Hlaing Info

ပြည်သူတွေအနေနဲ့ ဘယ်လိုအခက်အခဲတွေပဲကြုံပါစေအမှန်တရားဘက်က ရဲဝင့်စွာဆက်လက်ရပ်တည်နိုင်ဖို အားတင်းထားကြပါစို့ ။ 💪💪💪

မိဘပြည်သူများ ရန်သူမျိုးငါးပါးမှ အမြန်ဆုံးကင်လွတ်နိုင်ကြပြီး အမြဲတစေ ကျန်းမာချမ်းသာကြပါစေဟု  Hlaing Info ဝိုင်းတော်သားများမှ ဆုတောင်းမေတ္တာပို့သအပ်ပါသည်။🙏🙏🙏

သတင်းတင်ဆက်မှုကို ဒီမှာတင်ရပ်နားပါမည်။

Good night ပါရှင့်။

Sweet Dreams 💞💞💞

#HlaingInfo

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၁၀ ဦးသေဆုံး

ဖေဖော်ဝါရီလ ၂၆ ရက်

မြန်မာနိုင်ငံတစ်ဝန်း ဖေဖော်ဝါရီလ ၂၆ ရက်နေ့ ရရှိထားသော အချက်အလက် များအရ စစ်ကောင်စီတပ်ဖွဲ့ဝင် ၁၀ ဦးသေဆုံးကြောင်း ပြည်သူ့ကာ ကွယ်ရေး တပ်ဖွဲ့များ၏ ထုတ်ပြန်ချက်နှင့်ပြောဆိုချက် များ အရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

#KTM
#HlaingInfo

ရန်ကုန်-မန္တလေး လမ်းဟောင်းပေါ်ရှိ လင်းယောခင်းကျေးရွာမှာ တပ်စွဲထားတဲ့ အကြမ်းဖက် စစ်တပ်ကို ဝင်ရောက်တိုက်ခိုက် ၊ အကြမ်းဖက်စစ်သား ၅ ဦးသေ

ဖေဖော်ဝါရီလ ၂၆ ရက်

ရန်ကုန်-မန္တလေး လမ်းဟောင်းပေါ်ရှိ လင်းယောခင်းကျေးရွာ ဘုန်းကြီးကျောင်းမှာ ဂိတ်ချတပ်စွဲထားတဲ့ အကြမ်းဖက်စစ်တပ်ကို ဒီနေ့မနက် ၆ နာရီ ၅ မိနစ်မှာ PDF တွေက ဝင်ရောက်တိုက်ခိုက်ခဲ့တယ်လို့ သိရပါတယ်။

အဆိုပါ တိုက်ခိုက်မှုကို အမှတ် ၃၅၀၂ စစ်တောင်းစစ်ကြောင်း ၊ ဖြူးမြို့နယ် ပကဖ က တိုက်ခိုက်ရှင်းလင်းခဲ့တာဖြစ်ပြီး အကြမ်းဖက်စစ်သား ၅ ဦး သေဆုံးခဲ့ပါတယ်။

တိုက်ပွဲအတွင်း တော်လှန်ရေးတပ်ဖွဲ့တွေဘက် ထိခိုက်ဒဏ်ရာရတာ မရှိခဲ့ဘူးလို့ သိရပါတယ်။

ဖေဖော်ဝါရီ ၂၅ ရက် မနက် ၁၀ နာရီ ၃၅ မိနစ် မှာလည်း ဖြူးမြို့နယ် ၊ ရန်ကုန် -မန္တလေး လမ်းဟောင်းပေါ်ရှိ ဂျေရမ်ပူရွာက အကြမ်းဖက်စစ်တပ်ဂိတ် ကို ဝင်ရောက်တိုက်ခိုက်ရှင်းလင်းပြီး မီးရှို့ဖျက်ဆီးခဲ့ပါတယ်။

အဆိုပါ တိုက်ခိုက်မှုကို အာဠာဝက စစ်ကြောင်း (၇၈၀၃) ၊ ဧရာဝတီစစ်ကြောင်း (၆၀၀၂) ၊ ရန်ကုန် ပကဖ နဲ့ ဖြူး ပကဖ တို့ ပူးပေါင်းတိုက်ခိုက်ခဲ့တာပါ။

အဆက် - ⤵️⤵️

ချောင်းဦးမြို့နယ် ချောင်းမရွာနှင့် နွယ်ခွေရွာတို့ကို စစ်ကောင်စီဗုံးကြဲ၍ ကလေးများအပါ ၉ ဦးနှင့် ရဲဘော် ၂ ဦးသေဆုံး

ဖေဖော်ဝါရီလ ၂၆ ရက်

စစ်ကိုင်းတိုင်း ချောင်းဦးမြို့နယ် ချောင်းမရွာနှင့် နွယ်ခွေရွာတို့ကို စစ်ကောင်စီတပ်က လေကြောင်းတိုက်ခိုက်သဖြင့် ကလေးများအပါအဝင် အရပ်သား (၉)ဦးနှင့် ရဲဘော်(၂)ဦး သေဆုံးသည်ဟု ဒေသခံများထံမှ သိရသည်။

၂၀၂၅ ခုနှစ် ဖေဖော်ဝါရီလ (၂၅)ရက်နေ့ နံနက်ပိုင်းတွင် ချောင်းမရွာကို တိုက်ပွဲဖြစ်ပွားခြင်းမရှိဘဲ တိုက်လေယာဉ်နှင့် Paramotor များဖြင့် ပေါင်(၅၀၀)ဗုံး ကြဲချတိုက်ခိုက်သွားရာ အရပ်သား(၉)ဦး သေဆုံးသည်ဟု ဆိုသည်။

“မနေ့က မနက် (၁၁) နာရီဝန်ကျင်းလောက်မှာစပြီး ဖိုက်တာနှစ်စီးနဲ့ကြဲတာ။ ပြီးတော့ Y-12၊ Paramotor တွေကနေလဲ ဗုံးအလုံးရေကတော့ (၆) လုံးထက်မနည်းဘူးကြဲသွားတယ်။ ပြည်သူက (၇) ဦးသေဆုံးတယ်။”ဟု ဒေသခံ တစ်ဦးက Tachileik News Agency ကိုပြောသည်။

စစ်ကောင်စီသည် ချောင်းမရွာအတွင်းသို့ ဗုံးကြဲချိန်တွင် ဒေသခံများသည် တဲဆောက်နေချိန်နှင့် ပဲခြွေနေချိန်တို့ ဖြစ်ပြီး ပေါင်(၅၀၀)ဗုံးအပါအဝင် ဗုံးနှစ်လုံးကြဲချသွားခြင်းဖြစ်သည်ဟု ဆိုသည်။

အဆက် - ⤵️⤵️

လက်နက်ကြီးရန်ကြောက်သော်လည်း စာမေးပွဲကြောင့် ကော့ကရိတ်ဒေသခံများ စိုးရိမ်စိတ်ဖြင့် နေထိုင်နေရ

ဖေဖော်ဝါရီလ ၂၆ ရက်

ကရင်ပြည်နယ်၊ ကော့ကရိတ််မြို့ပေါ်အတွင်း လက်နက်ကြီးကျည်များ မကြာခဏ ကျရောက်ပေါက်ကွဲမှုများကြောင့် ဒေသခံများအနေဖြင့် ဘေးလွတ်ရာ ဒေသများကို ထွက်ပြေးတိမ်းရှောင်လိုကြသော်လည်း ကလေးငယ်များ၏ အတန်းတင်စာမေးပွဲကြောင့် စိုးရိမ်စိတ်များဖြင့် နေထိုင်နေကြရကြောင်း ဒေသခံများက ပြောသည်။
ကော့ကရိတ်မြို့နယ်အတွင်း မြို့ပေါ် ရပ်ကွက် (၃)နှင့် ရပ်ကွက် (၆)ရှိ အထက (၁)နှင့် အထက (၂) အပါအဝင် အထက်တန်းကျောင်း ၄၃ ကျောင်း၊ အလယ်တန်းကျောင်း ၃၂ ကျောင်းနှင့်မူလတန်းလွန်စာသင်ကျောင်း ၃၃ ကျောင်းအပြင် ဘုန်းတော်ကြီးသင် ကျောင်းများလည်း ရှိသော်လည်း အများစုမှာ မြို့တွင်း စစ်ရေးအခြေအနေမငြိမ်သက်မှုများကြောင့် မဖွင့်လှစ်နိုင်ကြောင်း သိရသည်။
လက်ရှိ ဖေဖော်ဝါရီလ၏ နောက်ဆုံးအပတ်သည် ၂၀၂၄- ၂၀၂၅ ပညာသင်နှစ်၏ အတန်းတင်စာမေးပွဲများ ကျင်းပနေရာ ကာလဖြစ်ပြီး မြို့ပေါ်ရှိ ကျောင်းအများစု မဖွင့်နိုင်ကြသဖြင့် ကျောင်းနေသည့် ကလေးများသည် နဘူးစာစစ်ဌာန အပါအဝင် စာသင်ကျောင်းအချို့တွင်သာ စာမေးပွဲဖြေနေကြရသည်ဟု ဒေသခံအမျိုးသားတဦးက ပြောသည်။
ထိုသို့ ကလေးငယ်များ အတန်းတင် စာမေးပွဲဖြေရာ ကာလအတွင်း ပြီးခဲ့သည့် ရက်ပိုင်းအတွင်းကစ၍ ကော့ကရိတ်မြို့နယ်အတွင်း တိုက်ပွဲဖြစ်ပွားမှုများလည်းရှိပြီး လက်နက်ကြီးပစ်ခတ်မှုများ များပြားလာကာ မြို့ပေါ်အတွင်း လက်နက်ကြီးကျည် ကျရောက်ပေါက်ကွဲမှုများလည်း ခပ်စိပ်စိပ် ဖြစ်ပေါ်လာခဲ့သည်။
ဖေဖော်ဝါရီ ၂၄ ရက်နေ့နှင့် ယမန်နေ့ (ဖေဖော်ဝါရီ ၂၅ ရက်နေ့)အတွင်း ကော့ကရိတ်မြို့နယ်အတွင်း ဒေသအချို့၌ စစ်ကောင်စီနှင့် တော်လှန်ရေးတပ်ဖွဲ့များအကြား တိုက်ပွဲများ ဖြစ်ပွားမှုရှိခဲ့ပြီး လက်နက်ကြီးကျည်အချို့ ချောင်းတောင်၊ ရပ်ကွက် (၅)၊ ခလရ (၉၇) အနီးတဝိုက်တို့တွင် ပေါက်ကွဲမှုများ ရှိသည်။
ယနေ့ (ဖေဖော်ဝါရီ ၂၆ ရက်)တွင်လည်း ကော့ကရိတ်မြို့ပေါ် ရပ်ကွက် (၅) တွင်လည်းကောင်း၊ ယမန်နေ့က အထက်တန်းကျောင်းရှိရာ ချောင်းတောင်ဘက်တွင်လည်းကောင်း လက်နက်ကြီးကျည် ကျရောက်ပေါက်ကွဲမှုများ ရှိသဖြင့် ဒေသခံများမှာ ဘေးလွတ်ရာ ဒေသများကို အမြန် တိမ်းရှောင်လိုကြသော်လည်း ကလေးများ၏ စာမေးပွဲကြောင့် စိုးရိမ်စိတ်များဖြင့် နေထိုင်နေရသည်ဟု ဆိုသည်။
“ လက်နက်ကြီးက ဘယ်ကဆိုတာမှန်းဆလို့မရ၊ အာရှလမ်းဘက် ပစ်ထုတ်ရင်း အနီးက ရပ်ကွက် ချောင်းတောင်ဘက်မှာ ကျတာတော့ရှိတယ်၊ စစ်တပ်နားမှာ အထက (၁) ရှိတယ်၊ တပ်နဲ့ကျောင်းက လမ်းတဘက်စီပဲ ခြားတာမို့ အဲ့ဒီအနားကျတာလည်းရှိတယ်။ ဆရာမတချို့ ဗုံးချိုကျင်းထဲ အချိန်အတော်ကြာနေနေရတယ်။ စာမေးပွဲကိုတော့ နဘူးကျောင်းစာစစ်တဲ့ဋ္ဌာနမှာဖြေကြတယ်" ဟု ကော့ကရိတ် သတင်းရင်းမြစ်တဦးက ပြောသည်။
" ကျွန်တော်တို့ကတော့ ပြန်မနေတာ ဟိုတခါ တိုက်ပွဲကတည်းကပဲ။ ကျွန်တော့်ညီမတွေလည်း ပြန်ထွက်ဖို့ လုပ်နေတာ ကလေးတွေက ငါးတန်းတယောက် ရှစ်တန်းတယောက် စာမေးပွဲတွေ ရှိနေတော့ ထွက်မရဘူးဖြစ်နေကြတယ်။ လက်နက်ကြီးကျည်တွေကလည်း နေ့ပစ် ညပစ်ပဲတဲ့" ဟု ကော့ကရိတ်မြို့ခံ စစ်ရှောင်တဦးကလည်း ပြောသည်။
ကော့ကရိတ်မြို့ခံအချို့သည် ပြီးခဲ့သည့် ၂၀၂၃ ခု၊ ဒီဇင်ဘာလက စသည့် တိုက်ပွဲများကြောင့် နေရပ်စွန့်ခွာခဲ့ကြပြီး တနှစ်ကျော်ကြာသည်အထိ ပြန်လည် နေထိုင်ခြင်း မရှိကြသော်လည်း မြို့ခံတချို့တဝက်နှင့် အိမ်စောင့်အဖြစ် ကျန်နေသူအချို့သာ မြို့အတွင်း သွားလာလှုပ်ရှားမှုများ ရှိနေကြခြင်းဖြစ်သည်။
" စည်ကားဖို့လုပ်တုန်း စစ်သံကြားတော့တချို့လည်းပြန်ထွက်ကုန်ကြတယ်။ မဖြစ်မနေ အိမ်စောင့်နေသူတချို့စစ်ရှောင်ရတာအဆင်မပြေသူတချို့လောက်သာကျန်ပါတယ်။ မနက်ဖက်ဆို စျေးဖွင့်တယ် ဝယ်စရာရောင်းစရာရှိတာဝယ်ရောင်းပြီးအိမ်ပြန်ကြတယ်။ စီးပွားရေးဆိုတာကမရှိသလောက်ပေါ့" ဟု အဆိုပါ သတင်းရင်းမြစ်က ဆက်ပြောသည်။
၂၀၂၃ ခုနှစ် နှစ်ကုန်ပိုင်းက ကော့ကရိတ်မြို့နယ်အတွင်း ပြင်းထန်ခဲ့သည့် တိုက်ပွဲများနှင့် နောက်ဆက်တွဲ မီးရှို့မှု၊ ဒရုန်းဖြင့် ပစ်ခတ်မှုနှင့် လက်နက်ကြီးကျည် ကျရောက်ပေါက်ကွဲမှုများကြောင့် ကော့ကရိတ်မြို့ပေါ်ရှီ ဒေသခံနေအိမ် ၂၀၀ ကျော်ထိခိုက်ပျက်စီးခဲ့ခြင်းရှိသည်ဟု တော်လှန်ရေးအင်အားစုများ၏ ပြောကြားချက်များအရ သိရသည်။

#Mizzima
#HlaingInfo

ပဲခူးရိုးမထဲ PDF အချင်းချင်း ဖမ်းဆီးစစ်ဆေးရင်း လက်လွန် သေဆုံးမှုဖြစ်ပွား

ဖေဖော်ဝါရီလ ၂၆ ရက်

ရိုးမအတွင်း သစ်ထုတ်လုပ်ရေးလုပ်ငန်းများကို လုပ်ကိုင်ဆောင်ရွက်နေကြောင်း အချက်အပါအဝင် စွပ်စွဲချက်အချို့ဖြင့် အမျိုးသားညီညွတ်ရေး အစိုးရ (NUG) လက်အောက်ခံ ပြည်သူ့ကာကွယ်ရေးတပ်(PDF) အဖွဲ့အချင်းချင်း ဖမ်းဆီး စစ်ဆေးရင်း လက်လွန်ပြီး ရန်ကုန် PDF တပ်ဖွဲ့ဝင်တဦး သေဆုံးသွားကြောင်း မဇ္ဈိမက စုံစမ်းသိရှိရသည်။

ကိုယ်ပိုင်ကုတ်နံပါတ်ရရှိထားသည့် ရန်ကုန်အနောက်ပိုင်းခရိုင် ပကဖ အဖွဲ့ဝင် ရဲဘော်ကိုပိုင် ကို ပဲခူးရိုးမထဲက ကွင်းချောင်းဆည်အနီးတွင် ဖေဖော်ဝါရီလ ၁၈ ရက်နေ့က ပဲခူးတိုင်း PDF တပ်ရင်းများဖြစ်သည့် တပ်ရင်းအမှတ် (၃၈၀၁) နှင့် အမှတ် (၃၇၀၁) တို့က ဖမ်းဆီးသွားပြီးနောက် သေဆုံးသွားခြင်းဟု ပဲခူးတိုင်း ပြည်သူ့ကာကွယ်ရေးတပ်ဖွဲ့ သတင်းရင်းမြစ်များက ပြောသည်။

ရဲဘော်ကိုပိုင်သည် မည်သည့်နေ့က သေဆုံးသွားသည်ကို ရှင်းရှင်းလင်းလင်း မသိရသေးပေ။ ၎င်း၏အချက်အလက်များနှင့် သေဆုံးမှုအကြောင်းအရင်းများကို စုံစမ်းနေကြောင်း ရန်ကုန်အနောက်ပိုင်းခရိုင် တိုက်ခိုက်ရေးစစ်ကြောင်း တပ်ခွဲ (၁) တာဝန်ခံ ကိုနွေဦး က မဇ္ဈိမကို ပြောသည်။

အဆက် - ⤵️⤵️

မြောက်ဒဂုံမြို့နယ်တွင် ပြည်သူ ၄ ဦးခန့် ဖမ်းဆီးခံရကြောင်း

ဖေဖော်ဝါရီလ ၂၆ ရက်

မြောက်ဒဂုံမြိုနယ်၊ ဘုရင့်နောင်လမ်းပေါ် ဆုံမှတ်ထမင်းဆိုင်နားတွင်  ယနေ့ည ၈:၄၅ ခန့်၌ လူငယ်ယောကျာ်းလေး ၄ ဦးအား အရပ်ဝတ်များမှ ဆိုင်ကယ်များဖြင့် ဖမ်းဆီးကာ ထားဝယ်ချောင်ရဲစခန်းသို ခေါ်ဆောင်သွားကြောင်း  RSN WEB မှ သိရပါသည်။

#HlaingInfo

အင်းစိန်ထောင်မှ ခေါ်ထုတ်သွားသည့် လွတ်ရက်စေ့ မူဆလင်များကို စစ်ကောင်စီက စစ်တွေတွင် စစ်သင်တန်းပေးနေ

ဖေဖော်ဝါရီ ၂၆ရက်

စစ်ကောင်စီက အင်းစိန်ထောင်အတွင်းမှ လွတ်ရက်စေ့၍ လွတ်မြောက်လာသည့် မူဆလင် ၉၀၀ကျော်ကို စစ်တွေသို့ခေါ်ဆောင်သွားပြီးနောက် မူဆလင် လူငယ်၊ လူရွယ်များကို စစ်သင်တန်း ပေးနေကြောင်း သိရသည်။

စစ်ကောင်စီသည် ပြီးခဲ့သည့် ဖေဖော်ဝါရီ ၁၆ရက်နေ့က အင်းစိန်ထောင်မှ မူဆလင် ၉၁၆ ဦးကို စစ်တွေသို့ ခေါ်ထုတ်သွားပြီးနောက် လူငယ်၊ လူရွယ် ၁၀၆ဦးကို  စစ်သင်တန်းပေးနေခြင်းဖြစ်ကြောင်း သိရသည်။

စစ်တွေ ဒေသဆိုင်ရာကွပ်ကဲမှုဌာနချုပ် ဒကစအတွင်း ခေါ်ဆောင်လာသည့် လူငယ်များကို ခလရ ၂၇၀အတွင်းသို့ပို့ဆောင်ပြီး စစ်သင်တန်းပေးနေပြီဖြစ်ကြောင်း သိရသည်။

အဆက် - ⤵️⤵️

1. 3. 2025 နေ့ ထွက်မယ့် ဘတ် ၆ သန်း ကံထူးရှင် ရွေးချယ်မည့် ပြည်သူ့အောင်နိုင်ရေး ရံပုံငွေ တော်လှန်ရေး ထိုင်းထီများကို ဝယ်ယူအားပေးလို့ရပါပြီ ...

🍃 ထီ 1 စောင်ကို မြန်မာငွေ 14,500 ကျပ်။ ထိုင်းဘတ် 100 ဖြင့် ရောင်းချပေးပါသည်။ 🌿

မိမိနှစ်သက်ရာ ထီနံပါတ်များရွေးချယ်ရန်လင့် - https://hlaing.net/lottery/

🫴 ရရှိနိုင်သောထီနံပါတ်များ 🫴

346502
153603
822806
410198
249093
186492
692093
184786
855985
427683
901780
276278
463176
542274
318473
175271
546770
851069
820067
474665
184464
015663
361962
688162
565062
662061
521858
603958
924457
834757
410857
641356
021056
946755
324551
306351
406450
761850
981949
725748
828346
333245
601545
713543
220143
156141
081141
881540
605540
484039
550437
625837
984636
150036
947134
295432
558330
872330
030929
648428
091228
704427
768225
225124
760124
928423
942821
270620
477319
610516
667815
211013
695211
457211
258110
595810
151509
863208
968705
433103
630201
018811
955215
081019
040998
530095
685192
442685
810883
312282
251292
069774
290070
791518
282106
543029
816425
800920
679516
642880
494310
623515
566807
399856
697578

🍀 🍀 🍀

🧿 ဆက်သွယ်ဝယ်ယူရန် 🧿

- https://t.me/pyithuaungpwel
- https://t.me/infoAthlaing
+66952714213 ( Viber )

#ThaiLottery
#HlaingInfo

ထိုင်းမှာ တရားမဝင်ကုန်ပစ္စည်း ရောင်းတယ်ဆိုပြီး ဘတ်တစ်သန်းကျော် ၊ ကုန်ပစ္စည်းငါးထောင်ကျော်နဲ့ မြန်မာတွေကိုဖမ်းဆီး

ဖေဖော်ဝါရီလ ၂၆ ရက်

ထိုင်းနိုင်ငံ၊ ရနှောင်းခရိုင်မှာ တရားမဝင် ကုန်ပစ္စည်းတွေ ရောင်းချတယ်ဆိုပြီး ဘတ်တစ်သန်းကျော်၊ ကုန်ပစ္စည်း ငါးထောင်ကျော်နဲ့ မြန်မာနိုင်ငံသားတွေကို ဖမ်းဆီးခဲ့တယ်လို့ ထိုင်းသတင်းတွေမှာ ဖော်ပြထားပါတယ်။

ရနောင်းခရိုင်ရဲတပ်ဖွဲ့မှူး ဦးဆောင်တဲ့အဖွဲ့ ဟာ ရနောင်းခရိုင်အတွင်းကို ကျူးကျော်ဝင်ရောက်လာတဲ့နိုင်ငံခြားသားတွေကို နှိမ်နှင်းရေးလှုပ်ရှားမှုကို ဖေဖော်ဝါရီ ၂၅ ရက်နေ့က စတင်ခဲ့ပြီး မြန်မာနိုင်ငံသားတွေကို ဖမ်းဆီးခဲ့တယ်လို့ သိရပါတယ်။

ပတ်စပို့ကိုင်ပြီး အသက်မွေးဝမ်းကျောင်းလုပ်ငန်းတစ်ခုကို ဝင်ရောက်လုပ်ကိုင်တာ ၊ အွန်လိုင်းကနေ တိုက်ရိုက်ဆက်သွယ်ရောင်းဝယ်တာ ၊ အွန်လိုင်းအက်ပလီကေးရှင်းတွေကတစ်ဆင့် ကုန်ပစ္စည်းတွေ ရောင်းချတယ်ဆိုပြီး ထိုင်းဘတ်ငွေသန်းနဲ့ချီတဲ့ ဘဏ်စာအုပ်နှစ်အုပ် ၊ အမှတ်တံဆိပ် ၁၀၀ ကျော်၊ ကုန်ပစ္စည်း ၅,၀၀၀ ကျော်ကို သိမ်းဆည်းရမိခဲ့တယ်လို့ ထိုင်းမီဒီယာတွေရဲ့ ဖော်ပြချက်အရ သိရပါတယ်။

ဖေဖော်ဝါရီလ ၂၅ ရက်မှာ ရနောင်းမြို့မရဲစခန်းမှူး ရဲမှူးကြီးသနဝပ်ဝမ်တာခွန် ၊ ရနောင်းခရိုင်ရဲတပ်ဖွဲ့ ဒုတိယရဲမှူးကြီးသာဝါချိုဆွန်ချာရွန်နဲ့ တိုင်းဒေသကြီး ၈ က စုံစမ်းရေးဦးစီးဌာနတို့ဟာ ထိုင်းနိုင်ငံရနောင်းခရိုင်အတွင်း ကျူးကျော်ဝင်ရောက်လာတဲ့ နိုင်ငံခြားသားတွေကို နှိမ်နှင်းရေးလှုံ့ဆော်မှုတွေ ပြုလုပ်ခဲ့တယ်လို့ သိရပါတယ်။

တရားမဝင်နိုင်ငံခြားစီးပွားရေးလုပ်ငန်း ပစ်မှတ်အုပ်စုတစ်စုကို ရှာဖွေခဲ့ရာ မြန်မာနိုင်ငံသားတွေကို တွေ့ရှိခဲ့ပြီး စုံစမ်းစစ်ဆေးရေးအဖွဲ့နဲ့ ရနောင်းမြို့မရဲစခန်းက ရှာဖွေဝရမ်းကြိုတင်တောင်းယူထားတယ်လို့ သိရပါတယ်။

အခုလို ရှာဖွေခဲ့ရာ ရနောင်းခရိုင်ရှိ သုံးထပ်အိမ်တစ်လုံးမှာ ကားတစ်စီးတွေ့ရှိပြီး ပထမထပ်နဲ့ ဒုတိယထပ် နှစ်ထပ်အတွင်းမှာ သိုလှောင်မှုအများအပြားတွေ့ရတယ်လို့ သိရပါတယ်။

အလှကုန်တံဆိပ် ၁၀၀ ကျော် ၊ အသားအရေထိန်းခရင်မ် ၊ ဆံပင်ပေါက်ဆေး ၊ ဖြည့်စွက်စာနဲ့ တခြားပစ္စည်းပေါင်း ၅,၀၀၀ ကျော်နဲ့ ဘတ်ငွေ ၁,၂၀၀,၀၀၀ ကျော်တန်ဖိုးရှိတဲ့ ပစ္စည်းမျိုးစုံကို မြန်မာနိုင်ငံသားတွေနဲ့အတူ တွေ့ရှိခဲ့ပြီး မြန်မာနိုင်ငံသား ပတ်စပို့ကိုင်ဆောင်ထားတာကိုတွေ့ရှိခဲ့တယ်လို့ တာဝန်ရှိသူတွေကဆိုပါတယ်။

ကုန်ပစ္စည်းတွေ ရောင်းချဖို့ တရားမဝင် စီးပွားရေးထူထောင်တာ ၊ ကြော်ငြာအတွက် တိုက်ရိုက်ထုတ်လွှင့်တဲ့ နည်းလမ်းတွေကိုအသုံးပြုတာ ၊ ထုတ်ကုန်တွေ ရောင်းချတာ ၊ကုန်ပစ္စည်းအများစုဟာ တရားမဝင်တင်သွင်းနေပြီး FDA တံဆိပ်တွေ မပါရှိဘူးလို့ သိရပါတယ်။

အလုပ်ပါမစ်မရှိဘဲ အလုပ်လုပ်တဲ့ နိုင်ငံခြားသားဖြစ်တာ သို့မဟုတ် လုပ်ဆောင်ဖို့ ခွင့်ပြုထားတာထက်ကျော်လွန်တဲ့ အလုပ်ကိုလုပ်ဆောင်တာ ၊ တရားမဝင်တင်သွင်းလာတဲ့ ကုန်ပစ္စည်းမှန်သမျှကို အကောက်ခွန်စစ်ဆေးမခံတာ ၊ အကောက်ခွန်မဲ့တင်သွင်းတာတွေကို ရှာဖွေတွေ့ရှိခဲ့တယ်လို့ ရနှောင်းခရိုင်ရဲတပ်ဖွဲ့မှူးက ပြောပါတယ်။

အကောက်ခွန်မဆောင်ဘဲ မြန်မာနိုင်ငံမှ တင်သွင်းလာတဲ့ အလှကုန်ပစ္စည်းတွေ မစစ်ဆေးသေးဘဲ ဖမ်းဆီးရမိတဲ့ မြန်မာနိုင်ငံသားတွေနဲ့ ကုန်ပစ္စည်းတွေကို သိမ်းဆည်းလိုက်ပြီး တရားမဝင်နိုင်ငံခြားသားတွေ ထိုင်းနိုင်ငံအတွင်း အလုပ်လာရောက်လုပ်ကိုင်ပါက တိုင်ကြားနိုင်တယ်လို့ တာဝန်ရှိသူတွေက ကြေငြာချက်ထုတ်ပြန်ထားပါတယ်။

#EMG
#HlaingInfo

တရုတ်-အမေရိကန် ကွန်ပြူတာချစ်ပ် စစ်ပွဲ။

ညူကလီယားဗုံးလုပ်နည်း ကိုဒုတိယကမ္ဘာစစ်မှာတွေ့ခဲ့တယ်။ ပြင်းအား ပိုအောင် ကြိုးစားကြတယ်။ ၁၉၆၀ လောက်ကျတော့ ညူကလီးယား နည်းပညာရဲ့လှို့ဝှက်ချက် အကုန်လုံး လူသားတွေ သိခဲ့ကြပြီ၊ လူတွေဟာ ညူကလီးယား လျပ်စစ်၊ ဗုံး၊ စွမ်းအင် အကုန်ထုတ်တတ်သွားပြီ။ ဒီနေ့ဆို မြောက်ကိုရီးယားကတောင် ထုတ်နိုင်နေပြီ။ နည်းပညာက လှို့ဝှက်ပေမယ့် မခက်ခဲလှဘူး။ အန္တရာယ်ကြီးလွန်းလို့ ကုန်ကြမ်းကို ထိမ်းထားတာရယ်၊ နိုင်ငံအသစ်တွေ ညူ့ဗုံးတွေ မပိုင်အောင် တားထားတာရယ်ကြောင့်သာ၊ နည်းပညာက ၁၉၆၀ ကတည်းက ရပ်တန့်သွားပြီ။ တကယ်တော့ ဒီနေ့ခေတ် နည်းပညာပိုင်း အလွန်တရာခက်ခဲတာ ညူကလီးယားနည်းပညာမဟုတ်တော့ဘူး။ ကွန်ပြူတာချစ်ပ်နည်းပညာ ဖြစ်လာတယ်။

မောရစ်ချမ်းဆိုတဲ့ အမေရိကန်နိုင်ငံသား ထိုင်ဝမ်တရုတ် အင်ဂျင်နီယာတယောက်ဟာ ရေဒီယိုတို့ တီဗွီတို့မှာသုံးတဲ့ semiconductor transistors chip လျှပ်ကူးပစ္စည် ပညာရှင်တယောက်၊ အမေရိကန်မှာနေတယ်။ ၁၉၈၀ လောက်မှာ သူက ဂျပန်ရဲ့  စီးပွါးရေး ကို သွားလေ့လာတော့ ဂျပန်တွေရဲ့ စည်းစနစ်ကျတာ၊ အလုပ်ကြိုးစားတာတွေတွေ့ရတယ်။ တိုရှိဘာ ခေတ်ပေါ့။ ကက်ဆက်၊ ရေဒီယို၊ ဂဏန်းပေါင်းစက်တွေစပေါ်တဲ့ခေတ်။

အဆက် - ⤵️⤵️

ရေဦးမြို့နယ်၊ မဲအိုးရွာ ဖောင်တော်ဦး ဘုရားကုန်းကို စစ်တပ်က လေယာဉ်ဖြင့် ပေါင် ၁၀၀ ဗုံး ၂ လုံး ကျဲချ တိုက်ခိုက်မှု စေတီးပုထိုးများ ပျက်စီး

ဖေဖော်ဝါရီလ ၂၆ ရက်

စစ်ကိုင်းတိုင်း၊ ရေဦးမြို့နယ်၊ မဲအိုးရွာ ဖောင်တော်ဦး ဘုရားကုန်းကို အကြမ်းဖက် စစ်တပ်က လေယာဉ်ဖြင့် ပေါင် ၁၀၀ ဗုံး ၂ လုံး ကျဲချ တိုက်ခိုက်ခြင်းကြောင့် စေတီးပုထိုးများ ပျက်စီးခဲ့ကြောင်း ရေဦးအခြေပြု People’s Defense Comrade ပြန်ကြားရေးတာဝန်ခံ ထူးခန့်ဇော်(အမေ့သား) က ရန်ကုန်ခေတ်သစ်သတင်းဌာနထံသို့ ပြောဆိုသည်။

ဖေဖော်ဝါရီလ ၂၆ ရက်နေ့ နံနက် ၁၁ နာရီခန့်တွင် အကြမ်းဖက် စစ်တပ်က ရေဦးမြို့နယ်၊ မဲအိုးရွာ ဖောင်တော်ဦး ဘုရားကုန်းကို မိတ္ထီလာ ရှမ်းတဲမှ တက်လာသော MiG-29 ဂျက်ဖိုက်တာ ၁ စီးဖြင့် တိုက်ပွဲဖြစ်ပွားခြင်းမရှိဘဲ ပေါင် ၁၀၀ ဗုံး ၂ လုံး ကျဲချ တိုက်ခိုက်ခဲ့ကြောင်း သိရသည်။

အကြမ်းဖက် စစ်တပ်၏ လေကြောင်း တိုက်ခိုက်မှု အတွင်း ပြည်သူများ ထိခိုက်မှုမရှိသော်လည်း မဲအိုးရွာ ဖောင်တော်ဦး ဘုရားဝင်း တစ်ခုလုံးပျက်စီးခဲ့ပြီး စေတီပုထိုးများလည်း ဗုံးစထိမှန်ကာ ပျက်စီးခဲ့ကြောင်း သိရှိရသည်။

အဆက် - ⤵️⤵️

မကွေး ငဖဲမှာ သုံးရက်အတွင်း စစ်အုပ်စု ၂၀ ကျော် ဖမ်းမိကာ လက်နက် ၂၀ ရရှိ၊

▪️AA ထိုးစစ်ကြောင့် ဆုတ်ပြေးလာတဲ့ စစ်အုပ်စုကို အရှို - ချင်းတပ်က ပိတ်ဆို့ ဖမ်းဆီးတာဖြစ်၊

ဖေဖော်ဝါရီလ ၂၆ ရက်

မကွေးတိုင်း၊ ငဖဲမြို့နယ်၊ နတ်ရေကန် လေကြောင်းရန် ကာကွယ်ရေးတပ်ကို  အာရက္ခတပ်တော် - AA က ထိုးစစ်ဆင် တိုက်ခိုက်လို့ ထွက်ပြေးလာတဲ့ စစ်အုပ်စုကို နယ်မြေရှင်းလင်း ဖမ်းဆီးရာ သုံးရက်အတွင်း စစ်အုပ်စု ၂၀ ကျော် ဖမ်းမိတယ်လို့ ချင်းကာကွယ်ရေးတပ် - အရှို - Chin Defence Force-Asho က သတင်း ထုတ်ပြန်ပါတယ်။

ဖေဖေါ်ဝါရီလ ၂၄ရက်ကနေ ၂၆ရက်အထိ သုံးရက်အထိ သုံးရက်တာအတွင်း စစ်အုပ်စု ၂၃ ယောက်ကို လက်နက်ခဲယမ်းတွေနဲ့ အတူ ဖမ်းမိတာ ဖြစ်ပြီး MA-1၊ MA-2၊ MA-3 နဲ့ MA-4 အမျိုးအစား သေနတ် စုစုပေါင်း အလက် ၂၀၊ ကျည်၊ မိုင်းနဲ စစ်အသုံးအဆောင် ပစ္စည်းတွေ သိမ်းဆည်း ရရှိတယ်လို့ ဆိုပါတယ်။

AA ရဲ့ ထိုးစစ်ကြောင့် ငဖဲမြို့နယ် နတ်ရေကန် လေကြောင်းရန် ကာကွယ်ရေးတပ် ကာကင်းစခန်းတွေကနေ ဆုတ်ခွာ ထွက်ပြေးလာတဲ့ စစ်အုပ်စုကို နတ်ရေကန် ဆက်သွယ်ရေးတာဝါတိုင်အနီး တောတွင်းနေရာအသီးသီးမှာ ဖမ်းမိခဲ့တာလို့ CDF – Asho က ဖော်ပြပါတယ်။

အဆက် - ⤵️⤵️