الخادم حسين علي التقي

https://youtube.com/channel/UCbbcUI3MhJwoHfi4mM_wRjg

فضلاً الأشتراك في قناة 👆
(الخادم مهدي التقي)

#عظم_الله_لك_الاجر_يامولاي_ياصاحب_الزمان

گضه عمره وشبابه ابين السجون
من سجن لسجن ما شاف راحة
خمس سجون شاف انواع تعذيب
وگضه عمره ايتلوه من جراحه
تعمة عيونة لو شافت ضوه نهار
لأن ضي الشمس ما مره لآحة
بظلام السجن مطبوعات العيون
مايدري شوكت ليله و صباحه
أثنعش عام الحديد مشابگ عليه
لحد ما ورمت چفوفه وصفاحه
الگيد و ايده عشرة وعافه مسموم
عافه الگيد بس السم اجتاحه
كيان الدولة ذلة وهو مسجون
تربة و مسبحة جانت  سلاحة
علمنة العبادة من الطوامير
مو شرط الصلاة تحتاج ساحة
خذه كل حيله آخر سجن بغداد
بطامورة السندي طفه نياحه
و أجاه ابن السويد وگله مولاي
ضاگت و الفرج ننطر رياحه
گله ياعلي قربت الأجل حآن
يوم الجمعة من يطر صباحه
جنازة بلا اهل والغربة للموت
محد ورى نعشه علة صياحه ,
وآخر غربة ظل ع الجسر ذآك
يصيح الناعي وين اهل الجنازة
صح وحيد بس مو مثل الحسين
جده هنآك رآد الچفن عازة
فرق بالغربة هاية مو مثل ذيچ
حصيرة حسين صارتله جنازة

ما صدگت وافتكيت منها
جبروني يخواني ارجعلها

بوكت ردتي ليها
گلت موتتي بيها

هاي الشام هاية
______
ومن جديد رجعت للشام بغرب
وحدي هالمرة انجبرت عليها اطب
مو بدية بس علي موقف صعب
وانه منها طلعت مكسورة گلب

رجعت ذاكرة ذيچ المأسي
ناس الشام غربة موش ناسي
همين رجعت ومدنكة راسي

اذكر بالخرابة و بقصرها
رقية هنانة ماكملت عمرها

تعبتني بچيها
كلت موتتي بيها
هاي الشام هاية
______
شكثر بيها جروح ظلن ذكريات
جبيرة جانت بيها ذيچ النايبات
عله الهزلة و راس اخويه بالقناة
لا اخوتي وياي هسة و لا خوات

مرتين دخلت شام المصيبه
تذكرني بجرح ماصح طبيبه
لان من گاعها صرت الغريبه

انه القبل محد شاف ضلها
ماترضه تهدني الغربة جنها

تذكرني بسبيها
كلت موتتي بيها
هاي الشام هاية
______
وره مصايب كربله  وجرح السبايه
دخلت ديرة من الشماته بلايا رآيه
ابابها رقية ألزمت طرف العباية
تگلي عمه خايفة من الديرة هايه

اول ما وكفنه أبابها هواي
بكثر ما طولينه طول بچاي
ثاري الغربة يعني الموت بهداي

اول مرة من طبيت ألها
شفت الغربة يعباس كلها

شسولفلك عليها
كلت موتتي بيها
هاي الشام هاية
______
وره كل ذاك العذاب بدربي شفته
الشام هوا اكبر جرح لمن وصلته
وين حچي اليكسر الخاطر سمعته
عرفت تاليه يموت اليبچي سكته

شگد بكربله ميته تمنيت
الف وتسعمية حسرة ظميت
محد يمسح دموعي من بچيت

الشامت عمداً حجايه سألها
هالراس لبرمحة منو يكلها

شماته يغث حجيها
كلت موتتي بيها
هاي الشام هاية
______
انه ادري هنانه موتي بهل الديار
بيها ضربوني بحجر حته الزغار
ذيچة نظرات الغرب نار وشرار
الما تمنيته يصير بحالي صار

العايش بالغرب موتته سهله
و فوگ جنازته ماتحظر اهله
حته بموتته هم يحس ذله

ايا مصيبتي المحد وصلها
جنازة بالغرب ماهم اهلها

محد يعتنيها
كلت موتتي بيها
هاي الشام هاية
______
حسين علي التقي

مولاتي يالغريبة .. عيشيني بالمصيبة

____
مولاتي خليلي جرح شما ابعد الكم جرني
خليني ابچي لغربتچ غطي دليلي بحزني
ما لآيگ عليه الفرح ثوب الحزن وآلمني

خلي ابچي وانحب وانكسر
هو شبقه من العمر
نيتي بعدها ما صفت
ابعد و ارد ما مستقر

عيشيني ..  وياكم بغربة صدگ
خليني .. بنار الهجر كون احترگ
بچيني ... ع الشفتي صدره منسحگ
____
هالمرة ناويها صدگ بالخدمة عمري وما بقه
غافل جنت مامفتهم بس سامحيني عالمضه
وصفحة جديدة ابتدي منكم ردت بيها الرضا

انه عبدكم وغلطت
بذنوبي عنكم وبعدت
لا والله هسه منكسر
وبس الرضا منكم ردت

عذريني ..  هاي اذني ما اچفي بعد
عذريني  .. واحلفلچ وهذا وعد
مولاتي .. يأم عون عونچ والمدد
____
انه ادري ماينفع عذر للما مشه دربه عدل
ندمان راجع منكسر منج ردت حبل الوصل
بالغربة ياريت انرزق غربة يتيمه عله الهزل

والله بحياتي قصرت
لو احب صدگ لاما عشت
هالمرة بس كون انقبل
مولاتي بيچ توسلت

رجعيني .. بداعت ظعن ماشي اليسر
رجعيني ..  خادمچ راجع منكسر
قبليني  .. يا باب رحمة بكل عصر
____
مختنگ تايه منكسر هبي علي نسمة هوى
محتار بدروبي ضعت بس انتي لبعيني ضوه
اصبح اسير بلا دمع هاا يا اسيرة نينوى

محلفچ يزينب بالضلع
لاتجف عيني من الدمع
واستلهم بأسمچ ضوه
وبذكرچ دروبي تشع

دليني .. تايه وما عندي وطن
دليني .. من گلبي لزمتني المحن
عينيني .. امشي عليچ ام الحسن
____
اليطيب مو جرح العشگ لن بي نواعي منذبح
ما اريد اعيشه كالحلم يخلص بدايات الصبح
جرح الي ما يبرد ابد اتيقن الكم هالجرح

جرحي اريدنه مثل
جرح السهم ويه الطفل
مو ليلة لا يوم وسنة
ما اريده يهيع لا يچل

خليلي .. شوغة تهد گلبي بالم
خليلي .. ضلع بحوافر ما سلم
سويلي .. حسرة عليل عالخيم
____
حسين علي التقي

ما أزورج شلون صعبة عليه
عليج ابو فاضل حليها اليـه

يمته أوصــل لبـابچ
واسجد عله اعتابچ

يــا زينب يــازينب
________
محلفچ بداعت كفيـلچ وبغربتـج
هالسنة ترزقيني بزيارة حضرتچ
طلبه من خادمچ رايد بس يجيلچ
بخت امـچ فاطمة وبخـت جدچ

والله كلفـة هــاي يامولاتي زينب
كل سنة من بعيـد ازورنچ وانحب

لو بالحلم كون رزقيني جيه
عليج ابو فاضل حليهـا اليه
يــا  زينب يــا زينب
________
بهـاي يـا مولاتي خلينـي أخبـرچ
انه ابد ما أكدر اصبر مثل صبرچ
والله شوغة گلبي ماتنحمل صارت
وگوه اقنع روحي بالجايـات رزقچ

من اشوفن بالصور غربة مقامچ
ينكسر گلبي يمولاتي عله حالچ

أتمنـه گبـرچ بـالغاضـريـه
عليـج ابو فاضل حليها اليه
________
عمري بس بخدمتج مولاتي اريدة
ولـو يـرد بخدمتـچ همـين اعيــدة
خاف باجر يگضي عمري وماازورچ
هناك هم امنيتي بس هاي الوحيدة

خاف ما احصلها الزيارة بحياتي
بــس دخيلچ لاتحرميني بمماتي

وريتچ تحضرين وكت المنيه
عليـچ ابو فاضل حليهـا اليـه
________
شوي من ذيچه غربتچ ماحصلنه
بسوگ غربة مثلج احنه ماوگفنه
شوي من لوعة مصابچ ارزقينه
كـون احنـه الــ نسبينه ونشتمنه

شلون من رحتي غريبة بلايا والي
مثـل حـالـچ بالسبـي اتمنـه حـالـي

لآني متت لا عشت القضيه
عليج ابو فاضل حليها اليه
________
عگب هيبة خدرچ وهيبة خيامة
دهرچ بدرب اليسر صبت سهامة
من بعد ذاك الدلال البي اجيتي
صار سوط العاذل بمنتچ علامة

عگب طيحت كافلچ بدر العشيرة
مــن أميرة صرتـي يازينب اسيرة

بت حيدر شلون صارت سبيه
عليـچ ابـو فاضـل حليهـا اليه
________

حسين علي التقي

👈 تنبيه القصيدة
👈للـشاعر الموفق عبدالله بريسم

شور وگفة
_______
مشه ضعن الضوه بدربه
سفر والنيه وجه الله
وتوضه بدمعة اعيونه ،،، وفرض للحب عطش صلّه
ضعن بي چان ابو سكينه ،، گبل لا يغفه ع الرمله
سوالفهم عشگ چانت ،، تبدت ع الترب غفله


چان السفر بس حُب وسوالف ،، مابي شوغه ولا جرح
وچانت ترف فوگاهم بيارغ ،،، ومابيها راس وفوگ الرمح
چان العطر من نحر ابو فاضل ،،، وعيونه چانت لون الصبح

محروس الضعن ،، درب السلامه
سلام اعله الولي ،، حسين وخيامه
__
الهوادج چانت بهيبه ،،، فيّ كافل يحاميها
والريح التمر تخجل ،،، اذا زينب تلاگيها
ورقية ابحضن ابوها اتنام ،،، ويلمع ضي تراچيها
وبمهده الطفل يضحك ،،، وامه اتمشطه بيديها

ضعن الهواشم چان اشحلاته ،،تارس عطرهم طول الدرب
واحد يسير ع الثاني چانو ،،، كلهم عرف مابيهم غرب
بخيمتها زينب چانت اميره ،،، النسمه تستأذنها وتطب

خطاويهم ورد خلت علامه
سلام اعله الولي حسين وخيامه

____

يچل الليل والخيمه ،،، تلم امسامر الخوه
چانت تسمع النجمات ،،، سواليف اشكثر حلوه
بچفه القاسم ايوزع ،، بثواب الحسن گهوه
وامه اتحضر لعرسه ،، وعجنت حنته النسوه

چانت امانيها اتزف ولدها ،،، ومحضرتله الحنه وشمع
واتشوف ابنها ويه الگمره يكبر ،، وبخدوده تضوي البسمه وتشع
بس الزمن ما كاتبله فرحه ،، واتبده دمه وفز الدمع

ذبح صار العرس موش ابتسامه
سلام اعله الولي حسين وخيامه
______

يخط حسين مكتوبه ،،، ويطرز رسايل شوگ
ويدز لبنته مرساله ،، بدموع وگلب محروگ
وترد اعليه الشلونك ،، العليله الركضت اويه النوگ
ويباوع بناته بخوف ،،، من يذكر وراهن سوگ

تغفه اعله صدره حروف الرسايل ،، ويدز بريده بچف الهوه
ويلم حنينه وتعب المحامل ،، لاخر مصيبه بطف نينوى
من يطفه صوته وتركض بناته صوب الشريعه لحامي اللوه

يتربها الهوه ذيج العمامه
سلام اعله الولي حسين وخيامه
_____


محطات العمر خلصن ،،،، وبدت رحلة حزن عاشر
الضمه امفتت شفايفهم ،،، جاسو كسرة الخاطر
هنا خط الجرح دمه ،،، وبده يبچي الهوه العابر
خلصت سفرة الدنيه ،،، وبده ريل البچي يسافر

سفرة عمرهم خلص وكتها ،، من المدينه لحد كربله
صار العشگ يتفسر بواچي ،، ويطشر بضعن العايله
يا وسفه زينب تصبح اسيره ،،، وهي الگبل تمشي مدلله

مواسم للذبح تحصد نشامه
سلام اعله الولي حسين وخيامه
______

لــ شاعر عبدالله بريسم

فاتحتــــچ خليــــة مـــن الـمعزيــــــن
وانتي أخت أبوفاضل وأخت الحسين

صـح متـي غريبــة ابين شمات
بـس بچيتي كل أهل السماوات
___
المفترض كون بعزائـج جادر انحط كــل درب
ومثل حزنچ عله اخوانچ هيج نحزن من گلب
أقل شي انموت لجلچ موش بس مدمع نصب
جبتي كل عمرچ غريبه وتالي شيعـوچ الغـرب

شـيفيد اللــطم شــتفيد الدموع
موضوعچ حزن ما منه موضوع

زينــب رايحـــــة يــاوسفــة عــدليــن
وانتي اخت ابوفاضل واخت الحسين
_____
ورثتي من امج مصايب بالزغر عشتي الهضم
شفتــي حرگة بــاب أمج شفتــي بسمار بعظم
وبتــدة قصة عذابــچ و دمــع عينچ مــا يضم
وعله فـــاطم زاد حزنـــج  مــا يكفيلــج لطـم

مـن هناك عديتي المصيبات
رايدلچ يزينب ست روايـات

ما يـكـفـي لمصابــــچ يـــوم يوميــــن
وانتي اخت ابوفاضل واخت الحسين
_____
بكربلة شفتي العجايب عبر صبرچ چم نبــي
مدللــة جيتي وية أخوتچ صار دربج للسبـي
روس اخوتج عل الرماح والسياط عله العبي
فــوگ كل هذا يزينب حادي ظعنــچ أجنبـي

من بعد الدلال أبين أخوتـچ
محد من هلچ حاظر بموتچ

محــد گــالـــج خــويـــة شتــوصيـــن
وانتي اخت ابوفاضل واخت الحسين
_____
من بعد ذبحــة حسينـچ أنتي رادلوچ سكوت
رادو يمسحون كلشــي ورادو الــثورة تمــوت
وكلمة للتاريــخ گلتــي النه ماتمحون صــوت
مثل حيدر عالي راسچ عله خصمه من يفوت

ثورة عطش وجنودچ يتامة
وضلت خالدة ليوم القيامــة

عليـل ويــاچ جــان وبــس نساويــــن
وانتي اخت ابوفاضل واخت الحسين
_____
بكل فخر دربچ مشيتي أنتي تمثال الشرف
شامخــة رغم المأسـي خصمـچ بذلة انعرف
قائدة ركب السبايــة محـد بهــاي انوصــف
بمجلس ابن زياد والله حسبو حيدر وگــف

وصلتي رسالة وبيها مضمون
حرمة لچن ذليتي اليحكمون

جـــانـت واضـحــة ذيــچ العناويـــ‌‌ــن
وانتي اخت ابوفاضل واخت الحسين
_____

حسين علي التقي

أم البنين ع تخاطب السيدة زينب ع
______
تمنيت بطفوفچ حاظرة هناك
وتمنيت بدربكم تگضي الايام
عله مصايبكم هناك أعمي العيون
بضيمچ كربله وأكبرلي چم عام
واذا حرگو خيمكم افزع وياچ
واركض حافية ما بين الخيام
وعله التله اصيح بصوت عباس
اترس جربتك وارجع يضرغام
شنهي يأخرك بس گطع النحور
من خزرتك وگفو وگفة اصنام
مربيتك واعرفك ماترد هيچ
الا تجيب ماي لأهل الخيام
وابوسنه عله عينه لمن يروح
لأنه بعينه شو حته السهم هام
و اضم جوه العباة جفوفه عباس
الخصم ماندري شنهي بنيته شضام
ويه النسوة عون وياچ يأم عون
انتي السيدة واحنه الچ خدام
عنچ خل اشيلن چم طفل عاد
عليچ هواي الاثمانين الأيتام
واركض ويه رقية ركضة الخوف
واحسن بالجمر من يچوي الجدام
احط ايدي عله اذنها عن العيون
اخاف عله التراچي تچرها ال زلام
تمنيت ويه سكنة اعطش هناك
و لعبدالله اعصر عيني وينام
گبل لا يعطش انطي ماي العيون
شنو ذنبه طفل ترويه الاسهام
مو بيه النفس چاا ليش الحسين
من رگضة الخيل شعجب ما گام
اثاري من الطعن ماضله كل حيل
واثاري عله جروحه جروح والآلم
وألومن متني ما لآحته السياط
مو من منتچ احسن خالي الأورام
واروحن ع الهزيله مچتفه بحبال
هذن كلهن عشتهن بس بالاوهام
اعذريني يزينب قصرت حيل
مثلچ ما رحت مسبيه للشام
ماعندي مثل صبرچ بالوداع
دآم وياي حزني وكلشي مادام
______
حسين علي التقي

مولاتي يا أم البنين
مولاتي يا أم البنين

_______
للحسين انطيتي كلشي زعتي حبه بداخلج
واصطفاچ الله برحمته وهو كلشي انطالچ
باب للحاجات صرتي و كلها تتعنالج
الما يعرفچ هم نطيتي مو فقط خدامچ

بيچ خله شكد وفه
باب رحمه ومعرفه
و ابذكر اسمچ شفه .. مولاتي
_______
أندبچ ابكل دعاء وبيچ ما اضيع علوم
الفاتحة بأسمج اقراها وبيه ماتبقى هموم
اختارچ الله وعله شانچ يا حليلة معصوم
والله هم خله وفاتج وره الزهرة بچم يوم

و دار الزهرة  تره
ما تدخله أي مره
والأن انتي طاهره .. مولاتي
_______
منچ استلهمنه غيرة بكل عزه اسمج حضر
وانتي افضالچ تعدت حته افضال المطر
من نطيتي حسين كلشي الله خلالچ قدر
يا انسية اسمچ انسنه و بمجالسنه انذكر

فعلج اكبر مدرسه
اسمج الله مقدسه
بالحسين و مجلسه .. مولاتي
_______
عله مسلك دربچ احنه كون بالخدمة نصير
بأغلى شي لازم نضحي يم الحسين المصير
وكون اليعشگ امامه  وجها عنه ما يدير
بدمعته ونيته الخادم حته لو ملكه الحصير

منچ الخدمة بدت
خدمتچ حظ وبخت
والخدم منها ورثت .. مولاتي

_______
أغلى شي انطيتي فدوه انتي يأم الاربعه
جعفر وعبدالله عون وشكو طاهر منبعه
وابو الريشات الكفيل الغيرته من مرضعه
مطيه وين الحيد كلش المبچي المشرعه

ولدچ أقمار و تشع
وين المبچي السبع
ذول يسوون الدمع .. مولاتي
______
يأم اليرفعون راس بكربلة والله ونعم
بولدچ الامثال تضرب زلم ما منهم زلم
بعازة ما خلو حسينچ راسه رفعو للنجم
بعسكر ابن زياد والله عالشط سوو فلم

تره الكافل وخوته
حسين رفعو هامته
حزام ظهره بغربته .. مولاتي
_______

حسين علي التقي