نصيحة يا شباب:
أي حد بيشتغل كتير ع لاب أو كمبيوتر يخلي باله كويس جدا من صحته، خصوصا العظام والأوتار.
لسة راجعة من شوية من عند دكتور أعصاب واتشخصت بالتهاب في أوتار إيدي خاصة عند الإبهام، وخدت أجازة أسبوع من الشغل والرياضة
وده بسبب استخدامي الماوس بشكل مكثف في حاجات دقيقة.
فاسمحولي أكتب tips سريعة كده عشان الوقاية خير من العلاج 😁❤️
لو بتستخدم الماوس كتير:
- خصوصا لو في مهام دقيقة زي الديزاين والعروض التقديمية وكده ريح إيدك أثناء الشغل كل شوية واعمل تمارين تساعدك على تخفيف الضغط والشد اللي حاصل عأوتار وأعصاب إيدك.
تمارين مقترحة:
https://youtu.be/-UtPZqNQuHU- بقترح برده تستخدم مسند للرسغ تحت إيدك وانت بتستخدم الماوس، بتساعد كتير في تخفيف ال strain في اليد والذراع.
- جرب تستخدم vertical mouse ماوس رأسي، وضعية الإيد فيه أفضل بكتييير جدا وأقرب للطبيعي، والريفيوهات عليهم بتقول إنه بيساعد جداا في تخفيف آلام اليد.
»»»»»»»»»»»»»
أما بقى لو بتكتب بشكل مكثف على الكيبورد:
- يفضل جداااااااا تجيب كيبورد ميكانيكية mechanical keyboard، هي غالية شوية، بس اللي بيكتب كتير عالكسبورد عارف الفرق بينها وبين ال membrane keyboard العادي في الراحة أثناء الكتابة.
للمزيد عن فوائد الكيبورد الميكانيكية:
https://techshift.net/5-reasons-why-you-should-buy-a-mechanical-keyboard/- وكمان دراعك يبقى في وضعية صحيحة والكيبورد في مستوى كوعك، يعني مش أعلى ولا أوطى منه.
»»»»»»»»»»»»»»
بالنسبة بقى لظهرك ورقبتك:
- اشتري كرسي طبي، وطبي هنا يعني:
بيدعم الفقرات القطنية
ويسند دراعك
وطوله مناسب ليك، وأشياء أخرى
- وحاول قدر الإمكان تخلي شاشة الجهاز في مستوى عينك مباشرة، يعني متبقاش طول ساعات شغلك موطي راسك لمستوى المكتب.
طب لو بكتب عاللاب؟
بسيطة جدا، ارفع اللاب لمستوى عينك عادي بأي وسيلة (في رافعة خاصة لو حابب تشتري، شكلها في الكومنتات، أو أي حاجة عندك في البيت بس خلي بالك لو التهوية بتاع اللاب من تحت متسدهاش)
وطبعا في تمارين كل شوية بتقوم تعملها وإنت شغال.
»»»»»»»»»»»»»
أما بقى الكرش والجناب اللي بتطلع:
العب رياضة بانتظام وخفف السكر (الغيه أصلا لو تقدر والله 🙈)، ملهاش حل تاني
وأخيييرا
لو بدأت تحس بشد أو آلام خفيفة يا ريت متستناش لما الحالة تطور لحد ما تطلب تدخل جراحي أو علاج بالكورتيزون.
الحق نفسك من بدري، وربنا يحفظكم جميعا ❤️
.
#منقول #مشكلات_وحلول
