Shaxsan o'zim huddi shu muammoni boshdan o'tkazganman... Yoshlarga/Tengdoshlarimga muhim maslahat."Yana necha yil quruq madx bilan ko'zlarni bog'lab turamiz, yuz yilmi yoki ming..."Qo'rqma kitobidan
Ko'pchilik boshidan o'tkazadigan muammolardan biri, bu haddan tashqari ko'p maqtov eshitish va uning oqibatida juda ko'p ishlar qilib qo'ygandek faxrga berilishdir. Atrofdagilarga qarab o'ziga baho berish, o'zini boshqalardan ustun ko'rish. Albatta bu kibr, manmanlik, va rivojlanishdan to'xtashga olib keladi.
"If you are the smartest one in the room, you are in the wrong room." - Agar xonadagi eng aqilli odam sen bo'lsang demak sen noto'g'ri xonadasan. Sababi bu yerda sen o'sishing uchun deyarli hechqanday imkon yo'q. Shaxsan o'zim huddi shu muammoni boshdan o'tkazganman. Inson o'zi uchun qulay joy(
"comfort zone")da bo'lishni yoqtiradi. Ya'ni o'zi doimo eng kuchli va aqilli bo'lgan guruh ichida bo'lish qulayroq va nafsga ma'qulroqdir . Ammo bu uni rivojlanishiga eng asosiy to'siq bo'ladi. Rivojlanish uchun esa atrofingizdagi insonlar o'zingizdan anchagina aqilliroq, maqsadlari katta, va albatta Allohni ko'p eslovchi bo'lishlari kerak. Ularni ko'rganingizda va gaplashganingizda siz qaysidir bir shaklda rivojlanishingiz shart. Agar atrofingizdagilar bunday insonlar bo'lmasa, sizdan fikrlash darajasi kengroq bo'lgan insonlar guruhini izlang. Ularni ko'rganda, rivojlanishga bo'lgan motivatsiyangiz o'z o'zidan oshadi va ayni shu sizga ko'p foyda keltira oladi. Biz faqatgina ota-bobolari qilgan ishlari bilangina faxrlanadigan avlod bo'lib qolmaylik, bizdan kegingi avlodlarham bizdan faxrlanishiga arzirli hayot kechirish haqida o'ylash kerak. Bizni buyuk tariximizdan ko'ksimizni kerib yurishimizni o'zigina buyuk kelajakga erishishimizga yetarli emas. Bugun, siz va men qiladigan ayni harakatlar ertangi kunni qanday bo'lishini qisman belgilab beradi. Natija Allohdandir, ammo sabablarni qoim qilish bandaning vazifasi.
👉
@MuallimSaid
