قناة ديوان كعبة الاحزان

قصيده لسيدتي ومولاتي زينب والمحسن عليهما السلام
على طور حجي باسم
ودعتك الله يبني يحسين يمه

المستهل👇👇

زينب إنه واختك يمحسن خويه
دموعي عليك بلهفه صبن خويه
بلارحمةسگطوك الملاعين خويه

.....⭐● ﷽●⭐......

لو عدل بالطف يخوي وعمرك أعوام
چان شفت حسين من يرمونه بسهام
وشفت عباس البطل مضروب عالهام
وبيدك اتطفي يمحسن حرگ الخيام

لو عدل هسا انته ينوماس خويه
جان اكبر من البطل عباس خويه
اتوقعك تهدي الزندين خويه

.....⭐● ﷽●⭐......

ريتك وياي بارض طف كربلايه
تدافع بحرگه على كل السبايه
حسين وحده ظل غريب بلا سايه
والگمر عباس رد ماشرب مايه

والخيمه حرگوها علينه خويه
والعدو ظل شمتان بينه خويه
ويصيح هل من ناصر حسين خويه

.....⭐● ﷽●⭐......

الباب من دفعوه عالزهره الزچيه
ماگمت للرجس طگيته بيديه
اعذرني عمري ازغير ياخويه وصبيه
الله لاينطي الدعي ابن الدعيه

يصرخ وإن بالبيت فاطم خويه
وللزهره والمختار شاتم خويه
بغضآ بحيدر ابوالحسنين خويه

.....⭐● ﷽●⭐......

كون ياخويه بمهد متنام بتراب
وافرح بشوفتك لمن تكبر وشاب
شلون يتچرأ الطاغي ويدفع الباب
والزچيه خلفه چانت والصدر عاب

ماتت الزهره بعمر الورود خويه
والراح مايرجع لنه اردود خويه
بالباب سگطو منها الجنين خويه

.....⭐● ﷽●⭐......

چنت اتامل اشوف ابن امي بخير
شاب وبثوب العرس ياويلي وچبير
خطف مني الموت اخوي وبعده ازغير
لچن روحه طير صارت بالسمه تطير

روحك شگالت يوم عصروك خويه
ماخافو من الله وسگطوك خويه
اشكيهم لله وياسين خويه

.....⭐● ﷽●⭐......

✍ الخادمه ام زيد الشمري

نسال •اللّـہ̣̥ القبول
ونسالكم الدعاء بتعجيل فرج مولانا صاحب العصر والزمان


https://telegram.me/qsxftu

محاضرة مختصرة جدا ولكن فيها معلومات ومواعظ فريدة من نوعها..ارجو الاستماع اولاً ومن ثم قرروا ان كانت تستحق الاعجاب والمشاركة أو لا 😔 .. قناة خادمتكم على اليوتيوب .. ارجو الاتضمام لطفاً👇👇

https://youtu.be/ZrcqnsGkd68

هوسات للزهراء ع لسان حال زينب ع

❥❥ـــــــــــــ❁❂❁ـــــــــــــ❥❥

لحكـت نــعـش امي وتعذروني
ويــاج يـمــه شـو مـــا خذوني
صــحت بهيـده وياهه دتانوني
{ الجنــازه // شالوهـه بسرعه}

❥❥ـــــــــــــ❁❂❁ـــــــــــــ❥❥

شالوهـه ومشو واجذب والونه
شخــص الوالده ومنين اجيبنه
ياحيــف زمــن يحبيبه طشرنه
{ وماردناه // إفــراكـــج يمـه}

❥❥ـــــــــــــ❁❂❁ـــــــــــــ❥❥

ماردنــه الفــراك يعذب الكلوب
نـصبـر والصبـر يـايمه جندوب
بفراكج تره حته الكلب متعوب
{ وافراكج هدم // نص حيلي}

❥❥ـــــــــــــ❁❂❁ـــــــــــــ❥❥

اطب للدار ضلمه وتعمي لعيون
وعنج يــم هـلا الخطار يبجون
شكللهـم لو اجو يمه وينشدون
{ ينشدونـي // جاوين امغربه}

❥❥ـــــــــــــ❁❂❁ـــــــــــــ❥❥

بعــد هيهات امــي لو ترد للدار
خـلتـنـي عليله والكلـب محتار
يحبيبه تـره بيـه الزمــان اندار
{ ومن ايدي // بـاكــاج الموت}

❥❥ـــــــــــــ❁❂❁ـــــــــــــ❥❥


تــــمت بقــــ✍🏻لم خادمه أهل البيت عليهم السلام

✍🏻الشـــاعره ألعلويه ام كنـــان الهاشمــي صاحبه دواوين أسيره الطفوف

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿

https://telegram.me/qsxftu

فزاعيه للسيده الزهراء ع

❥❥ـــــــــــــ❁❂❁ـــــــــــــ❥❥

المـــن هــالنـعـش بــليل
لـــم ضــلــوع مـكسوره

❥❥ـــــــــــــ❁❂❁ـــــــــــــ❥❥

المــن هـالنعـش طلعوه
إضلـم كونــهـه ودفنوه
نعش ام الحسن شالوه
بــيــن الباب مـعـصوره

❥❥ـــــــــــــ❁❂❁ـــــــــــــ❥❥

بــيــن الـبـاب والبسمار
صـاحــت ياعلـي الكرار
الحـــك طفي هاي النار
ولـطمــت زينب الحوره

❥❥ـــــــــــــ❁❂❁ـــــــــــــ❥❥

زينب لطمت أعله لراس
امــهــه بــآخــر الأنفاس
مـابيـهــم رحـم هالناس
واعــلــه الكسر مجبوره

❥❥ـــــــــــــ❁❂❁ـــــــــــــ❥❥

طــلـعــت فــاطمـه بليل
بدمعـات الحزن وتسيل
شايلـهه علي وانحيـــل
والبــيــت انطــفه نوره

❥❥ـــــــــــــ❁❂❁ـــــــــــــ❥❥

عكبج ضلمـه هاي الدار
شــبــت بالكـلب هـالنار
يبجي الحسن وامحتار
ودارج يــمــه مـعـموره

❥❥ـــــــــــــ❁❂❁ـــــــــــــ❥❥


تــــمت بقــــ✍🏻لم خادمه أهل البيت عليهم السلام

✍🏻الشـــاعره ألعلويه ام كنـــان الهاشمــي صاحبه دواوين أسيره الطفوف

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿

https://telegram.me/qsxftu

فـــــــراعيه للـزهراء ع

➬➼➼➼❀✹❃✹❀➼➼➼➬


خل نطلع عراضه اليــوم
وانــشــيــع الـمـهـيوبـــه



نشيع ام الحسن بدموع
ويلــي امكسره الضلوع
واعليهه الحسن مفجوع
مشـــت بالبـاب مصيوبه


رفــعــو بـيــرغ الأحـزان
لــبــت امـاسس الاكوان
حـــط لم الحسن عنوان
جـــوادر الـهـــه منصوبه


وخـل ننصب جـــوادرنه
اعــليــهه انــســدر الونه
شــالـــت فــاطـمــه عنه
ضــلـع الزهره اله حوبه

✍️الشــاعره العلويه ام كنان الهاشمي

➬➼➼➼❀✹❃✹❀➼➼➼➬

ياضلـــعج ويــا يـومــــه
وشكـــد نــازفه ادمــومـه
يــازهـــره يمضـــلـومــــه
عليـــج الـروح منكـــوبـــه


ويـاروحي حزينه اعليــج
وبلتشيع تنعــــه ليـــــــج
اروحــن فــدوه الطاريـج
يمن بلضـيــــج مندوبـــــه


اندبـــج والدمـوع اتسيــل
ولضلعلج اهـــد الحيــــــل
للــتربــان راح. اتشيــــــل
من البــــاب متعـــــوبــــــــه


✍#الشـــاعره ام ادم زينب المالكي

➬➼➼➼❀✹❃✹❀➼➼➼➬


تمت بعون الله 💫✍بأقلام

✍️#الشــاعره العلويه ام كنان الهاشمي
✍#الشـــاعره ام ادم زينب المالكي


غير مبري الذمه من يتلاعب بالقصيدة ويحذف الاسماء

https://telegram.me/qsxftu

قصيــده لمولاتي فـ🚪ـاطــمه الزهــراء ع

❥✿•┈┈┈• • ★🤲★ • •┈┈┈•✿❥

مـــن بــعــد عـــيـن ام حســن
وبــــدارهـــه ضــــلــيـــت اون

لبـــيــته مــاريــد افــوت
ويـــاهـه ماخلوني اموت
مـــن بــعــد عـــيـن ام حســن

❥✿•┈┈┈• • ★🤲★ • •┈┈┈•✿❥


طبيـــت للـــدار واون ٠ والـدار ضلمه اخلافج
يالخذتي روحي والفرح ٠ يالفاركيت اوصفاج
مو ذاك حيـلي يم حسن ٠ ماريــد اطب لدارج

عــمــري راح اكــضــي مــحـن
مـــن بــعــد عـــيـن ام حســن


❥✿•┈┈┈• • ★🤲★ • •┈┈┈•✿❥

ورده على مغيسل شفت ٠ يازهره ميت حيلي
يهــلال عمــري وفرحتي ٠ يادمعتي دم سيلي
الــدنيه هسه ابلا ضوه ٠ واشلون اكضي ليلي

وكــليــبـــي اعــلــيــهـه يـحـن
مـــن بــعــد عـــيـن ام حســن

❥✿•┈┈┈• • ★🤲★ • •┈┈┈•✿❥


لا ضلي ملــكه ولا هله ٠ ياروحي زيدي الونه
والحسن يبجي ويـون ٠ ايكول اكطعو الضنه
امـــي نـــوت للـمكـبره ٠ وحسين ماتت أمنه


والـــــدمــــع فـــــوك الـــجفـن
مـــن بــعــد عـــيـن ام حســن

❥✿•┈┈┈• • ★🤲★ • •┈┈┈•✿❥

الزهــره ريـحــه للمحنه ٠ شالت وهل الدمع
راحــت ايـام العـوافي ٠ وانهدم منهه الضلع
جنــه نلتم ونـسولـف ٠ والكلب هسه انفجع


الـــدنــيـــه والـــدار اضــلـــمن
مـــن بــعــد عـــيـن ام حســن

❥✿•┈┈┈• • ★🤲★ • •┈┈┈•✿❥

تــخـبــز امــي لليتامه ٠ وتدعي الهم بالعمر
بكل فرض ترفع اديهه ٠ امــي لـَو طر لفجر
هسه شالت وين عني ٠ أخلافه ماضل صبر


عـــيـــوني مـــا ضــلـــن عمـن
مـــن بــعــد عـــيـن ام حســن

❥✿•┈┈┈• • ★🤲★ • •┈┈┈•✿❥



تــــمت بقــــ✍🏻لم خادمه أهل البيت عليهم السلام

✍🏻الشـــاعره ألعلويه ام كنـــان الهاشمــي صاحبه دواوين أسيره الطفوف


لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿


https://telegram.me/qsxftu

لطمية فزاعيه للزهراء سلام الله عليها




امي من مشت لليوم. راح الحيل وياها


أگِطعنك يگلبي. كون تنساها

/////////////////////////////////////////////



امي من مشت ماضل جهد بيه

چن البيت خالي ومضلم اعليه

ماگالت مشيت وعفت البنيه

صار ويه العشا. ام حسين ممشاها


امي من مشت لليوم. راح الحيل وياها

//////////////////////////////////////


دنيه الليل يلشايل اجنازتهه

عمت عيني تهد الحيل زتتهه

خلتني ومشت واني ابنيتهه

ماجوره التعازيني. عله فرگاها

امي من مشت لليوم. راح الحيل وياها

//////////////////////////////////////////


انه ام الحزن ولضيم سموني

شالو كل هلي وبلدار خلوني

تعالو علضلع ولعين عازوني

مايرهم ضماد. وضايع ادواها

امي من مشت لليوم. راح الحيل وياها


/////////////////////////////////////

مايشفى الضلع ولعين دم بيهه

امي اتموت وانه اتفرج اعليهه

منها شعتذر وشلون اجازيهه

خل الطم عله. الهيهات ملگاها

امي من مشت لليوم. راح الحيل وياها

///////////////////////////////


هيهات انتلاگه وترد گعدتنه

وترد المحنه وذيچ لمتنه

وانسى المر عليه ابيوم فرگتنه

لا. ماتنمحي من البال ذكراها

امي من مشت لليوم. راح الحيل وياها

////////////////////////////


يمه اجروح ضلعچ لچمن اجروحي

والله مافتر وني وكثر نوحي

آه. يفراگ وجهچ يابعد روحي

چانت عشرتي. الوياچ محلاها

امي من مشت لليوم. راح الحيل وياها

////////////////////////////////////


يمه انطاچ گلبچ ليش عفتيني

واني بعازتچ يليتميتيني

عمت بغياب وجهچ يم حسن عيني

بتچ ولوكت. بلضيم خلاها

امي من مشت لليوم. راح الحيل وياها

أگِطعنك يگلبي كون تنساها


//////////////////////////////////////////


بقلم الشاعرة ام ريـــام الركـــابــي✍..


تجدونها في ديوان الرأس المطبور والضلع المكسور الجزء الثاني

https://telegram.me/qsxftu

الطميه ثكيله للسيده الزهراء عليها السلام


اكضي يومي بلبجي وبلونين
هاييمه واليدج الغالي الحسين

همي بغيابج ثجيل
رايحه والدنيا اليل

اكضي يومي بلبجي وبلونين

يمه ريحتي وماجيتي اصرخ غيابج كتلني
كعدي اليله اجيتج والدهر غصبن فجعني
دورت يايمه طولج مالكيتج خاب ظني

والزمن عذب احوالج
ظيم ياهم الجرالج

يمه راحت ذيج وياج السنين
اكضي يومي بلبجي وبلونين

وحشه اليله ثنيتج اليش عفتيني ومشيتي
شابحه عيونج عليه ومن دمه يمه بجيتي
بحضنج ازغاروربينه شلون بلفركه رضيتي

ليش يمه مااجيتي
وين حاجيني غفيتي

جيت ادورغرفتج يايمه وين
اكضي يومي بلبجي وبلونين

يومج بكلبي رماني بعدجاوين الكه مثلج
يمه حاجيني اجيتج بلكبر وبنومه شلج
شمعه ومضويه علينه نورج وذاكه يحلج

نمتي نوم المكبره
يصعب عليج الجره

ودعيتي وبعدرحتي ماتجين
اكضي يومي بلبجي وبلونين

حسين تالي بغربتي ريت اصوابج اليه
يمه مكسور الكلب اوليدي ماكلتي خطيه
شلون يمه غفت عينج بعد راح اشبع اذيه

يصعب افركج صعب
دمع البعيني يصب

وبنياح وبلحزن ابقه حزين
اكضي يومي بلبجي وبلونين

الدنيه وحشه بغيبتج صفت ياظلمه اليالي
يمه جا شلي بحياتي صورتج ظلت ابالي
وسفه نمتي بلحد تغيرت كلش احوالي

ازغيره و بعمر الورد
راح يكضيني البعد

ومن نهد يومج تره مصوبين
اكضي يومي بلبجي وبلونين


الشاعره خادمة السيده الزهراء والسيده
رقيه ام زهراءالفاطميه لايجوزحذف الاسم
اسم الكتاب لبيك يازهراء

https://telegram.me/qsxftu

*قصيده لدفن الزهراء(ع)*
من ديوان عبرات وأنين في رثاء الطاهرين الجزء الأول
❥━──➸➽❥❂❥━──➸➽❥❂
يالتحفرون گبرها يالتحفرون
لاتلچمون ضلعها لاتلچمون

*امصوبه ومالومه ... ماتت المضلومه*

تبچي العيون عليها تبچي العيون
يالتحفرون گبرها يالتحفرون

❥━──➸➽❥❂❥━──➸➽❥❂
تهمل عيوني عله امصاب الزچيه
بهيده وياها يحماي الحميه
ترفه ماتحمل اتراب ولاوطيه
وحشه اشوف الدار ضلت هالمسيه

الدار مابيها ضوه
وگلبي اعليها انچوه

حادي الاضعون خذاها حادي الاضعون
يالتحفرون گبرها يالتحفرون
❥━──➸➽❥❂❥━──➸➽❥❂
حادي الاضعون خذاها وگطع بيها
بويه يالكرار خل عينك عليها
امي من السوط مالومات اديها
والحسن يبچي الحسن ويريد ليها

اشلون يمه اسكته
والله گلبي فتته

واصبر اشلون واهوده واصبر اشلون
يالتحفرون گبرها يالتحفرون
❥━──➸➽❥❂❥━──➸➽❥❂
اشلون اهوده ايريد لمه مايهود
وماترد النه بعد ماضنها تعود
بهيده وياها يسلطان الوجود
الليله مو بالدار امي تمسي بلحود

الليله امنا الطاهره
نايمه بالمگبره

واظلم الكون عليها اظلم الكون
يالتحفرون گبرها يالتحفرون
❥━──➸➽❥❂❥━──➸➽❥❂
اظلم الكون وبچت حته السمه
عله امصاب امي الزچيه فاطمه
بهيده وسدها يحماي الحمه
الضلع ماطاب يتناگط دمه

حمره تنزف عينها
ضل يون حسينها

ماتريضون بنعشها ماتريضون
يالتحفرون گبرها يالتحفرون
❥━──➸➽❥❂❥━──➸➽❥❂
ماتريضون بنعشها سويعه وحده
خل يوادعها ويحط خدها اعله خده
سهم الافراك الگلب زينب تعده
شلون بيه تگول لو طالت المده

تگول روحتها بطيه
ماتجي بالغاضريه

اتشوفني شلون غريبه اتشوفني شلون
يالتحفرون گبرها يالتحفرون
❥━──➸➽❥❂❥━──➸➽❥❂
ريت بالطف تحضر وتنظر الحالي
اضل حرمه وحايره وبعوز والي
انسبي من عگب خواني ودلالي
وراس ابو اليمه عله ارماح العوالي

الضحايه اامدده
والحرم بين العده

بينه يمشون يساره بينه يمشون
يالتحفرون كبرها يالتحفرون
❥━──➸➽❥❂❥━──➸➽❥❂
*بقلم ✍🏻 شاعرات اهل البيت ع*
*العلوية هجران الياسري بنت الشاعرة ام هجران العمارچيه*
*العلوية مريم النور*
*نسألكم الدعاء و الفاتحة الى روح امواتنا وامواتكم :🍃*
https://telegram.me/qsxftu