الخُلود الحُسيني

الشاعر احمد الاعرجي:
لا... ابعيني نحرك ماسلم
لا... اليفك ريجك سهم
لا...مرلي لو حتى بحلم
امنيتي اخيط اعمامتك
بروحي وفرش صايتك
بحركه نادت عمتك
لا مانسيتك...

###############


كلي عبدالله اعلى بختك يمته تكبر ياكلف
يمتي يمشي وربعه يمه وتحسد عيونه السلف
انته نحرك مال ورده مورمح لا يا ترف
نام... خلني بعيونك رمش
نام... صدري بضلوعه انفرش
نام... بالكلب مو بالنعش
انه فاتح صدري ليك
روحي صارت روحي بيك
والكلب يسأل عليك
لا مانسيتك...


#######################



موعشك جنني عشكك يل خذت روح السمه
روحي ملهوفه اعلى شوفك ونته غطاك الدمه
متت لجن مات حيلي اي وحق دم فاطمه

طاح .. كلبي وي نورك نذر
طاح .. عمري وي عمرك غدر.
طاح .. من السمى ايطيح الكمر
عالرمح طال البجي
غربت ريحت هلي
صورتك ماتنسي
لا ما نسيتك...

###################

عذرني بويه الدفنه صعبه بصدري ياروح الحمام
ادري صدري اعليك ياذي ضلوع متكسره وعضام
لجن ماكو فياي عندي وتسترك عود السهام
وين...غايتك وشتنتضر
وين...زينبك طكها الشمر
وين...بالحرب مامش عمر
زينب شكد حبتك
تكبر شكد رادتك
تحمي خيمت عمتك
لا ما نسيتك...

#####################

امك الصفطت املها ورادتك حيد وجثل
روح شوف امك يغالي شلون مجتوفه بحبل
لون صاحت هذا ابني يضرب براسك نذل
شام... ياكل امتون الحرم
شام... ابلا كفيل ولا خيم
شام... وسفه امك يم زلم
باجر امك تنتضر
طارش يجيب الخبر
يصيح مهدي المنتضر
لا ما نسيتك...

####################

شايل جروح المدنيه وخلصت دم كربله
الله ياخذ روح كلمن ما رحم ب العايله
رقيه جانت يم ابوها زغيره حيل مدلله
مات... ابني وبنيتي بغدر
مات... كلبي بفراك الصبر
مات... حرمله وشاف النحر
نار كلبي تسري نار
الموت مو مالت زغار
شلتك بحفرت صدر
لا مانسيتك...
###################

المهدي حنه اجفوفه بيك والله يستر لوضهر
يشربك ماي بجربته وياخذ بثار النحر
عجل الله اوليدي كول وبلكي نخلي من القهر
ثار... صيح بدروب السبي
ثار... ماوكف حرك العبي
ثار... خل يهد شبل النبي
لهسه يبجي ومفترك
يحرك بروحه حرك
يسمع اذان العشك
لا مانسيتك..

احمد الاعرجي

قصائد محرم الحرام 2018
فزاعيـــــه
(لهلال شهر محرم الحرام )

""""""""""""""""""''''"""""""""""""""""""""""""""""""""
إليه اعتاب انه وياك
ياشهر الحزن والنوح

""""""""""""""""""''''"""""""""""""""""""""""""""""""""
علي ياريت لاهليت
بجيتك تدري أتاذيت
لاخوان الي خليت
ونيت بحزن ونيت
اويايه ون حمام الدوح

""""""""""""""""""''''"""""""""""""""""""""""""""""""""
هلالك ريته ماجاني
بجيتك زاد احزاني
ماتوا وسفه خواني
وصار الحزن عنواني
ماتحمل صبر هالروح

""""""""""""""""""''''"""""""""""""""""""""""""""""""""
لوعات وحزن ومصاب
ودمعي بكل وكت سجاب
كلبي من الحزن هالشاب
إليه وياك انه اعتاب
تجيني بكل سنة وتروح

""""""""""""""""""''''"""""""""""""""""""""""""""""""""
ياذنب الجنيته وياك
اضوجن من يمر طرواك
ماأكدر ابد أنساك
ماترجع ابد ردناك
ودمعي بكل وكت مسفوح

""""""""""""""""""''''"""""""""""""""""""""""""""""""""
بجال حسين والعباس
بيهم أرفع انه الراس
ماشافت خيالي الناس
وخدري صار اله مقياس
بفكدهم كلبي ضل مجروح

""""""""""""""""""''''"""""""""""""""""""""""""""""""""
خذت مني أعز اثنين
وين تريد بيهم وين
خذاهم مني وسفه البين
عباس الكمر وحسين
شفته على الترب مطروح

""""""""""""""""""''''"""""""""""""""""""""""""""""""""
الشاعر عماد الدراجي
الأحد 13/8/2017

قصائد محرم الحرام 2018
قصيدة ( مقدمه مجلس )
""""""""""""""""""""""""""""""""""""""""""""""""""
الليله الحسين جمعهم الليلة الحسين
سولفلهم عن وضعهم الليلة الحسين
لومشينه لكربله ياهو يحمي العايله
"""""""""""""""""""""""""""""""""""""""""1""""""
الليله الحسين جمعهم اجو يمه احبابه
زغار وكبار الجمعهم اجو كل اصحابه
سولفلهم عن وضعهم ودمعته سجابه
وصار هو يشرحلهم قصته اوعذابه
الزغير والله والجبير سولفلهم عاليصير
لكن أكبر مشكله ياهو يحمي العايله
"""""""""""""""""""""""""""""""""""""""""2""""""
سولف لزينب الحره وكلها يابت الابي
تحترك بأجر خيمتج والنار توصل للعبي
حضري روحج يالعقيله واستعدي للسبي
باجر بلايه كفيل يحدي ضعنج اجنبي
تبقين خويه بلاكفيل بعدي عدوانج تعيل
ادري بيج مدلله ياهو يحمي العايله
"""""""""""""""""""""""""""""""""""""""""3""""""
وانته ياعباس خويه اسمعني خويه يالكمر
كافل لزينب واعرفك الها دكيت الصدر
دوم لاختك ياابوفاضل الها متخالف امر باجر سكينه تندبك وانته تكصدر للنهر
باجر بيوم الطفوف تبقى خويه بلاجفوف
طيحتك أصعب مسأله ياهو يحمي العايله
"""""""""""""""""""""""""""""""""""""""""4""""""
ادني يارمله إليه سمعي ياام الشباب
قصتج كلش طويله بيها أنواع العذاب
باجر تشوفين ابنج حنته ودمه خضاب
بعرسه متفرحين انتي تشوفينه مرمي عالتراب
زفته بنص الحرب وموقفه كلش صعب
الموت هو استقبله ياهو يحمي العايله
"""""""""""""""""""""""""""""""""""""""""5""""""
وانتي ياليله تعالي ادني ياام الولد
وليدج وللحرب باجر والله هو لوكصد
تدعين بالخيمه اله كون الج سالم يرد
عطشان يرجعلج يرمله ذبلانه شفته والجبد
عطشان ويريد الماي برجعته الأكبر هاي
بهل العطش هو ابتله ياهو يحمي العايله
""""""""""""""""""""""""""""""""""""""""6"""""""
عبدالله باجر يارباب بيدي انه ينذبح
باجر يذبحوني انه ويعلكون راسي عالرمح
باجر تموت الزلم وعالارض دمها ينسفح
والله كله هذا يصير من يطر فجر الصبح
عبدالله باجر ينحرم ينضرب نحره بالسهم
بسهم صابه حرمله ياهو يحمي العايله
""""""""""""""""""""""""""""""""""""""""""""""""""

الشاعر عماد محمد الدراجي
الجمعه 2018/8/3

قصائد محرم الحرام 2018
( نزلـــه) لهلال شهر محرم الحرام
☆☆☆☆☆☆☆☆☆☆☆☆☆☆☆☆☆☆☆
صحت لاهليت يهلال الحزن
من تهل انته علينه جم مصيبه تجيب لينه
مني اخذت أخواني كل هلي ووليـــــــاني
☆☆☆☆☆☆☆☆☆☆☆☆☆☆☆☆☆☆☆
يـاشــهــر لـمــن تـهــل يلفـــي ويـاك الحـــزن
هل الشهر عذبني وألله من البجي عيوني عمن
مــن يهل هو عــــــلي أذكر أيامي الـــــــمضن
جم مصيبه شفـــت أنه بيهــا كلبـــي ممتـــــحن
من يهل هــو ويـــــجي يزيـــــدني نــوح وبــجي
بيـا أمــــــل خلانـــــــي كل هلي وولياني
☆☆☆☆☆☆☆☆☆☆☆☆☆☆☆☆☆☆☆
يـاشهـــر لمــن تـــــهل وألله مــاشـــوف الفـــرح
بيك محتاره اضــــــــل وكلبـــي مـامــره أنشرح
كلبـــي مــايحمــل بعـــد وألله مـــــصاب وجــرح
ياشهـــر لـمــن تــــهــل باب لاحزانــــي أنفتـــح
هــل شهــر لمــن يهـــل منـــي يـــاخـــذ كل أمـل
أم الــحـــزن ســـمــانــي كـل هــلي ووليـــانـــــي
☆☆☆☆☆☆☆☆☆☆☆☆☆☆☆☆☆☆☆
ياشـهــر لـمـن تـهــل تذكرني بأصعب الم
اتـذكـرت كل الجـــره أتــذكر حــرك الخيم
أتذكرت عباس أخوي ذاكــه شـيــال الـعــلم
على النهرياوسفه طاح ونابت بعينـه السـهـم
كافـلي مــنـي خــذيــت وأنه ياوسفه أنسبيت
بــدت قصـت أحـزاني كل هلي ووليانـــــي
☆☆☆☆☆☆☆☆☆☆☆☆☆☆☆☆☆☆☆
يـــاشهـر لـمــن تهـــل أبجي بحركه وأنيـن
لان بيك انــــه افكــدت وألله أخواني ألاثنيـن
وسفـــه لمـن شاهدتــهم على الغبره أمـدديــن
وأبـــو السجـاد الآبــــي وسفـه الغالي الحسين
شفـته طــايـــح عالثـــره ويلـي حـزوا منحـره
موقــفـــه أذانـــــــي كـل هلي ووليــاني
☆☆☆☆☆☆☆☆☆☆☆☆☆☆☆☆☆☆☆
يـــاشـــهـر لـمــن تهــل كـلبـي زادت مـحــنـته
أتذكر العريـــس جــاسم مــات بــيــده حــنـــتــه
عطشان الاكبـر مالكـــه مــــاي يــــروي جبدته
عطشـــان عبـدالله بــقــه تناطر أمه جـيــــــتــــــه
زيـــدتـلي امصـــــــابــي مـــــن أخــذت أحبـــابـي
فاكــــده خــــلانـــي كـل هـلــــي وولـيـانـــــي
☆☆☆☆☆☆☆☆☆☆☆☆☆☆☆☆☆☆☆
ياشهـــر لمــن تهـــــل بعــد منـــي وشـتريــــــد
تــالي عمــري للسبـي يكيدونــــــــــــي بالحديــد
والشمر بـــــعد الكــمر بيده ياخـــــذني ليزيــــد
رادنه ننـكـر البــيعـــه وراد نـصــبـحــله عبـــــيد
كتـله وأنـــه ام الصـبر أبـد ماتمــــــحي الذكـــــر
اسمـي وعنــواني كل هـلي وولـيـاني
☆☆☆☆☆☆☆☆☆☆☆☆☆☆☆☆☆☆☆
الشاعر عماد الدراجي
الاربعاء 27|7|2016

قصائد محرم الحرام 2018
قصيده رئيسيه
(لهلال شهر محرم الحرام )
******************
بكلبي حسرات وقهر من يمر بيه الشهر
انه زينب انه زينب

جني اشم ريحة حزن أيامه جنهن كربن
انه زينب انه زينب
******************
شلون انام الليل كلبي بيش اصبره
شلون انام وكلبي كل لحظه تعصره
ذكريات الطف تراهن خلي بكلبي الحسره
بجيته هواي مواقف صعبه كلها وخطره
لاتجي يهلال الحزن
عمري خلصته اون
انه زينب انه زينب

بكلبي ضلت حسرتك
خبر ماكو بجيتك
انه زينب انه زينب
******************
من اذكرك ياشهر ويمر بيه هالاسم
الذكريات كبالي تكثر تذكرت حرك الخيم
أتذكر سكينه ورقية وعبدالله الصابه السهم
وأذكر حسين وكفيلي عباس شيال العلم
راحوا اهلي وناسي
وأنه شيب راسي
انه زينب انه زينب

بجيتك تدري ياشهـــر
خذت احباب العمر
انه زينب انه زينب
******************
اشرب الماي واغصن من يمر طاري هالشهر
معناها عباس الكفيل طاح مرمي عالنهر
بطيحته الخوه انتهت انتهت عشره هالعمر
معناها أبقه بلاكفيل واستعد والله لليسر

موقفي كلش صعب
ابد ميحمله الكلب
انه زينب انه زينب

ماكو فرحه بهالشهر
عشت أيامه بقهر
انه زينب انه زينب
******************
لاهله بجيتك اكولن والله اكولن لاهله
ياشهر بهلالك انته تذكرني والله بكربله
بيها فكديت الحسين وعباس راعي المرجله
أحلام عمري اتفرهدت من سبوها العايله
صعبه صعبه حالتي
وكلفه والله شدتي
انه زينب انه زينب

لا تجيني ولاتهل
بجيتك ماضلي أملي
انه زينب انه زينب
******************
قصد والله بجيتك والله عندك غايه
خليتني انه وهلي للشام نمشي اسبايه
وأنه تربات الهواشم اجدامي تالي مجوايه
الله يستر ياشهر صعبه جيتك هايه
جيتني وجبت الدمع
خليت كلبي منفجع
انه زينب انه زينب

خليت كلبي محتار
بحالي ماتدري شصار
انه زينب انه زينب
******************
الشاعر عماد الدراجي
الأربعاء 8/8/2018

*يَا سَفيرُ السَّلام ... يَا عَزيزُ الكِرامِ *
*السَّلامُ عَلَيْكَ يَا سَفير الحُسَيْن*

————— (١) —————

يا سفير الله و رسوله .. يل حملت أعظم رسالة
توّجك تاج البطوله .. الله الباري تعالى
حيدري بصوله و جوله .. في ميادين البساله
و يكفي لك إبن البتوله .. واصفك خيرة رجاله

*يَا عَظيمَ المَقام ... حار فِيكَ الكَلام*
*السَّلامُ عَلَيْكَ يَا سَفيرُ الحُسَين*

————— (٢) —————

أنته يا سيف الهواشم .. يأعلى من أعلى مناره
سطّرت أروع ملاحم .. من على سطح الإماره
و للحسين إبن المكارم .. أسست فرض الزياره
تمشيى إعلى الموت عازم .. ابكل يقين و كل جداره

*شامِخًا كَالْجِبَال ... يَا شَديدُ الفَعّال*
*السَّلامُ عَلَيْكَ يَا سَفيرُ الحُسَيْن*

————— (٣) —————

من جبينك يا أبو طاهر .. أشرقت شمس العقيدة
تحچي ابصوت الضماير .. نبرتك صوت الصميدة
عجبه متلين المشاعر .. و لجلك اتلين الحديده
عميه لاچنها البصاير .. ما تشوف إلا التريده

*صَافِيًا كَالُوجِينْ ... يَا حَبيب الحُسَيْن*
*السَّلامُ عَلَيْكَ يَا سَفيرُ الحُسَيْن*

————— (٤) —————


مسلم يا عالي المقامي .. تخجل الشمس بصروحك
ابعث آهاتي و سلامي .. إعلى كل جرح ابجروحك
مبدئك للنصره سامي .. ترضي الزهره طموحك
و كل عضو ينزف و دامي .. خلا هالدنيا تنوحك

*سَالْ دَمْعُ السَّماء . . . فِيكَ صُبْحٌ مَساء*
*السَّلامُ عَلَيْكَ يَا سَفيرُ الحُسَيْن*

————— (٥) —————

اغلى من كل غالي دمك .. و كل شي بحسين يغلى
منهو مثلك لبن عمك .. وافي و كل شي تبذله
الله رافع ذكر أسمك .. او جاعلك كل يوم تعلى
و شُّبه إلهم إن جسمك .. انجر بحبال المذله

*رَغْمَ حَبْلِ الجُهود ... نِلَتْ عَزّ الخُلود*
*السَّلامُ عَلَيْكَ يَا سَفيرُ الحُسَيْن*

————— (٦) —————

الدما السالت من شفاك .. شيّدت موطن خلودك
الله سبحانه اللي علاك .. من تحت موضع سجودك
مرقدك مهوى للملاك .. و صارت أتطوف بحدودك
و اليزور الكوفه يلقاك .. تمطر الزاير بجودك

*أَنْتَ بَابُ العَطاء ... يَا سَفيرُ السَّماء*
*السَّلامُ عَلَيْكَ يَا سَفيرُ الحُسَيْن*

وزن الشيعتي - ملمع

مفضل_حبيب

عباس راعــي الكلفــات ــ سيفه جمر يتلظه

راعي الكلايــف والنعــم مــن عبـاس
بيوم الحرب ينزل غضب عالارجاس
بصولاتــه معروف الگمــر رفعة راس

طب الگمر للميــدان ــ اترجل بطوله وعرضـه

حمـلاتـــه لبصفيـــن كررهــــا اليوم
ضنوة علي بسوح الحرايب جيدوم
مثل الصگر بالمعركه بسيفه ايحوم

اتوجب جهاده بهاليوم ــ راح ويـأدي فرضــه

اطفاله عطشانه وجمـــر بحشاهــا
للمشرعـــه يشوبـــح نظــر عيناهـا
واعدهـــم العبــــاس يتــعنــاهـــــا

سكنه اطلبت منه الماي ــ بالماي بلچن تحظه

لــم النهـــر بالجــود شبــل الكــرار
وامــن العطش چبدتــه تتوجر نار
صوب النهــر لمــن ابأنظــاره اندار

شلون اشرب الماي شلون ـ للعذب نفسي اترفضه

دون الحسيــن شلـــون منـه اتروه
واطفــال عنده امـن العطش تتلوه
آنـــه الصبـــور وبالصبــــر اتگـــوه

ذب العــذب هالوفــــاي ــ من چفــه گام اينفضه

كمنوله اهل الغدر خلف الاشجار
حاطوه من كل كتر گوم الاشرار
گطعو يمينه وعگبه گطعو ليسار

وبراسه صابه العامــود ــ وبعمره آخــر لحظـه

سهم الرزيه صَوَّبَه ابوسـط العين
إدركني ناده يـا عضيدي يحسين
لمصرعه اتوجه والگلب بي نارين

خويه انكسر ظهري اعليك ــ راح الگمر شيعوضه

عمار الراشدي

السلام علئ،الحسين وعلئ،علي ابن الحسين وعلئ،اولاد الحسين وعلئ اصحاب الحسين /حينما قال الحسين ع اتخذو من ليلكم جملا وانتم في حل مني فان القوم يطلبوني دخل جون خيمه الحسين ودموعه عليه خديه




//////////////////////


جون طب الخيمه حسين العميد
گعد عالگاع ويبوس اجدامه
صاح ابو السجاد ياسبع السباع
شيل راسك لا تدنگ الهامه


////////////


سيدي اترجاك بضلوع البتول
لا تفشلني وتخيب اضنوني
انه مخلوق بنسب كلش لئيم
لوني اسود هل تشاهد لوني
چنت الحس بالقصع وكت النفاه
هسه اعوفنكم صدگ تردوني
لا وحق النصبه بيوم الغدير
ما اعوفنكم لون عفتوني

الا اخضب شيبتي بيوم الطفوف
دونك ودهرك اصد اسهامه
صاح ابو السجاد ياسبع السباع
شيل راسك لا تدنگ الهامه


////////////////


سلمه الرايه وفرح بيها الحنين
گال والزهره لگرن عينك
اسنين مطلوب الكم بهذا الولاء
وحانت الساعه اسدد دينك
كون تسمحلي بطلب يمك اخير
خل ابوسن سيدي چفينك
حتئ اروحن للحرب شايل وسام
وعطر عنبر چي بستها ايمينك

الا اعلمها الزلم معنه الوفاء
گام جون بحرگه شد الثامه


///////////////



فات للحومه ورعد بيها العنيد
خله يوم الطف بچت فرسانها
انترست الگاع بجثث وكت النزال
وگام ما يحلگ عليه دفانها
تيهت فرسانها منين الطريق
گام تشرد بس ترد لمچانها
گطع اجساد اشكثر وكت الحصاد
اليوم يومه وهوش ابميدانها

انه جون المشتهي ايضوگ الحميم
خل يگابلني ويعوف احلامه


//////////////


چان عطشان وبهظ جسمه الحديد
رغم هذا وهد عليهم زلزله
سوه يوم مثل يوم الحساب
تشهد الهل ساعه ضلت كربله
كثرت اجروحه اوگع مثل الشهاب
سيد الحومه وعضيد المرجله
صاح يبن الطاهره اعليك السلام
غمض اعيونه ونضر عقد الوله

شاف موكب للحسن راعي المضيف
يبهج الروح النظر لعلامه



///////////////



گعد يمه حسين ويهل الدموع
حاشه من تقصيرك اوفيتنه
شال چفه وبالعجل يدعي الحسين
ربي كلشي انطينه وانته انطيتنه
مسج ريحه ولونه ابيض حيل اريد
وانته ما مره بطلب رديتنه
واستحاب الله الحبيبه ونفذاه
وصار مثل الراده شمعة بيتنه

حير حسين وعلي ارباب العقول
والزمن كله ورعات اقلامه




//////////////



قليل البضاعه
كثير الاضاعه

فاضل الغريباوي

عباس....وارث علي غيرة علي
عباس....دك صدره كلــي ادللي
من كتله عطشانه أشميت دخانـــه
دك صدره كلي أدللي
..................................
أخوي احزام ضهري وكحلة أعيوني
عليه الناس كــــــــــل الناس حسدوني
كــــــمر فدوه شحلاته وبسمه سموني
أخت عباس مـــــــــــن أسمه يهابوني
رحت ردت منه أطلب الماي
وكـف هتف كــلي النهر جاي
عباس....اي والنعم مـــن كافلي
عباس....وارث علي غيرة علي
من كتله عطشانه أشتميت دخــــانه
دك صدره كلي أدللي
...................................
لبس درعه أبو فاضل واعتنه بزوده
ومــــن أبعيد أشوف الشمر واجنوده
ضموا روسهم مـــــا وصلوا احدوده
واخـــــــو زينب نزل يتبختر ابجوده
نزل حمل وصاحوا بلا شوف
عـي علـي مـــــن شدة الخوف
عباس....أمـن ابعيد وايأشر ألي
عباس....وارث علي غيرة علي
من كتله عطشانه أشتميت دخـــانه
دك صدره كلي أدللي
...............................................
بــــدت تدوي المعارة وهوس الكافل
اوفوك اصدورهم ضل صاعد ونازل
علي واحــــــد يكول وذاك ابو فاضل
محتاره الزلم يـــــــــاهو اللذي ايقاتل
الشرد لبـــد وضل يحسب انفاس
نضر بصر حـــــــــي الله عباس
عباس....خل يجي ايشوفه عاذلي
عباس....وارث علي غيــرة علي
من كتله عطشانه أشتميت دخـــــانه
دك صدره كلي أدللي
.................................................
وصل صوب الشريعه وحاله موتنـي
وشال الماي بيده وعينه صدتنــــــــي
كال أشلون أشرب واختي وصتنــــي
أمي أم البنين وهيــــــــــــــــه ربتني
العمر نـذر الزينب فده ايروح
عهــد وعد ألا ارد مذبــــــوح
عباس....فدوه الك آنـــــه وهلي
عباس....وارث علي غيرة علي
من كتله عطشانه أشتميت دخــــــانه
دك صدره كلي أدللي
...........................................
ترس جوده ورجع يمش اعله طوله
والفرسان من كل صوب اجولــــــه
بنوا حاجز زلــــــــم منعوا وصوله
وعلى كد العدد نبلـــــــــــــة رموله
طحت صحت خويه الوعد ويـن
وكـــع كطـــع بيــه وعمه العين
عباس....ياهو اللي يعدل محملي
عباس....وارث علي غيـرة علي
من كتله عطشانه أشتميت دخـــــانه
دك صدره كلي أدللي
.................................................
خادم خدمة الحسين
الشاعر
محمد الموالي

قصيده عن الشرف الخدمه

اخـدم ابيقيني والدمــوع بعيني
بالحشر مابالي و الشفيع حسيني

المثلي هنياله بخــدمـتـــه بالحشر ميبالي
لان اني الي اخــدمـه اغله من كل غــالي
خلهم يگــولــون عــني خــادم ومـغــالي
بالحشر سلطان چني امشي راسي عالي
حسيني مايتعذر بالگبر هم يحضر
بالحشر مابالي والشفيع حسيني

--------------------------------
حقي لو جنيت اني بشوگي وبهــيـــامي
لان بحسين وخدمته يــرتـفع مــقــــامي
هو من انذبح لجلي وطاح بالطف ضامي
حسين عنواني وهويتي وافتخر امـامي
افتخر بالمحشر حسين اليه مصدر
بالحشر مابالي والشفيــع حسيني

-------------------------------


بخدمتي البيها خدمته چان يعرف نيتي
حسين سوالي هـويه ا وقع بهــويــتـي
جابني وخلاني اخدم اتكـفل بتــربيــتـي
عالبشر افتخر هسه حسين عله صيتي
من العدم سواني وخادمه خـــلاني
بالحشر مابــالي والشفيع حسيني

----------------------------

خلي يسمعني الموالي اليحضر المجالس
لا تقصر بالخدامه وخلي عـنـدك واهـس
ماي وزع نظف انته وبره اوگف حارس
وباللطم خلي مثالك خلي يصبح عـــابس
بمحشر القيامـه اتفيدك الخدامـــه
بالحشر مابـالي والشفيع حسيني

--------------------------------

اليخدم حسين بتفاني يــرتفــع مقامه
الخادم وضحه بحياته ايكـرمه امامه
هواي گبلي وگبلك انته نالـو الكرامه
وكتبت الزهره اسمهم بدفتر الخدامه
القدم الها عمره ماتعـوفه الزهره
بالحشر مابـالي والشفيع حسيني

----------------------------------
شاعر و رادود اذكر خــدمـــو الشعــايــر
كاظم المنظــــور باقي وساكن الضمايـــر
وحمزه ربك عله صيته بالمجالس حاضر
لان خادم چان مخلص خــلــدتــه المنابـر
الباري ومعليهم نقتدي خل بيهم
بالحشر مابــالي والشفيع حسيني


الشاعر السيد رياض الرسل الجابري