يعيل. ياگمر هاشم
..........................

حيره خويه تحيرت/بين خيل ونار/ بيّة چَويتها
اطفي نيران الخيم/ لو إلِمّ زغار / الخيل داستها
وبالحرم عندك علم/تسلب الأشرار / عيني شافتها

ظهُر عاشر عاشور وأسوء القادم
كل خيمنه تسلّبت
واليتامه اطشّرت
وقادم علينه الليل ياگمر هاشم
......................

فرت اطفال وحرم/من عذاب الگَوم/طرّت الهيمه
وين نمشي لياكتر/بس جثث ودموم/مابقت خيمه
ليش ياراعي العلم/ طايح ومتگوم/للعدو وضيمه

عايف اختك عباس. بولية الظالم
تحيّــــــرت يابالفضـل
احمي چم طفله وطفل
اصرخ ودمعي يسيل. ياگمر هاشم
.........................

من عله التل اوچبِت/وصحت ياكفّال/ألحگ علينه
سَلّبو كلشي العده /اسرع بالهحال /خويه وحمينه
ياگمر تقبل صدگ / ننچتف بحبال /ما تحاچينه

كل فرد بينه انصاب ما طلع سالم
يالغفيت عله النهر
من يرد عنّا الخطر
تسمع صياح اعويل. ياگمر هاشم
........................

چم طفل خويه انسحگ/وچم يتيم المات/من ألم خوفه
وينه حمّاي الظعن / تسمع الاصوات / ليك ملهوفه
وسفه عباس انچتل /شتنفع الوسفات/طاحن چفوفه

ما يرد العباس صاحت الوادم
يا اهل بيت النبي
إلا ناخذكم سبي
ليله يمكم ونشيل. ياگمر هاشم
........................

احنه گرب المشرعه/مچتّفين انصيح/خويه چتفونه
والسياط امن الشمر/ عالمتن تجريح/ما يرحمونه
الليل چلچل ياگمر/بياعذاب انطيح/ما يعوفونه

عالثره الليله انام والدمع ساجم
للسبي جابو هزل
وچتفو العيله بحبل
ما بقه بس اعليل. ياگمر هاشم

لحن القصيده // سدو الماي الماي


___________________________

ميمر للخدمه

هاي الخدمه تاج وشرف عند الباري يا محلاهه

هاي الخدمه تاج وشرف ندريه
يمج يا فاطمه يم الحسن سجليه
بكل مكان وكل مأتم نحيه
هاي الخدمه رحمه النه نتشرف بسيدهه
……………………………………………………
اخدم وهاي الخدمه ماملها
يمك يابو السجاد ..سجلها
نمشي بفخر كلنه ونحملها

سجلها يا مولاي هاي الخدمه ماننساهه
…………………………………………………
اخدم وهل الخدمه عنواني
ويوم الحشر ام الحسن ماتنساني
بيتي وي الخدم تلكاني

وي الخدم مبني بيتي وبهاي الخدمه اتباهه
………………………………………………
اقبل شهر الخدمه ياخدام
خل نستعد كلنه لهذا العام
قادم محرم حسبت ايام

ياهلا بشهر الخدمه هاي البيه نتباهه
………………………………………………
اقبل شهر الحزن والعبره
نبجي على ابو السجاد ونذكره
ونذكر مصاب الطاهره الزهره

تبجي عِيوني تنزف دمه ونبجي وي الزهره ومبجاهه
………………………………………………………
اقبل محرم والمجالس حضروهه
ولبن الزهره والخدمه شدوهه
ورايات الحزن بل مواكب نشروهه

ننشر رايات الخدمه ونفتح مجالسهه
………………………………………………
لخادم الحسين
حسن الجحيشي
2020

( للخدمة )..

يازينب فـــــــدوه لا تنـســيني
سجليني اويه الخَدَم سجليني
ـــــــــــــــــــــــــــــــــــــــــــــــــــــــــــــ

نخـوه أنخاج آنه بحمــــاج ياضـوه العين

أرد أوصّيج واقسـم اعليج والقـسم دين

إسمي سجليه وقّعي اعـلـيه بدم الحسين

أدري ترضين ماتقصـرين أمشــي لاوين

ماعُوفـج حتى لو عـفـتيني يازينب فدوه لا تنســـــيني
________________

ذِكْــرج اوياي حتى بالمـــاي حاشــا أنســــاج

خـادمـــج دوم وابقه كل يوم أبجــــــي ويــاج

خل يلـــومون آنه مجــــنون واللـه أهـــــواج

هذا تعـــــــبير كلّي تقصـــير عمري يـفــــداج

للخدمه رايد اتوفقــيني
يازينب فدوه لا تنسيني
ـــــــــــــــــــــــــــــــــــــــــــــــــــــــــــــــــــــ

هذا عاشـــــور أبجي معــذور طــــول الايـــام

أصــــــرخ ابآه واحســـــــيناه صرخه كل عام

يبقه هالصـوت يرفض الموت صوت الإسـلام

تهـتف أصوات يالـثــــــــارات حرگ الخـــيــام

ثاراتج بالكلب تجــويني
يازينب فدوه لا تنسيني
ـــــــــــــــــــــــــــــــــــــــــــــــــــــــــــــــــــــ

صرخــــــة الثار تشــتـعــل نـار تحت الِضـلوع

أبقه اواســـــيج ماتوفـيــــــــج هاي الـــدموع

روحي تنعــــاج گلـــــبي وياج والله مفجـــوع

عندي كلســـاع ليـــــلـة اوداع واعلگ اشموع

كل ليله جرحج ايناديني
يازينب فـدوه لا تنسيني
________________

والله هيهـــــات أنســــه مأسـاة يـوم الطـفــــوف

شـنـســه ياناس أنســـــه عباس أنســه الجفـوف

أبتـــــدي امنين شنسه الحسين أبقـه ماشــــوف

شـنـسه الأطفال ذيج الِـعــــــيال طرّت اصفــوف

لحزانج ناذر آنه اسنيني
يازينب فدوه لا تنسيني

ـــــــــــــــــــــــــــــــــــــــــــــــــــــــــــــــــــــ

ميمر للجواد عليه السلام

بسم الجواد المسموم الليله انعقد مأتمنه
....

شبل الرضا ياناس تاسع معصوم
بعمر الشباب يموت بالسم مسموم
عالسطح مرمي بلادفن ظل مظلوم
احنا بمصابه انعزّيــه احبابه وتألّمنــه
.....

سمّه اللعين المعتصم واويلاه
بيد اللعينه امّ الفضل ما تخشاه
بالدار ظلّ يلوج محّـد ويّــاه
چبد الجواد المسموم. ينزف دمه ويلچمنه
......

مثل غريب حسين عطشان ومات
وبلا دفن ظل عالسطح بالآهــــات
هيهات ننسه مصيبته لا هيهات
كلما يمر يومه نصيح مصابك جرح يهضمنه
........

لكن تشيّع ما بقه عله التربان
مو مثل ابواليمّه الذبيح العطشان
مطروح داست صدره خيل العدوان
عالمنذبح والمسموم بصوت ودمع سلّمنه
.......

ما ننسه جرحك يالجواد شما صار
كل وكت نتعنّه لضريحك زوّار
خطارك احنا وماتردّ الخطار
صحنك يبوالهادي بشوگ اباب المراد يلمنه
......

خدامك احنا عله العهد نبقه وياك
نحيي المصيبه بحضرتك ما ننساك.
نبچي عله حالك يالجواد وننعاك
ندعي الاله المعبود منك فلا يحرمنه

سيد زيد الفحام
__________________________

يناوي برحيلك دريض دخيلك
عهد والله مني وسط كلبي أشيلك
شكل للزجيه...... والحامي الحميه
وسط كلبي أشيلك
.................. ١.................
إذا ناوي السفر يحسين ريضلي
مشت خطوات روحي شو كبل رجلي
أروح لزينب وما أدري شتكلي
الوديعه لا تظني عنها متخلي
كلام الوديعه أنفذه وأطيعه
وأكلها كفيلج عهد مابييعه
إموصه بوصيه..... والحامي الحميه
..............٢.......................
يخيتي للعراق الليله منوانه
سفرنه الكربلا ومفهوم عنوانه
وأخبرج بالحزن مايوم ينسانه
مثل كلب الزجيه العاشر أحزانه
وحزن هل أصيله..... ماشايف مثيله
وأمانه بركبتي تضل العقيله
ولحد المنيه...........الحامي الحميه
.................٣...................
وحك عيناج يختي لايضل بالج
أطلعي وياي وآنه أتكفل اعيالج
شحده اليوصلج لو حتى يدنالج
بعد ماصار والله الينظر خيالج
قسم بالزجيه وبرب البريه
أبد ماتمسج ابد كل أذيه
ومن نطلع سويه... .. الحامي الحميه
.................٤................
وصلوا كربلا وياريت ما وصلوا
جموع اجموع حاطتهم لمن دخلوا
خيام الموت ذيج الساعه من نصبوا
ولذيذ الماي قطره لا تظن شربوا
الحسين وعياله صعب والله حاله
نده يابو فاضل ندهله وحجاله
أطفالك ظميه........الحامي الحميه
..............٥.....................
شتظن عباس يصبر من سمع هايه
أخذ جوده وأبدة مانزل الرايه
شنهو الماي كال الماي مو غايه
كصد بالجود والجود الرفض مايه
يحامي الشريعه وجفوفك كطيعه
عذرتك لونك رجعتك سريعه
شيردك إليه............ الحامي الحميه

خادم الحسين... عبدالكاظم الجابري

صواني حنتك...يجاسم
هلاهل زفتــك...يجاسم
عمك وحده حاير ماضل عنده ناصر
يجاسم
...................................
شد عزمك ييمه وروح هاك أخذ الوصية
من دم منحرك كون تحني أجفوف اديـــه
الشمس من تذبح الليل الكمر ما يطفه ضيه
مآخذ شمرة العباس ليث الغاضريــــــــــه
من دك صدره لحسين وفـــــــه وانطاه جفين
يجاسم
هد وافني العساكر عمك وحده حاير
يجاسم
................................................
تقدم كشخة الفرسان شايل بيده سيفــــــــه
أنحنه العمه ورفع مكتوب من دلة مضيفه
التفت من شافه اللحسين وبده موسم خريفه
ذبل وادموعه تمطر شوك خلاه اعله كيفــه
أخذ دور السياده حلم عنده الشهاده
يجاسم
يالمكحل النواضر عمك وحده حاير
يجاسم
.................................................
نزل شبل الحسن والجيش من شافه أعتناله
وبدت تتراكض الفرسان من هيبة خيالـــــه
وكف واتصدر الميدان بيمينه وشمالــــــــه
ورمله اتهلهل امن ابعيد من شافت قتالــــه
كفو يا شبل اللسباع تعبي يمه ماضاع
يجاسم
يمه أعليهم آمر عمك وحده حاير
يجاسم
....................................................
حيهم عمه من صاح انتفض واغتاض غيره
هلهل سيف والجيش بــــــــده ايقرر مصيره
كالوا نهجم اعليه مثل بــــــــــــــدر العشيره
وتولوه بمطر نشاب حيره والله حيــــــــــــره
جاسم يلتفت ويــــن ملت صدره النياشين
يجاسم
يا كسر الخواطر عمك وحده حاير
يجاسم
................................................
شسع نعله انكطع وحسين شافه احتار بامره
انحنه وادموعه من العين تنزل جمره جمره
نضر فارس أجه ابرجليه كام ورفس ضهره
وذاك بسيفه يذيح بيه وايدوس أعلـــه صدره
ركض عمه يشيله ودم دمعه يسيله
يجاسم
يمه اشلون صاير عمك وحده حاير
يجاسم
.................................................

ميته كون بكربله ويه الغوالي
ولابقيت أمعذبه ومشلوله حالي
عزيز الروح من مات
عمر أكضيه حسرات
ميته ميته
 
* * *
 
كلمن يفارك عزيزه لا يسولف عالسعـــاده
لازم يعد روحه ميت كل شخص ميت وداده
المنجرح حكه يلوج الصفنه تلجمـــه بفؤاده
أشما نوه يغفاله ساعه مدمعه ينكع الوساده
 
لوعـــة اليفكد إنه بروحي شفتها
من رحل جاسم دموعي عاشرتها
صفنتي تجيب لوعات
عمر أكضيــه حسرات
 
* * *
 
فركة الغالي التعزه عالبشر لاماهي سهلــه
والهجر لوساعه وحده ضيمه ماواحد يحمله
وآنه فاركني عزيزي العايشه بهالدنيه لأجله
شلون تبقى روح بيه وما أشوفه عمري كله
 
مني راح الماجنت أبتعد عنـــه
حتى ما لحكت أشبع شوف منه
 
دوم بصدري عبرات
عمر أكضيه حسرات
 
* * *
 
الناس تترجه تعمر وآنه اترجــه مماتي
وماعرف شيصير بيه من أكلب ذكرياتي
كربله شسويتي بيـه من أخذتي أمنياتي
كربله خلاني ضيمـج كعده أديها صلاتي
 
التحبه هواي وتعيش أعلى موده
راحتك بالدنيـــه مرتبطه بوجوده
 
ماكو راحـــه هيهات
عمر أكضيه حسرات
 
* * *
 
أشاف من الدنيه جاسم موته صار بعز شبابه
الدنيـــه ماتنراد بعده وحشـــه هالدنيـه بغيابه
ذبل عودي وركد حيلي وأنتهيت آنه بمصابـه
كون يم كبـــــره أضلن دوم أشتم بترابــــــه
 
عمري جبته آنه عليــــه آمال أبني
وتالي حال الضيم حالي ومات ابني
 
رمتني الدنيه رميات
عمر أكضيه حسرات
 
* * *
 
جان من يكعد اكبالي ويحجي ويقبل اديــــه
تنتعش روحي بحنانه وتنسعد كل ذره بيــــه
جان جسام شحلاته لمّن يسولف عليـــــــــــه
ينشرح صدري امن اشوفه كل صباح وكل مسيه
 
أبني مافاركني ساعه طول عمره
كون أموت وياه واتمدد بكبــــــره
 
شبعت هموم وآهات
عمر أكضيه حسرات
 
* * *
                                 سلام المشعل

قصيدة ذكرى ولادة سيدي ومولاي الإمام علي بن موسى الرضا عليه السلام


سولف حاجِتَكْ للرضـــــــــــا وإحچيهه
كفيلك الله بس تحچيهه يگظيهه
خلي النيّه تصفه
بالمعصومه حلفه
كفيلك الله بس تحچيهه يگظيهه
--------------------------
يامن توصل المشهد ..الزم بيدك العسجد
ويا دمعتك عالخد.. گول الحاجه يالزاير
غاد بحضرة الفرقد.كل حيل بعلي ينشد
حاجات الفلا تنعد.. تكظي وماتظل حاير
ليل أحزانك بشــــــمس الشموس يزول
بأذن الله العظيم الفوگ كل معقول
متظل بعد كلفه
بالمعصومه حلفه
كفيلك الله بس تحچيهه يگظيهه
--------------------------
يلزاير وحق إسمه… ثق گلبك يفل همه
نعمه وللبشر رحمه.. هذا الرضا وعنوانه
من عطره إذا نسمه.. فاحت بالفضا بنعمه
عطر الجنه تشتمه.. كل زواره فرحانه
الزاره بغربته إي والنجا امن الحوت
كل وحشة قبر متمــــــــــره من يموت
يالرايد تعرفه
بالمعصومه حلفه
كفيلك الله بس تحچيهه يگظيهه
--------------------------
إحسب بالصفات وعِد..بالمأثور تستشهد
إحنه بليلة المولد.. إفرحله ويسر گلبك
ربنه بالكرامه ايـمد ..يلي الخالقك تعبد
لو عن الرضا تنشد.. تعرف قيمته بحبك
ما تخسر إذا لأهل النبي واليت
حبيت ونِعم منهم إذا حبيت
هذا الرضا وصفه
بالمعصومه حلفه
كفيلك الله بس تحچيهه يگظيهه
--------------------------
من إسم الولي حيدر ..شوف النور بالمصدر
أصدر كوكب الأنور.. شع بالكون يتلاله
خلي فرحتك تكبر ..إخذ إبشاره وإتبشر
صدّگ مايمسّك ضر ..گلبك تحيا آماله
بمشهد يشهد الشاهد على المعصوم
ميخلي گلب ينخاه يظل مهضوم
حملك فوگ چتفه
بالمعصومه حلفه
كفيلك الله بس تحچيهه يگظيهه
--------------------------
فرحة شهر ذي القعده .فرحت للذي بمهده
شع نور الولي بخده ..هالمولود يا حياه
بشجرة النبي جده . الليله أزهرت ورده
بحروف اسمه تتنده .والشمهه يگول : الله
هنه ١٤ وردة بعطــــــــــــــر فواح
من الله اليشمهن يفرح ويرتاح
من كل مرض تشفه
بالمعصومه حلفه
كفيلك الله بس تحچيهه يگظيهه
سولف للرضا حاجتك واحچيهه
--------------------------