🌸الصّحبة الصّالحة🌸

-كُل وحدة فيكم تحرص علي نفسها إنّها تكون هيّا الصالحة بين صاحباتها هيا يلي تصلحهم🌸🌸

مش كل وحدة تقول ياريت نلقى بنت كويسة!

-خلّيك إنتِ الكويسة وإنتِ الصّالحة صلحي علاقتك مع ربّي صلي صلواتك بنوافلها ديري أيام صيمي فيها ديري حزب في اليوم أقريه رد بالك تنسي أذكارك خليك في حصن الله المنيع🌸🌸

-والصّحبة مش شرط في الوقت الحالي تكون في الواقع فقط بل تكون حتى في المواقع مرّات تتعرفي ع أشخاص حرفياً تحبّيهم في الله ومرّات حتى ترفقيهم بجانب دعواتك وإنتِ مش عارفة شكلهم أصلاً!!

تعرفو علاش^^

-لأن الصّحبة الحقيقية هيا يلي تذكرك بالله وبذلك ربي حيخلّي العلاقة قوية بيناتكم رغم قلّة اللقاءات ورغم قلّة المكالمات 🌸🌸

-تعرفي علاش قتلك كوني صالحة إنتِ قبل صاحباتك لأن بعدها ربّي حيقرّب منّك البنت الكويسة وحيباعد عليك البنت يلي مش كويسة هوا ربي بلطفه بيك لمّا عرف إنك تغيرتي حيلطف بيك ويرزقك من فضله من غير مالدّوري🌸🌸

-أمّا إنّك تقعدي زي ما إنتِ والدّوري في البنات الكويسات بس مش حتستفيدي إلا لو غيّرتي من نفسك أوّلاً وبعدها ربي فعلا حيرزقك بالصّحبة الصّالحة🌸🌸

🌸"من لطف الله بعبده أن يقيّض له إخواناً صالحين ورفقاء متّقين يعينونه على الخير ويشدّون من أزره في سلَك سبيل الاستقامة والبُعد عن سبيل الهلاك والانحراف" 🌸