قناة الشاعر كامل السعيدي لنشر القصائد المنبريه

جيت ابدمع عيني --- والرايـــــــه بيميني
همــــــن يرجليني --- متعنـــــي لحسيني
«««««««
يارجلي همي اعله المشي. گلبي نفذ صبره. يمته اوصل الحضره. وشتم عطر گبره،
محبوبي وبروحي سكن. من زغري حبيته. وبگلبي خليته. وبدمي واليته،
وبحبه جنات الخلد .ادخلهه يسمحلي. من غيره يشفعلي. اوبالشده يفزعلي.

كل عام انه امشيله -- اولمصيبتـــه ابچيله
دربه ينجيـــــــــني -- متعنــــــي لحسيني
«»«»«»«»«»
لا ما يهمني الناصبي. من عندي خل يسمع. من دربه ما ارجع. لوحتى اتگطع،
چم زاير ابدربه هتف. ويردد السانه. لجلك يمولانه. نسحگ على اعدانه،
ياسين ماميت ابد. ويانه أحسنه. يلطم اسمعنه. حسين ابضمايرنه،

بدربه الصبح عزه --- نسمع لطم حمزه
بيه يمـه اذكريني --- متعنـي لحسيني
«»«»«»«»«»
چن فزعت انصاره أجت. احبابهه اتزوره. تتبرك ابنوره. بدربه اعلنو ثوره
جننهم اهواي العشگ. وسمع مجانينه. صاحو يبو اسكينه. سجل أسامينه
نصبو مجالس عالدرب. رغماً على الظالم. هذا الطلم دائم. حد راية القائم

نخــدم لبو اليمه --- اونتباهه بالخدمه
يازهره سجليني --- متعنــي لحسيني
«»«»«»«»«»
يحسين اجيت الحضرتك. بالاربعينيه. شوگ اشكثر بيه. تستاهل الجيه
صدگني ماحس بالتعب. بيه شكثر قوه. ياسيدي فدوه. سجلي هل خطوه
ميهمني لوطال الدرب. اوصلك وجي الدارك. امشي اويه زوارك. يمباهي خطارك

ما عيشن ابدونك --- من فدوه لعيونك
حبـــــــك يعليني --- متعنـــي لحسيني
«»«»«»«»«»
الخادم
كامل السعيدي

https://telegram.me/joinchat/CeHakD_QN04Rx7L1XpqRiA

يحسين الك جاي --- متعنــــــــــي مشاي
گاصد كربله ،،، وي العــــــايله
متعني مشاي
«»
يحسين اجيت الحظرتك يبن الزجيه
يوم اربعينـــك معتني للغاظــــــــريه
وي زينب وضعن الحرم ادخل سويه
أبچي اويه ابوالباقر دمه ابهاي الرزيه

لعميهه عينـــاي ---- والزهـــــره وياي
ابهاي المعضله ،،، گاصد كربله
متعني مشاي
«»
كل خطوه انگلهه ابفخر وتنومس اني
والشوگ يبن المرتضى الگبرك خذاني
بس حبك ايضل للابـــد والباقي فاني
كون انته مابيه سيــدي شلي ابزماني

تزهيلي دنيــــاي ---- كون انته ويــاي
بس دربك حله ،،، گاصد كربله
متعني مشاي
«»
أنسلم عليـــك وننحني وترد سلامك
والعارف ابحقك گصــد يسمع كلامك
بچفوفنه البيرق يـرف جينه المقامك
ويـانه زينب بالمشي وسكنه ويتامك

رد ضعنك اليوم ---- ايــزورك يمظلوم
گوم استقبله ،،، گاصد كربله
متعني مشاي
«»
بالروس ردت زينب وتحمل امــــــانه
كل راس هيــه اترجعه اتريد المكــانه
ونهه يبو اسكينه عليكـــــم عـــــذبانه
من عدهه قطينه الوجه من مستحانه

ياليتنا اويـــاك ---- بالطف نصــــرناك
يابوالمرجله ،،، گاصد كربله
متعني مشاي
«»
نتعنه ليك وكل محب لابس ســـواده
مـن نوگف ابابك نحس بس بالسعاده
يحسين مـــن الله انكتب حبك عباده
وياك حد گطع النفس كل شيعي ناده

مالحظه ننســاك ---- نحييهه ذكـــراك
ابدمعه هامله ،،، گاصد كربله
متعني مشاي
«»
الخادم
كامل السعيدي

https://telegram.me/joinchat/CeHakD_QN04Rx7L1XpqRiA

متعني مشاي والزهره وياي
لحسيني ملهوف .. اركض ركض جاي


لزيارة حســــين شديت الحــــزام
وبدربه هاليــوم هميت الاجـــدام
بيه اشكثر شوگ والصحنه محتام
محبـــوبي وهوا وبيه ارفــع الهام

يمته اوصل الباب … واشـــتم التراب
لبن النبي اليوم … اركض ركض جاي


تمشي ام الحســين وي ألي يمشون
اوياكم علي اتصيح يا مــن تتعبـون
هل مسـعه ميضيع وباچر تشوفون
عشاق الحســــــين هـمه اليفـوزون

كلشي احنه عفنا … وگبرك گصـــدنا
بيك اني مجنون … اركض ركض جاي
*

ابدربك يمولاي خطواتي تسبيح
بسمك حسيـنا كل زاير ايصيح
هبينه يحسين چـن هبت الريح
مرتفعه للغــيم رايتنه مطيــــح

نزحفلك ازحوف ... وبكبرك انطوف
بكل همه وصرار ... اركض ركض جاي

ســدينه البيــوت وعفنه الاهــالي
مشــــايه اجيناك انــي وجهــــالي
كل همنه نرضيك عدنه انته غالي
من دون الدروب دربك حــــلالي

يا جنـــة اللـه … دربك مشيناه
مابيه تعب دوم .. اركض ركض جاي


ضحينه يحسين مـن اجـلك ارواح
متهمـنه الجروح نسحگ عالجراح
ابدربك يمضلـوم من نمشـي نرتاح
حبـك هُدى ونور وللجــنه مفتــاح

يا منقذ الناس … يا رفعت الراس
ليك انه بدموع ... اركض ركض جاي
*

الخادم
كامل السعيدي

https://telegram.me/joinchat/CeHakD_QN04Rx7L1XpqRiA

دمع عيني اسيله ..... اون ونه ثجيله
لبو الباقر ««»» لبو الباقر
،،،،،،،،،،،،،،،،،،،،،،،،،،،،،،
بينه تسعر نار ضلت لحضه ابد ماهادت
ويلي عالسجاد ويلي شيعت الحق نادت
بينه يامولاي والله حسرت الطف عادت
اليوم مرتنه الفجيعه والمــــواجع زادت

تهيج آلام روحي ... تضل تنزف جروحي
لبوالباقر «»«»«» لبو الباقر
،،،،،،،،،،،،،،،،،،،،،،،،،
آه عالخلص حيـــــاته بالألـــــم والفاجعه
وشاهد ابوادي المنايه اهل بيته امصرعه
آه عالضربو خـــــواته گوم أميه الطامعه
ولليسر راح اويه زينب وبرگبته الجامعه

عليه دمعاتي طاحن ... اضل كل عمري انوحن
لبو الباقر «»«» لبو الباقر
،،،،،،،،،،،،،،،،،،،،،،،،
عاش بعد الطف مئاسـي والمصايب أذته
ولي زاد اهموم گلبه افـــراگ زينب عمته
لوعت السجاد لوعه بيهه تعــرف شيعته
تهدم اجبال الرواسي مـن نسولف قصته

ألــــم خلص حياته ... لحـد سـاعة مماته
لبوالباقر «»«» لبو الباقر
،،،،،،،،،،،،،،،،،،،،،،
هذا زين العابدين المارضه ابذله وهضم
مانسينه آثار متنه والخــــــرابه والظلم
انعـزي حسين ابمصابه بالمجالس والطم
وصوتنه ايضل بسمه يعله وللأبد ماينكظم

قرت بسمه الحناجر ... تظل هـاي الشعائر
لبو الباقر «»«» لبو الباقر
،،،،،،،،،،،،،،،،،،،،،،،،،
اليوم ياشيعه انــــوح اودمعتي سجـابه
ونصب المئتم ابگلبي وبقه اون لمصابه
بيهه نتشرف خدمته وحنـــه كنه احبابه
يگضي الحاجات واللــه لو وگفنه ابــابه

اظل دوم ابخدمته ... وطوف ابقه ابحظرته
لبو الباقر «» لبو الباقر
،،،،،،،،،،،،،،،،،،،،،،،،،
الخادم
كامل السعيدي

https://telegram.me/joinchat/CeHakD_QN04Rx7L1XpqRiA

(( قصيدة الامام السجاد ع ))

بيدي شدوهه السناسل.... بويــه بويــه
بالغـرب ماعدنـــه كافل.... بويــه بويــه
هدني يابويه المرض ولهم كثر
والسياط اعله المتن تركت اثـر
**********
بويه هد حيلي المرض وهواي اعاني
وينــي اويـن اليســر ومنين اجـــاني
ريت وياكــــــم متت يابويــــه آنـــي
ولاأظل ابحيرتــي ولوعـــت زمــاني

عالهزل دمعاتــي خلصن..... دمعه دمعه
من جمر عالـوجنه نزلن...... دمعه دمعه
عكَب عينك شاهدة درب اليسر
والسياط اعله المتن تركت اثـر
******
سافرت عني ورحـت رحله طويله
وآنــه بفراش المرض روحي عليله
هـذا أمر اللـه انكتب مابيدي حيله
بويــه غـير الصبـر ما أملك وسيله

بويه جـرح الطف كتني ..... يــدي يــدي
ماسكن ساعه ورحمني ..... يــدي يــدي
راح اظل ابحسرتي طول الدهر
والسياط اعله المتن تركت اثــر
*****
بويــــه حتى النـوم بعــــدك فاركَيته
وراســـك المكَطوع مالحظــه نسيته
خنصر أيـــدك مــــن اجيتك مالكَيته
كَطعته اسيـــوف الظـــلاله ودوريته

ابخنصــــرك دلاني كَلبي ..... شفته شفته
ابلوعه گمت اصرخ يربي ..... شفته شفته
وسفه جسمك عالترب صاير وذر
والسياط اعلـه المتن تركـت اثـر
******
شاهــدت بالكـــوفه يابويــه العجايب
الناس فرحـــانه ابذبحكـــم يلأطــايب
عمري خلص بالمئاســـــي وبالمصايب
ونته يسنين العمر عــن عيني غـــايب

عالتــــرب نامت جثثكم.... وسفه وسفه
والحـــــوافر رضرضتكم ... وسفه وسفه
روحي خلصت والعمر خلص سهر
والسيــــاط اعله المتن تركت اثـر
******
بويـــه برض الشام ماعـــدنه كَــرابه
بينـــه ابـــد مارحبو بتنه ابخــــــرابه
مارعــو آل النبـــي ودينــــه وكتــابه
ونامت اعيالك يبويــــه اعله التــرابه

امحيره اطفالك تريـدك..... احظر احظر
اشذنبك وحــزو وريدك .... احظر احظر
ليش عايفني ابحزن بويه وقهر
والسياط اعله المتن تركت اثـر
******

الخادم
كامل السعيدي

https://telegram.me/joinchat/CeHakD_QN04Rx7L1XpqRiA

ياحسين اويانه يمشي زائراً مهــدينه جـاي
شـايل ابچفــينه جربه ايـــوزع الـزوار ماي
ايوزع الزوار ماي

****
للـي يمــشي ماي مـــن اعيـونه وزع للـي يمشي
تسوه كلشي خدمتك يحسين عنده تسوه كلشي

ثـوب الزوارك امـن ادمــوعه
يبچـي دم الزينب المفجوعه
دربه خلص لوعـه تتبع لوعه
لجل سكنه الباليسر موجوعه

ثارچ ابهل رگبـه ناده … شعندي غيرچ يارجاي
شايل ابچفينه جـربه … ايـــوزع الـزاور مــاي

*****
بالمسـيره يمشي ويانه ابوصالح بالمسيره
هالشعيره حظر ويـانه حيـــاهه هالشعيره

يمشي ويـانه وتهل دمعاته
يذكـر السـوط ومتن عماته
بأذني احس اترددن كلماته
حسين ما اتخله عن ثاراته

الفرج اصبــح قريب … اويرتفع بيـــــدي لواي
شايل ابچفينه جربه … ايــوزع الـــزوار مــاي

******
هل بشاره يـامــن اتـزورون اسمعو هل بشاره
هل زيـاره امسجله ومقبوله منكــم هل زياره

اينـــادي فزتو يامــن اتزورونه
حســين كعبه واجب اطوفونه
واگفلكـــــم بالحـــشر تلگـــونه
حسين ما ينسه ألي ماينسونه

اينادي احرص يالتزوره.. وحافض اعله الخطوه هاي
شايل ابچفــــينه جربه.. ايــــــــوزع الــزوار مـــاي

********
ابگلبه صدعه من مصايب كربلاء ابگلبه صدعه
عنـــده رجعه باچــر وثارات ياخـذ عنده رجعه

ياحســين ايسبح ابخطواته
وبالمــواكب رفرفــن رايـاته
ايفطرن اجبال الصخر وناته
آه مـن طف كربله ولچمــاته

يمشي ويانه وينـادي ... حسين محبوبي وغلاي
شـايل ابچفبنه جربه ... ايــوزع الــزوار مــــاي

*******
علي اوياكم ايصيح اخافنكم تعبتو علي اوياكم
كل خطـاكم ما يضيعن لا وحقكــم كل خطاكــم

العاشقــــــــين الولّه ايسمــــــينه
وعل زيــاره والمشــــي ايهنـــينه
ايصيح ماخاب الگصد لحســـينه
زينــب اتسجله وتشكـره اسكينه

لعنده واهس عالزياره … ينول بالمحشر رضاي
شايل ابچفــينه جربه … ايوزع الـزوار مـــــاي
*******

الخادم
كامل السعيدي

https://telegram.me/joinchat/CeHakD_QN04Rx7L1XpqRiA

ازور ابن الزچيه .... رغم عل ناصبيه
اشيل الواي -- اجيه مشاي -- اصل للغاظريه
*****
ابتده عـــام المسيره وجله اهمومي الچثيره
گصـــدنه الكله غيره بجمع ماصــــح نضيره

بطريقه الكله واهس -- نصبنه اشگد مجالس
على المذبوح - اجيم النوح - اضل انصب عزيه
******
ركض للطف ركضنه نمـــــوت ابحبه صحنه
عهـــــد ويـاه كتبنه ابطريقه انضحي دمنه

ابو السجاد املنه -- خدم لترابه صرنه
اجيه ازحوف - الاوي الخوف - اشيل اسمه هويه
*******
ابمــرد الروس اجينه نواسي اخته الحزينه
دمــــع من دم بچينه عليـــــه وتألميــــــنه

تركنه ابيوت اهلنه -- وگصدنه انزوره كلنه
فلا انساك --- اضل اهواك --- انه الحــد المنيه
********
يضـل يكثر عــــددنه السنه اعله العام زدنه
بطريقه اشما ماتعبنه نحس تقصيــر عدنه

للنگطعت يســــــاره --- نجي ونقره الزيـاره
اجي ابكل عام -- اشد احزام -- أئديله التحيه
********
اله ابلهفه اعتنيــــنه الزمن شــاهد علينه
نطينه اچفوف ادينه ابزيـــــــارة اربعينه

ثمن لزيارته حسين --- امس قدمنه چفين
نقدم انحور -- اله ونزور -- امير الرافضيه
*********
الخادم
كامل السعيدي

https://telegram.me/joinchat/CeHakD_QN04Rx7L1XpqRiA

https://youtu.be/ki5oyw59v_w
كلمات كامل السعيدي
آداء المبدع حسين الفهداوي

عن لسان السجاد ع… عندما دفن الاجساد


ساعة الدفن ساعة الدفن
موجود جدي ابكربله
..........................
عمه زينب شــال الجســد بيدينه
عمه زينب شــــم ركَبته وجفينه
عمه زينب هــــز الجبال اونينه
عمه زينب ضل ينتحب لحسينه

ساعة الدفن ساعة الدفن
بجروحه ضل ايقبله
..........................
عمه زينب حيدر علـي مــولانه
عمه زينب بالدفنــه جان اويـانه
عمه زينب ضم الجسد بحضانه
عمه زينب يبجي وثكَيله احزانه

ساعة الدفن ساعة الدفن
بدموع عينه قسله
.......................
عمه زينب أم الحســــن شفنـــاهه
عمه زينب تبجي وذبحنه ابجــاهه
عمه زينب فكَـــــد الــــولد أذاهــه
عمه زينب ريتج حضرتي اوياهه

ساعة الدفن ساعة الدفن
كَلب امج الزهره انسله
...............................
عمه زينب نزلت ابـــوي ابحفـرته
عمه زينب ومــــلاك ربنـه الدفنته
عمه زينب يمـه اخــوته اوصحبته
عمه زينب فطـرت كَلبي امصيبته

ساعة الدفن ساعة الدفن
آلام روحــــي امحمله
.............................
عمه زينب عمي الحسن بالطف حظر
عمه زينب متئلم ومحنــــــــي الظهر
عمه زينب ضل يشتم اتــــراب الكَبر
عمه زينب وبوجهه مرســـــوم القهر

ساعة الدفن. ساعة الدفن
دم يبجي لحسين وهله
...........................

الخادم
كامل السعيدي

https://telegram.me/joinchat/CeHakD_QN04Rx7L1XpqRiA