مهند المياحي

من الارشيف

https://youtu.be/UuU4KV0r3Rw

نقلاً عن احد المجاهدين الابطال الذين لبو نداء الجهاد عن العراق والمقدسات : أنه رأى في منامه السيدة زينب عليها وهي تقول(#لو_چان_الحشد_بالطف_ما_جان_انسبيت ) ..
وبخصوص هذا الموضوع نضع بين يدي خدام الحسين ( ع ) هذه القصيدة عن لسان حال السيدة زينب ( عليها السلام )



متهـمني الــمخـاطر لو حشد الله حـاضر
بالطـــف مـا بچيت
يالـــكــلـــكــم حــمـــــيه وتــفـــزعــــون الــــــــــيه
مـا چــان نســبيت
..............

ولله لو بالطف حضرتوا ما شفت لوعه وألم
لا حـبل ينـشـد بديه ولا شــفــت حـرگ الخيم
بالــكـــفائـيه فـزعــتوا والوطـن شــد الــعـزم
شلون اذا نفسه الحسين يصيح حي الله الزلم

اعرفكم غيارى منبع للصـداره
اتباهــا ونخيت
وبذيج المـسيه وتفزعون اليه
ما چان نسبيت

****

والنعــم منكم اشـــــاوس صــدك لبيتو الفرض
شلون متهون الكلافـــه ويا علــي يقره النبض
ولله غــيرتكـــم عـجـيبه مـــنـها تهـــتز الارض
الخوف منكم ولله خايف روحـــه كامت تنقبض

من يدنه لخيمنـه چا محـد هضمـنه
ولا انـي تلوعيت
نخــوة هاشمـــيه وتفــزعون الـيه
مـا چــان نسبيت

*

ما طلع صوتي ويسمعه شامــــت ويضحك تره
ولله لـــو بالـطـــف حضـرتو ما رحـت متيسـره
منهو يتـجرئ يطگـني ويـشتـم امــي الـطـاهره
ولا بقـيت بــوحـــــدي آنــي بــلا أهل متحـيـره

يا وسـفه وحسـافه شامت ضلي شـافه
واتحـســـــر بقـيت
برض الغـــاضـريه وتفـــزعــون الــيه
ما چـــــان نسبيت

**

ويه ابو فاضل واشوفن هــالحشد عالمشرعه
چــــان مـــا عطـشـت رقــيه ولا دليلي تلوعـه
ولا اشوف حسين محني ظهره ويهل مدمعـــه
يلتفت ويگـلي زينب جـفـوف اخــونه مگـطعه

حـشد الله ويعينه ما صابوها عينه
بفراگه انچـويـت
ما شـفت الرزيه وتفـــزعون الـيه
ما چـــان نسبيت

****

انتو ممزوج بدمـاكـــم حب علي خير العمل
بزودكم ضليت اميره وما شفت نوگ الهزل
الحَسَـك ما اذى جــدمـي ولا أهــم اني بطفل
ولا شــمر ينده يزينب شــوفـي اخيج ينجتل

لا مدمــع جريته لا ظــالــم رجيته
لا وحدي صفيت
لا گالــــوا سبيه وتفــزعون اليه
ما چـان نسبيت

****

لهسه جــــرح الكوفة بيه وآه يا شام المحن
بت علي حامــي الحميه جفوف اديه اتگيدن
مـــــا اطب ديـوان شـامـت والثكالــى تلوعن
يمي لو حشد الله حاضر ما قسه وياي الزمن

ما شوفن هضيمه مــــا افـگـد يتيمه
من هـمي انحنيت
مـــا شـفت الاذيه وتفــزعــون اليه
ما چـــان نسبيت

مهند المياحي

https://t.me/joinchat/AAAAAEIvLXf6xYPWqvn04A

شوط كربلائي :

روح اتصفح الـقرآن شوف شتحوي آياته
أسال سورة الاسراء تذكــــــرلك معـــاناته

****

عـن مبدأ حجـيت وياك مصدر مـا عـليه اشكال
مــــا جــامـلت بالتفسير ولا احچي بلسان الحال
مـو اني الحجيت بهاي صـدك ســورة الانفــال

عبد الاعـلــى يرويـــها
مثل ما خص علي بيها
الإمــــامة لأبنه منطيها

جلت قدرة الجـــبار اذا ينطقها چلمـاته
****


نصـت آية التـــطهــير أهــــل البيت ذكرتــهم
اصحاب الكساء تگول هـــاي الآية خصــتهم
جاوبني بضمير ودين ياهو الچان خامسهـم


أقــــره بآيـة الابــــرار
شوف شبيها من اخبار
تمعـــن قمـــــــة الإيثار

وبيمن باهــل الــمختار وچـانت شــنهو غـاياته

**

لو ما صبر ابو السجاد ودمـــه وواقـعـــة طفه
ما نعـرف شنو الاسلام وصـعبـه الباطل نكشفه
لذلك للـــمـنابر صــوت المنبر مـدرسة نوصفه

أقــــــره القَصَصْ وتعلم
ركـــــــز بالـفَجْر وافــهم
شوف التوبة وانت احكم

شعائرنه امتداد الدين الحق وضّح رسالاته

****

منهو المــــثله رب الكون انــــطاه منزلــــة ورفـــعه
بذريته الإمــــامـة تصــــير شمعة وتضوي من شمعة
الشـــفاء بتربته ومقـــبول الدعاء يم گـبره ويســمعه

ريحانة رســـــــول الله
اموت وگلبي ما ينساه
علــه المظلوم واويلاه

نظل لآخــر الانفــــاس نســــتـذكـــرهه آهاته

*

قـــــبل لا ينولد مكــــتوب عله ساق العرش واللوح
مصباح الهــدايه حســـين لذلك سـلمـــيته الــــروح
مـن دمـــه حفظ هالـــدين من ظل عـالترب مطروح

كل مذهب الـه مديون
شـيقدمـوله ميوافـون
كسرة ضلع ميجازون

ما ســاوَم ابد هــيهات تـرف لهـــــسه رآياته

*

الطم عالصـــدر لحسين وابچي بدمـعــــة سچابه
اتحده الخـــطر والخوف وبلهــفــه أعـتني لـــبابه
الا من ناصرٍ مـن صـاح گـلــــــبي يردد جــــوابه

يا أغله وأعز محبوب
عــابـس مـزكتلك ثوب
عــن دربك ابد ما توب

فداك النفس يا مولاي گلبي اســــمع هتافاته

***

علمنه الحسين انموت شـيعة ونرفـــض الذله
تتوضه بدمانه سيوف مثل مـــا منحره صــله
والرايد نعوف حســين خـل يسمعـــنه شنگله

لـــو يرجع زمـــــن نمرود
ومثل فرعون الف موجود
مـثل عــباس ننــطي زنود

ولا نترك طريق حسين ومـــا ننساهـــه ثاراته



مهند المياحي

https://t.me/joinchat/AAAAAEIvLXf6xYPWqvn04A

من الارشيف

https://youtu.be/PVyMp1APS3Q

من الارشيف

https://youtu.be/Hge4zObQef0

من الارشيف

https://youtu.be/l8aRD-NgHRc

ميمر :

غايب نعم عندك علم
انظر تره لكل الخدم
يالرايد تكون وياي صفيها دوم النيه

**

كل مجلس احضر يا خلك تدروني
وياكم ابچــي ودم تــسيل عــيوني
اباب الحسينية شــكـثر شفـــتوني

يعرفني بس المجروح والهـمه عـــالمسـبيه

**

خادمنه عن الكل تميزه اوصـافه
البسمه دوم امطرزه أعله شفافه
وشما يصير الحق ابد مـا عـافه

لا مـا يساوم بالدين والمـعرفة القدسـية

***

اول نصيحة اسمعها وافتح گلبك
بالك ابلـيس يزحزحك عن دربك
كل وكــت خلك مـتصل وي ربك

اتركهم اصحاب السوء لتــغرك الــــشخـــصية

**

مو أي كـلام تسمعه ركـز وافهم
ميوصلك لحبنه الــطريق المبهم
خليك ويه أهــــل العــــلم تتعــلم

نفتحلك آفـاق الخــير تشوف العجب يومية

***

احذر زمان تمازجت بي الوان
بشخصية العابد يجيك الشيطان
خليك فاهـــم لا تعــوف القرآن

عندك أهل خبره هواي والگـمر واضــــح ضيه

*

خليك واعــي ومبدئك عـنوانك
وتشكر شما ساعدوك اخوانك
لو گلها ضــدك الله يرفع شآنك

مزعج طريق الحق صار منريد كــــم نوعـــــيه

*****

يا شـــــاب نظّم جـدول لأوقاتك
صدگني افرح لو قضــيت الفاتك
لحسين جدي شما جرن دمعاتك

قدم الواجب لتروح بفكارك الوهـــــميه

مهند المياحي

https://t.me/joinchat/AAAAAEIvLXf6xYPWqvn04A

للقاسم :
بحر طويل / شوط كربلائي
........


يوليدي الگلب مجمور وانت موذر أگـــــبالي
گوم أكعد يـماي العين لا تتركنـي يـالـغــــالي

****

ناديتك يـــجاســــم گـوم امــك ضــلــــت بحـــيره
من تموت امــوت وياك بعـــدك مــحـنتي جبـيره
سبيه شلون اروح أبين وادم باعـــــت الغـــــيره

امــك والــگلب نـاداك
يا جاسم أخذني وياك
يجرح يالــولد فـركاك

بيتي انهدم من ونيت وتهدّمــت آمــــــالـي

***

يروحي ومنيتي ودنياي ظلمه الـــــدنــيا بغـيابك
احشمك والكلب ملجوم وآنه اتنــطر اجــــوابـك
ييمه بداعـــــت العباس لا تفجعـــني بمـــصابك

ربيتك ســـــهـــرت أيام
بيك اتبـــاهـا يا جســـام
موش أعله التراب تنام

صعـبه أمك تظل تنوح كلفه التفــگد الـــــوالي

**

حلـم الوآلـده معروف تشــعل شمـــعة الزفه
وتفرح بالـولـد وتريد حنّه تشـــاهـــــد بجفه
ليش تعوفني وتروح وبحضن الــترب تغفه

يماي تبده مـــــني الماي
بس الدمــــــــع ظل وياي
يريت الوذروها أعضاي

واموتن گبل لا انعاك واشوفك ميت أكبالي

**

يحلمي وضاعت الاحلام مــن عفتك عـــله الغبره
أكضي الليل بالحـسرات وتلهـب بالـگلب جــمره
أنه تمنيته ذاك الـســيف يگطع نحـري مــو نحره

بعد عينك شفت أهوال
اديــه اتـگـيدت بحــبال
ييــــمه بولـيت الانذال

عله متوني السياط تحوم واحس جروحي تنعـــالي

**

اعتب والـــــجروح تزيد من باب الابــــن وامــــه
صح وليدي ضــي العين ومثل الهــــوه الاشتمه
بــــس اثنينه وللـــــــــه فدوه لأسم ابو الـــــيمه

ابد ما جازي ابو الاكبر
فـــدوه لعـــمره أتــوذر
ارفع راسـي بالمحــشر

وافوز برضه الزهره هناك بهــــاي الخدمة هــنيالي

مهند المياحي

https://t.me/joinchat/AAAAAEIvLXf6xYPWqvn04A

موال / نعي

الزهراء ( عليها السلام )
تحضر مجالس ولدها الحسين ( عليه السلام )
...............................................

تحضر بالمجالس فاطمة بكل يوم
محنية ضــــلع لحســــين ومـــــــــصــابه

من تشـوفنه نلطم ونجري دمــــــوع
هـي ويانه هـــــــم دمـعــتها ســــــــچـــابه

تحضر بالمجالس كل سنه بعاشور
وگـــلبها مـــــــــن الالــــــم نيرانه لهــــــــابه

تگعد عله الباب ام الحـــسن وتنوح
وتنـــادي هـلـــــه وتســـــــــتقبل احـــبابه

اهلاً يالحضرت بمجلس ابني تكول
واليســــألـــــــــها حـــتماً ياخــذ اجــــوابــه

يالعندك حـــــــــــوائج صـــيح يا مظلوم
ومعــــروف الشـــفــه بحســـين وتــرابه

اليلبس لون الاسود اسمه عندي يصير
واقســم لــــــــــه قســــــــــم بالله وكـــــتابه

باجر بالحشر احــضــــر لـــــــه ما انساه
اخلــــي الجـــنه تفــــخر بـــــيه وتـــهـــابه


مهند المياحي

https://t.me/joinchat/AAAAAEIvLXf6xYPWqvn04A

خادم ما اذل مجنون العقل خلـي شمـا يكولون
رافـع رايتّي حــبك غايتّي وبهالخدمة مجنون
كاتب .. هذا العهد بالدمة
خادم .. الك يا بن فاطمة

****

مـــــن وعـيت بدنـيتي عالـــفطره انـعـي
ما چــــنت ادري حســيني يصـــير طبعي
حمزه لمــن جنت اسمـــعه يســـيل دمعي
شنهو سر هاي العلاقه ايدي وي ضلعي

اهواها .. محلاها بأنفاسي .. اقراها

من يوم المهد جن كاتب عهد من دمعات العيون
ترسم صرختّي حبك غايتّي وبهالخدمة مجنون
تشهد .. هالجوارح هايمة
خادم .. الك يا بن فاطمة

****

احنه ندري الخدمة بس ذله ومهانه
وانت اليـخدمك ملك صــار بزمانه
كاظـــم المــنظور واحـــدنا بكـيانه
يا حسـين آمـرنا ترخصـلك دمــانه

غذتني .. ربتني هالخدمة .. علتني

من عدنا شتريد خدام وعبيد بينه عابس وجون
تدري بلهـفتّي حبك غــايتّي وبهالخدمة مجنون

كلبي .. ينبض غيرة وموزمه
خادم .. الك يا بن فــــاطـــمة

****

شما قسـه ويايه الدهــر وتــمر السنين
لهسه يقره احسـاس گلبي بطور ياسين
بالفعل ساكن ضمـــيري وســاكن العين
مـن يخــيروني احـب حسـين وحسـين

تحييني .. ترويني بالمحشر .. تنجيني

غيرك ينرفض يهواك النبض بحبك عقلي مفتون
تشهد ســيرتّي حــبك غايتّي وبهـالخدمة مجنون
يمك .. لا ما احس بضمه
خـادم .. الك يا بن فاطمة


****

تزيل من كلبي الجروح وتشفه الآلآم
مــــن اردد مـســــتهل ايــــام ايــــام
رغم انف الـــي يضــدنه نبقه خــدام
نعتني لگــبرك مشي يحسين كل عام

تدرينه .. حبينه عشاكك .. جنينه

نكصد للطفوف مشاية وتشوف ميهمنه اليفجرون
كاصــد جنتّي حـــــبك غايتّي وبهالخدمة مجنون
ادري .. بيك انول الغانمه
خادم .. الك يا بـن فـاطمه

****


خدمتك يحســين صــــارتلي هويه
اني كل همي رضا الزهرة الزجيه
بالگـبر تــشهد الــي لـطــمات اديه
امنية عـــمري اخــتمه بهــالعزيه

دمعاتي .. حسراتي للغالي .. آهاتي

ساحرني بهواك ما عندي سواك ما خيبت الضنون
حــــــتى بدفنتّي حـــــبك غايتّي وبهالخدمة مجنون
اهتف .. من تصير المحكمه
خادم .. الك يا بـن فــــاطمه



مهند المياحي

https://t.me/joinchat/AAAAAEIvLXf6xYPWqvn04A

رسالة من الإمام الحسين ( عليه السلام ) الى السيدة زينب ( عليها السلام ) يرسلها مع احد الزائرين :

[ طور كربلائي / بحر طويل ]


يل گاصـد تزور الشام رســـالــة وياك أودّيها
مـن المـنذبح عـطشان بحضـرة زينب احجيها

مــن المنـكـسر وينـوح والظل عالــترب وحـــده
مـن الـظل يــدير العـين وصــابوا بالـسـهم چبده
من ابن امـج المجروح اسمـعي شعنده ما عنده

بسم النحر يبدي وياچ
يا زينب صعب فرگـاچ
نتــــعـذر لأن عــفـناج

جرح السبي شلون يهون الدمعـــــة الهــسه نجريها

****

كـل لحظـه العشـتهـا وياچ مـــن اذكــــــــرهــا أتــلوه
وياچ انگـضـت احــله ايام وهسه ايامـــي مــو حـلوه
شلون اطمأن وآني ارتاح وماتت جلمــــــــــة الخوه

وحگ ضلع امنه والعصره
وچـبد الحـســـن والطـــبره
الـــچ مشـــــــتاگ يالحــره

علينه الدنيا والحسرات صبّت كل مآســـــــــيها

****

من فوگ الرمح والـعين تهمل مـن يضـــربــونچ
وصيح بحسرتــي والآه الله يكـــون فـي عــونچ
بعد كل هالمصايب هاي گِـلهــا يگـلج شـلــونـچ

تون مجروحة الاحساس
بَعدهـــا تصـيح يا عباس
شيّب من بُعـدها الــراس

گِلها وداعـة العـباس ابد ما يـوم ناســـــيها

****

ما اهـتم ترضني الخيل انتــــي اول مـعــــانـاتي
اول ما طـحت عـالگاع الچ وجـهـــت نـظــراتي
اصيحن آه مو مـسلوب لحـرگ الخـــيم آهــاتي

گمت ما شوف بعـيوني
اسمعج خويه ضربوني
تشوفـــيهم يذبحــــوني

صحت وينج ييمه يساع الحگي لــزينب احمـــيها

****

گِلها انفطر گـلب حسين وشاب من القهر راسـه
التل والمشرعة والجود ذني الگــطـعن انـفاسه
والاعظم اعـله المظلوم ومنها تأذى بحســـاسه

المثلچ عدها هيچ اخوان
كلفه اطـب عـله الـديوان
اخيج عــاري عــالتربان

اظن تدرين مــا تدرين جثته العـــده مسلبيها


مهند المياحي
https://t.me/joinchat/AAAAAEIvLXf6xYPWqvn04A

نصيحة حبيب ابن مظاهر الاسدي ( رض ) الى خدام الامام الحسين ( عليه السلام )

المستهل :

ما تنقبل خِدمتك لو غايتك سُمعتك
يوم القيامة تنحشر مرائي

****

قبل لا ابدي أَعرف نفسي واذكر كُنيتّي
ابيض من الغيمة جانت من اسولف نيّتي
وچي گلب صافي يشيعة الزهره تاخذ دمعتّي
هذا سر الخدمه هذا وارتقيت برتبتّي

من تفقد الإرادة ما تضمن السعادة
مو عن هوه عن تجربه أدِعائي

****

چنت راضي بقسمة الله وبقضائه وحكمته
نفسي ما تهوه الرذيله وأشكر الله بنعمته
ما خنت مؤمن يشيعة ولا دنيت لغيبته
الله شرفني بخدمته واندفنت بحضرته

خل تسأل الضمائر يا هو ابن مظاهر
يشهدلي دمي بكربله فدائي

****

عندي چم احجايه الكم بيها مفتاح النعم
تره هالدنيا متاها وبيها اصناف الخدم
كلمن يدور مصالح يرمي ابو اليمه بسهم
واليشوه سمعة طيبة بيده شب نار الخيم

والغارگ بريائه ما ينقبل دعائه
اخذوا الدرس من همتي وندائي

****

تلتزم كون بصلاتك قبل لتهل الدمع
حسين ميريد المنافق وما يفكر بالجمع
اترك الدنيا يخادم بالوهم لا تقتنع
المؤمن اليكرهله مؤمن ينحسب كاسر ضلع

واليسمتر جحوده ما يثبت بوعوده
لا لا تكول بذمّتي وبلائي

****

الخادم الينصف ضميره اسمه في اعله الرتب
باچر يحصل جزائه شكد عمل وشكد تعب
الخادم اليتعده حده من السجل اسمه انشطب
خادم حسين الحقيقي وزنه بجبال الذهب

تتوصف المجالس للمجتمع مدارس
الگلبه طيب أَذكُره بدعائي

****

استثمروها الخدمه هايه والنصيحة بهالامر
باچر بيوم القيامة ما يفيدك كل عذر
الما يوقر الاعله منه عمداً يدوس الجمر
شنهو من لذه اليحصل الـ ع رمل يبني القصر

هالخدمه وقروها لالا تشوهوها
تعظيم الها دائم انحنائي

****

خدمة حسين العظيمة للمجد اعظم صرح
شفعت لفطرس تراها وانجبر ذاك الجنح
لمذهبك شنهو التقدمه حسين راسه اعله الرمح
كون كل خطوه لأمامك تشفي مو تلجم جرح

والگطعوا وصاله والسلبوا عياله
اني بمحبته خالد ابقائي


مهند المياحي

https://t.me/joinchat/AAAAAEIvLXf6xYPWqvn04A