- بحبك ..
- قصدك رح تتحملني؟
- ماني فهمان
- أنا كلي عيوب !
- أنتِ جميلة .
- ماني جميلة أنا عصبية ومتسرعة ومرَّات بكون غبية وجبانة.. أنا بزعل وبسكت وببعد وما بعاتب، أنا صعب تفهمني وتعرف شبني لإنه أنا بطلت اعرف شبني

أنا منطفية وكئيبة وحزينة ودمي تقيل وتعبانة وبصدع، دايمًا الصداع بدمرلي يومي، بخليني قلك بكرهك وأنا ما بكرهك، ماني اجتماعية ومابحب الإختلاط وبغار كتير، وبخنق إللي بيحبوني ورح أخنقك وما رح تعرف تتنفس، أنا بعيط وما بستحي من هالشي، ممكن عيط بالشارع قدام الناس أو وأنا باكل أو وأنا بضحك حتى، رح تحسني باردة مع إني مو هيك بس ماعندي طاقة أبدًا لأي شي فهمان.. أنا بطيئة وإللي بدو إياني لازم يتحمل ويحاول معي مرة ومرتين وعشرة وما يمل لإني بخاف سلم قلبي لشخص، أنا منطوية ومنعزلة وروحي مو حلوة، روحي متبهدلة حزن وكسر خاطر وخذلان…

وعيوب كتير، أنا صندوق أسود مسكَّر، أرجوك ما تفتحه لإنك رح تجرب وأنا رح أحاول أعطيك فرصة مشاني لإني محتاجتها يمكن كون أحسن .. يمكن تكون أنتَ المختلف إللي روحي بتستناه، بس أنت رح تمل وأنا رح أفتح صندوقي عالفاضي وما رح يطولني غير الوجع …

- خلصتي؟
- اي، رح تروح صح؟
- رح نروح!
- لحالك؟
- لحالنا!
- شيل النون!
- لأ
- ليش ؟
- لإني بحبك!
- قصدك رح تتحملني؟
- مو شايفك عبء! 🖤