مامۆستا ڕەوەند قەرەداغی

#پله‌به‌رزى_زانایان

#موسلمانی_ژیر هەردەم ڕێز لە زانایان دەگرن چونکە دەزانن ئەمڕۆ بەلاشە لێرەن ، بەڵام بەیانی تەنها شوێنەواریان دەمینێ ، جابۆیە با هەست و سۆز و کەسایەتیان نەشکێنین با بەڕێزدارەوە قسەیان لەگەڵ بکەین ، وە دینەکەمان لەوانەوە وەربگرین ، چونكە #خودای_پەروەردگارﷻدەفەرمووێت:
[ يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ ] ئه‌وانه‌ی كه‌ باوه‌ڕیان هێناوه‌ له‌ ئێوه‌ وه‌ زانستی شه‌رعیان وه‌رگرتووه‌ خوای گه‌وره‌ پله‌و پایه‌یان به‌رز ئه‌كاته‌وه‌ له‌ دونیاو قیامه‌تدا [سوره المجادلة آیه11]
وە #پێغەمبەری_خوا ﷺدەفەرمووێت :
إن العلماء هم ورثة الأنبياء...،،
بەڕاستی زانایان میراتگری پێغەمبەرانن (علیە السلام)...،،
أبو داود3641الترمذي2682ابن ماجه223أحمد21715.

ئەمە وێنە و شوێنەواری زانای بەڕێز شێخ #صالح_اللحيدانە خودای پەروەردگارﷻ( لێی ڕازی بێت ) ، یەکێك بوو لە چاکترین زاناکانی ئەم سەردەمە ، دەبێت هەستی قوتابیە بەوەفاکانی چۆن بێت کە ئەمە یەکەم ڕەمەزانە بە بێ ئەو بەرێدەکەن...،،
#نسأل_الله أن يسكنه الفردوس
وأن يجعل قبره روضة من رياض الجنة...،، أمین ☝️

17 /رمضآن / 1443هـ

موعاویه‌ خاڵی باوه‌ڕداران!

هاوەڵانی خۆشەویستمان (ﷺ) هەموویان یەک شکۆیان هەیە لە دڵی ئیمانداراندا، سەنگی مەحەکی ئیمانی خەڵکین.
ئیمامی عەبدوڵڵا کوڕی موبارەک فەرمووی: "پێشەوا موعاوییە (خودا لێی ڕازی بێت) لای ئێمە سەنگی مەحەکە، ببینین کەسێک قسەی بەرزونزمی پێ بکات، لای ئێمە تۆمەتبارە بە دژە هاوەڵانی پەیامبەر (ﷺ)." [البدایة والنهایة (٨/١٣٩)]

دژایەتی هاوەڵان لەلایەن ئەهلی هەوا و بیدعەوە کاری ئێستایان نییە و لە سەرەتای دروستبوونی پێڕە لاڕێکانەوە سەری هەڵداوە، کەم هاوەڵی ئەزیز و بەڕێز هەیە لەو تاوان و ستەمانەیان پارێزراو بوو بێت. یەکێک لەو هاوەڵانەی کە پریشکێکی زۆری بەرکەوتووە ئیمام و پێشەوای گەورەی موسڵمانان، خاڵی ئیمانداران «موعاوییەی کوڕی ئەبوو سوفیانە» کە لە دێر زەمانەوە قسەڵۆکی لاواز و بێسەنەدی، یان دوژمنکارانەی بۆ دەکرێت و هەندێک لەوانەش خۆیان دەدەنە پاڵ سوننە، یان تەسەوف و زاهیدی و دونیانەویستی، کەچی دەم و زمانیان لە ئاستی ئەم هاوەڵە بەڕێزە نەپاراستووە و نازاهیدانە و بێوەرەع خۆیان خستووەتە سەنگەرێکی نالەبارەوە دژی پێشەوا موعاوییە.

لەبەر ئەوەی - هاوەڵێتی پێغەمبەر(ﷺ) سەلماوە بۆ پێشەوا موعاوییە - بەڵگە گشتییەکانی قورئان و سوننەت لە پەسن و چاکەیاندا بەسن بۆ ئەوەی هەموو موسڵمانێک ڕێزی تەواوی لێ بگرێت.
زۆر بەکورتی، خودای گەورە دەفەرمووێت: ﴿مُحَمَّدٌ رَسُولُ اللَّهِ وَالَّذِينَ مَعَهُ أَشِدَّاءُ عَلَى الْكُفَّارِ رُحَمَاءُ بَيْنَهُمْ تَرَاهُمْ رُكَّعًا سُجَّدًا يَبْتَغُونَ فَضْلًا مِنَ اللَّهِ وَرِضْوَانًا﴾ [الفتح : ٢٩]
((موحەممەد (ﷺ) پێغەمبەری خودایە، هەروەها ئەو هاوەڵە بەڕێزانەی لەگەڵی بوون سەخت و توندن لەگەڵ کافراندا، هەروەها لەنێوان خۆیاندا زۆر بەڕەحم و سۆز و بەزەیی و میهرەبانن، کە دەبێت مرۆڤی باوەڕدار وا بێت.))

مەگەر ئیجماعی هەموو موسڵمانان و کافرانیش لەسەر ئەوە نییە کە پێشەوا موعاوییە هاوەڵی پێغەمبەری خوا (ﷺ)، نووسەری وەحی خودایی، خەزووری پێغەمبەر (ﷺ)، سەرکردەی سوپای دەریابڕی موسڵمانان بووە؟
کێ هەیە هێندە ئیمان چرچولۆچ بێت، زمانی نەگریسی بخاتە کار بۆ نکۆڵی پێشەوا موعاوییە؟

#ئاستانە_Astana

«ئەسینا» گەورەترین مەیدانی کۆیلە فرۆشان!

بە کۆیلە کردن بە ڕەهایی و بە زۆری لە شارستانییەتی یۆنانیدا هەبووە، بەڵکوو دەڵێن لە یۆنانەوە کۆیلایەتی سەری هەڵداوە، گرنگترین مەیدانی کۆیلە فرۆشانی دونیاش «ئەسینا» بووە، هاوشانی نەبووە مەگەر بە دەگمەن!

تەنیا لە شاری «ئەسینا»دا لە کۆتایی سەدەى چواری پێش زایین، مەزەندە دەکرێت ژمارەى کۆیلەکان لەو شارەدا ٤٠٠ هەزار بوو بێت، لە بەرانبەر تەنیا ١٠٠ هەزار ئازاد دا. واتە هەر ئازادێک نزیک چوار کۆیلەی لە خزمەت بووە، ژمارەکانیش بەپێی سەدەکان گۆڕاون.

بە گوێرەى وتارێکی «هێبیرێدس» کە لە ساڵی ٣٣٨ پپێش زایین پێشکەشی کردووە، سەرباری بوونی گومان لە ڕاستی و دروستی وتارەکە، ژمارەی کۆیلەکانی ئەسینا ١٥٠ هەزار بووە!

زۆری ئەم ژمارانە وا لە «ویلیام جێمس دیورانت- William James Durant» دەکات، بیانوویەکی پوچ و بێ بنەما بهێنێتەوە و بڵێت: "لەوانەیە زۆری ئەم ژمارانە هی ئەوە بێت، کۆیلەى مەیدانی کۆیلە فرۆشەکانیش هەژمار کرا بێت."

ئینجا وەک دەڵێن: "ویستی چاوی بڕێژێت، کوێری کرد!" ئینجا ئاژەڵیش ئەوەندە دەهێنرێتە مەیدان، شار پێویستییەتی! کۆیلەش ئەوەندە دەهێنرێتە بازاڕ کە دەکڕدرێت و خەڵک پێویستییەتی!


پەڕتووکی: کۆیلایەتی و کەنیزەک، لە دیدی ئیسلام و ئەوانی ترەوە

#کۆیلایەتی_لەناو_نەتەوە_کۆنەکاندا