O'lim

Meni tuproq, yer kutar,
Kim u yerda chiroq tutar.
Do'stlarim-chi alam yutar,
U yerdagi jim-jit yotar.

Qolib ketar ishlar chala,
Olib ketar jonni, qara.
Qay ahvolda, kavlab so'ra,
Yaxshilik qil undan ko'ra.

Savollarga topmay javob,
O'z qabringni qilma harob.
Dunyo edi o'zi sarob,
Endi esa berar javob.

Kafanlarning cho'ntagi yo'q,
Mayyitlarning istagi yo'q.
Tabut ko'targan yelkalarda,
Og'ir degan bir so'zi yo'q.