رواياتي♥️

نزلتها موخر مافيش ضي من الصبح و توا كيف هرب🤦🏻‍♀️

مرو الايام بسرعة..بعد ما رفعو بيان بسيط لرواسي ،،حوشهم زحمة خالاتهم و عماتهم و بنات العيلة كلهم ملتمين في حوش خليفة❤️

يوم الفاتحة،،

روحو الرجالة من الفاتحة قعدو يدربكو و يغنو و يزغرطو سحر دوشت و لبست البودري😍😍طالعة تجنننننن♥️خشت كلمت راجلها💓💓
لوطة الدنيا مقلوبة بالدربوكة و الغني💖💖
في الليل سهرية كبيرة❤️و جابولها كسوة😌💕
تاني يوم الحفلة💛🧡
سحر في المزين🤗معاها سجى و صاحبتها دعاء💞
في الحوش زحمة كلهم يبدلوو و جايتهم مزينة للحوش تمكيج سمر و امها🤍
المزينة:-صحة صحة☺️
سمر:-سلمك 🥰ماما كملتي؟
نجاة:-مزال شوية
سمر:-بدو يمشو خالاتي راه
نجاة:-باهي قولي لايمن يوتي السيارة و تو نبدل و نطلع
سمر:-حاضر هي و طلعت
المزينة:-خلاص كملت🤗
نجاة:-صحيتي بارك الله فيك
المزينة:-الله يسلمك لمت حاجاتها و طلعت قعمزت ع الصالون،،
نجاة:-لبست و طلعت خلصتها😌
المزينة:-روحت
نجاة و سمر طلعو ركبو للسيارة🤗
ايمن:-خيركم عطلتو؟
سمر:-لين كملت المزينة لماما
ايمن:-ايي سحر من بيرفعها للصالة؟
نجاة:-احمد
ايمن:-باهي تمام
وصلو للصالة بعدهم وصلو المعازيم كلهم💖

احمد وصل سحر و سجى و دعاء للصالة و درس و نزل قعمز مع ايمن🖤

بعد وصول سحر ب ربع ساعة،،

نجاة:-سمر قولي لسحر تخش عطلت
سمر:-حاضر ماما😊خشت للدار،سحورة هيا
سحر:-وقفت شافت روحها في المرايا و طلعت للصالة🥰♥️
صوت الموسيقى و الزغاريط و الفرحة اللي في عيونهم😍❤️
وصل العريس خش زفوهم مع بعض قعمز شوية و طلع روح بعروسته💖♥️
كل حد روح لحوشه و انتهت الحفلة اللي كلها اناقة و جمال و العروسة اللي تهبللللل و كل شي كان ذووق و يوم كامل مليء بالسعادة❤️....




يُتبع...



✍🏻Hadeel Ahmed🥰🥰

،،بعد مرور عدة ايام،،


(حوش خليفة)

فضانية سحر♥️

حاجات الفضانية كلها جاهزة و البنات مقعمزين يغلفو في الحاجات اللي بيبعتوهم🥰💓
وصلو الرجالة و قعمزو،،
الفضانية:-جلسة عربية ع الطراز التراثي🤩داروه في الجنان،جنانهم معشب و منظره يجننن🥳
الضيافة:-رزاطة و عبمبر😋 و شاهي و حلاوات😜 و العشي،كسكسي مسقي و معاه مسير و زيتون و طماطم و خيار و بوريك و امبطن🤤معاه مشروب و فواكه بعده شاهي باللوز❤️
اتفقوو (اتفق العرب على ألا يتفقو😂😂)المهم اتفقو ان العرس بعد شهرين😍😍❤️لان العريس واتي ماشاءالله و سحورتنا موتية روحها و مبتتة كانت لما تاخد منحة تشري حاجات للبتات و بعد ما خدمت من معاشها يعني شبه كملت كل شي ماشاءالله ❤️❤️


(((حوش عبد الحكيم)))


دارو فضانية بسيطة و اليوم البيااان😍❤️

ميران:-لبست قفطان ذهبي يجننننن طويل و simple حطت مكياج over قامت شعرها فوق تسريحة بسيطة🥰طلعت تهبللللللللل❤️❤️
نجوى:-لبست قفطان حاير وردي في الفضي و اكسسوارات ع الفضي مع المكياج very nice 😍💗
ميار:-قفطان قصير فتحت شعرها و حطت مكياج خفيف💓
وصلو امالي علاء💜
كلهم بدو يسلموو و ارتفعت اصوات الزغاريط😍بدو يدخلو في السوابيت🥰♥️
السوابيت:-
سَبات قفطان ازرق كحلي يلمع و من التالي مفتوح جيهة الضهر معاه شنطة و كندرة و بروش💙🖤
زوز سوابيت بدلة عرايسية وحدة ع الوردي و وحدة عنابي في الاسود كل وحدة معاها كندرتها و شنطتها💗♥️
سَبات مكسرات و كوفيتي و شكلاطة💝
سَبات حنة و زيوتها و باقي متابعها البنات تعرفوهم😂💖
سَبات عطور راقية🤍
سَبات مكياج 🧡
سَبات كريمات و لوشن💞
سَبات الذهب عبارة على دبلة عملية و دبلة سوليتير و تاكم كامل و ساعة❤️
معاهم تورطة و خروف ❣️

دارت البيان في الجنان بحكم انه كبير وواسع..
الاضاءة و الطاولات و التنسيق كله حلووو هلباا ❤️😍
الضيافة:-
عصير فرش معاه طرفين بسبوسة نوتيلا اكيد تعرفوها الصغيرة🤎
نسكافي و تورطة💛
العشي:-مكرونة فوقها صالصة و كرات اللحم معاها بَرك تركي🤗و ميني برغر😊و مشروب🖤

بعد دقايق من وصولهم نزلت ميران❤️

عمت الزغاريط في المكان😍
يروروروروروروروروروروروروروروروررريييي😍😍❤️
كلهم يسلمو على ميران❤️❤️ قعمزت ع الكرسي🤗♥️
خش علاء..لبس ميران كلهم بدو يباركوو و يزغرطوو و يصورو❤️
ركبت ميران لبست القفطان اللي جابهولها علاء و قصو التورطة مع بعض♥️
طلعت فيه زي الاميرة😍🥰
علاء:-عجباته هلبااااااا😍😍،ميران
ميران:-نعم🥰
علاء:-بنقولك حاجة😅
ميران:-تفضل🥰
علاء:-تهبليييي اليووم😍
ميران:-🙈🥰
علاء:-تتذكري لما شفتك اول مرة؟
ميران:-امتى؟
علاء:-مرة جاني طه للمحل طلعت شفتك في السيارة
ميران:-اهاا اي كنت مروحة من الجامعة
علاء:-وقتها اني انعجبت بيك😍
ميران:-🙈🥰
علاء:-و لما شفتك اخر مرة مع عليوة كنتي حلوة هلبا😍و حتى يوم الحادث♥️
ميران:-🥰معاش عرفت شن تقول🙈♥️
علاء:-و توا انتي اميرتي😍❤️
ميران:-ايي🙈🥰❤️
علاء:-اني بنوض نطلع عطلت حسني😂
ميران:-عادي 😌
علاء:-لالا خلاص خلي النساوين ياخدو راحتهم😊
ميران:-اوكي
علاء:-ناض وقف و طلع،،
ميران:-كانت في قمة السعااادة😍😍♥️شافت الحب في عيون علاء🥰♥️حست كأنها في امان شافت رجوليته كيف أُعجب بيها و ما كلمهاش خطبها طوول😍😍♥️

الساعة5:00م


(حوش عبد الحكيم)


ميران:-ماما خلاص اركبي بدلي قريب يوصلوو الناس
نجوى:-تو نركبو مع بعض اصبري
ميران:-خلاص كله جاهز
نجوى:-هي اركبي هي
ميران:-ركبت لدارها
نجوى:-بدلت و نزلت..
بعد نص ساعة..
وصلو الضيوف و استقبلتهم ام ميران..
بعد وقت من الهدرزة،،
غادة:-وين مرونة؟
نجوى:-دقيقة اناديها☺️
غادة:-خودي راحتك
سامية:-ماشاءالله عليها المرا
غادة:-ايه عيلتنا و عيلتهم صحاب
سامية:-ايي و الله يتقلو بالذهب مزال البنية نشوفوها بس😍
غادة:-نعرفها تهبلللللللل تو تشوفيها😍❤️
سامية:-ربي يهنيه علووو يستاهل كل خير😌💜
ميران:-السلام عليكم☺️
غادة:-وعليكم السلام و رحمة الله و باركاته
ميران:-كيف حالك سلمت على ام علاء،،
غادة:-الحمدلله كيف حالك انتي🤝💋
ميران:-تمام الحمدلله🥰سلمت على سامية،كيف حالك 😊🤝💋
سامية:-اهلين بنيتي كيف حالك شن اخبارك🤝💋💋
ميران:-كيف بتقعمز..
غادة:-تعالي قعمزي جنبي🤗
ميران:-😊😊حاضر هي و قعمزت جنب غادة
غادة:-مرونة هادي اختي سامية😌
ميران:-تشرفت بيك😇
سامية:-بيك اكثر حبيبتي💗
نجوى:-خشت قعمزت...
غادة:-طبعاً احني يا نجوى مش جايين نخطبو ميران
ميران:-😳
غادة:-احني جايين بنحددو موعد الفضانية و البيان😊
ميران:-في داخلها(وووووووه رعشتني🥺)😊😊
نجوى:-عندك حق لان احني نعرفو بعض و مانبوش جو البرانية النشدة و هكي🤗
غادة:-اييه توا نبي نعرف تبو فضانية؟
نجوى:-على ميران كان تبي نديرو
غادة:-شني مرونة؟
ميران:-اني في رايي نديرو فضانية و نعطلو بالبيان شوية
غادة:-العرس بيعطل هلباا راه لين تكملي قرايتك انتي
ميران:-امم معناها نديرو فضانية و بعدها ب اسبوع او اسبوعين بيان
غادة:-هكي كويس و زيدي تفاهمي انتي مع علاء بعدين
ميران:-تحشمت🙈🙈
نجوى:-ايي كويس يتفاهمو هما و يقررو
غادة:-اييه هكي خير اصلا
ناضت ميران ضيفتهم و قعمزو يهدرزو..


«حوش حميد»

امالي احمد في غرفة الضيوف..
فايزة:-انستونا🤗
نجاة:-الله يأنسك شن اخبارك و اخبار العيلة كلهم كويسين؟
فايزة:-الحمدلله كلهم بخير😊
نجاة:-ربي يدوم ان شاءالله 😌
فايزة:-ان شاءالله تدوم صحتك💛
نجاة:-اني اسمي نجاة و هادم بناتي سحر و سجى و سمر🤗
فايزة:-بالجوودة🧡
نجاة:-بيك اكثر💞
فايزة:-شن يقرو البنيات؟☺️
نجاة:-سحر محامية و مخطوبة قريب عرسها♥️و سجى تقرا هندسة معمارية مزاللها 3 سيمسترات و تتخرج🖤و سمر تقرا تقنية طبية💜
فايزة:-تبارك الله ربي يحفظهم تتهني يا سحر🥰
سحر:-بارك الله فيك🤗💜
فايزة:-قداش عندك وليدات؟
نجاة:-عندي احمد هادا العريس ان شاءالله و عندي ايمن💓😌
فايزة:-ماشاءالله ربي يحفظ و يتمم ع الخير❣️
نجاة:-يارب💖 و انتي شن عندك؟
فايزة:-زوز وليدات و بنية☺️
نجاة:-خير الذرية اوليدين و بنية❤️
فايزة:-اييه الحمدلله😍
نجاة:-ياللا ناديلنا البنية نشوفوها😅
فايزة:-حاضر هي يارواسيي رواسييي
رواسي:-السلام عليكم🥰
كلهم:-وعليكم السلام
رواسي:-سلمت ع الكل و قعمزت🥰
نجاة:-بعد ما عرفت رواسي ع البنات،، يا حنة احني جايين نطلبو بنيتكم رواسي لوليدنا احمد و نتمنو الموافقة بعد رد الشيرة ع الوالد طبعاً😌♥️
فايزة:-نتشرفو بيكم اكييد يومين بالكثير و نردوو💜
نجاة:-ان شالله وليدي حوشه واتي من كل شي و بسيارته و خدمته و احني بعد الموافقة ان شاءالله عرسه بعد اخته بشهرين او 3 شهور بالكثير💙
رواسي:-قلبها بيطلع من الفرح مش مصدقة امالي احمد في حوشهم و يخطبو فيها🙈🥰🥰😍♥️
فايزة:-بإذن الله حنرد عليكم و الموعد يناسبنا كويس 🤗
نجاة:-و لو تبو فضانية و بيان براحتكم لما تتصلي بيا تو نتفاهمو لان احمد يمشي و يوصي قالي ما تتأخدوش😂❤️
فايزة:-و لا يهمكم بعد الموافقة و مضمونة طبعاً حنتفقو على كلل شي و في اسرع وقت بإذن الله و مشيئته💕
نجاة:-امالا احني نستأذنو 🤍
فايزة:-مزال خيركم
نجاة:-والله خلاص جايبتنا سحر لان احمد سلامته مشغول، هي بالسلامة
فايزة:-بالسلامة
نجاة:-سلمت على رواسي بالسلامة بنيتي🤗
رواسي:-الله يسلمك مع السلامة💓
سلمو البنات على رواسي و امها و طلعو♥️♥️

في الليل،،

روح حميد حكتله مرته كل شي بالحرف و على سعادة رواسي❤️و وافق بدون تردد تهمه سعادة بنته😍♥️
بعد يومين اتصلت ام رواسي و قالتلهم ع الموافقة و اتفقو على فضانية خفيفة و بيان بسيط و العرس بعد شهرين من زواج سحر،،😍😍🥰❤️

في الجامعة...


مالك:-ايوااا وين انتي؟
سجى:-كيف ماشية للتقنية علاش
مالك:-وين واصلة؟
سجى:-في الجزيرة اللي قدام الصيدلة
مالك:-تمام بري للتقنية تو نجيك غادي
سجى:-امم باه
مالك:-صكر و مشالها طول،
بعد ما وصل،،
مالك:-ها عمري وين انتي؟
سجى:-في الجيهة التراب فيي التقنية جيهة تقنية الاسنان
مالك:-تمام اهو وصلت
سجى:-قاعد فوق؟
مالك:-اني وراك😁
سجى:-تلفتت😍ابتسمت☺️
مالك:-قرب وقف شن الجو😌
سجى:-الحمدلله🥰
مالك:-كل ما نتلاقو احلا من قبل😍
سجى:-🙈🙈كلك ذوووق🥰
مالك:-ايييي
سجى:-اممممم😂
مالك:-احكي شن صار؟
سجى:-في شني
مالك:-شني صار في اختك؟
سجى:-اهاا تفاهمنا و بنديرو فضانية💜
مالك:-ربي يتمملكم ع الخييير💛
سجى:-ان شاءالله
مالك:-اليوم جاايينا امالي علاء
سجى:-امم علاش؟
مالك:-بيخطبو اختي ميران
سجى:-ماشاءالله ربي يكمل عليكم😍😍♥️
مالك:-ان شاءالله
سجى:-من يكون علاء؟
مالك:-صاحب طه و عليوة تقدري تقولي صاحب العيلة😂
سجى:-زي مازن صاحب احمد😂
مالك:-ايي
سجى:-ميران حلوة ماشاءالله تشبهلك🥰
مالك:-هههههه ايي لكن تشبه لعليوة اكثر
سجى:-اييه
مالك:-كنت نبي نعرفك على عيلتي لكن ما كناش زي توا هادا اللي ردني
سجى:-عادي اهو نعرف ميران ياسر😍🤗
مالك:-اييه التعارف عن بعد هادا😂
سجى:-اممم باه خيرك مامشيتش للمكتب؟
مالك:-مشيت شوية و جيت نشوفك و بنولي
سجى:-اييه لحظة تليفوني
مالك:-خيره
سجى:-يشرين😅طلعاته،هادي سمر،الوووو
سمر:-وينك
سجى:-في التقنية كملتي؟
سمر:-باهي طلعت اني وين نتلاقو؟
سجى:-اهو جاياتك هي
سمر:-تمام
سجى:-باي و صكرت،مالك سمر طلعت بنروحو
مالك:-باهي حياتي ماتعطليش على اختك🤗
سجى:-باي🥰
مالك:-باي عمري😁
سجى:-خدت شنطتها و مشت
مالك:-امشي ركب لسيارته و طلع من الجامعة،،
سجى:-وصلت لسمر و روحو للحوش..

قهوة المساء🤎الحلقة"9"



الحلقة"9"



❤️😍😍يووم جديد و كله أمل😍😍❤️



ميران:-صباح الورد ماما💋
نجوى:-صباح النوور وين ماشية؟
ميران:-طالعة
نجوى:-مش للجامعة و الا؟
ميران:-لالا
نجوى:-اليوم بيجونا امالي علاء
ميران:-ايه عارفة كيف ننسى🙈❤️
نجوى:-هههههههه ربي يسعدك يا بنيتي💋❤️
ميران:-ان شاءالله🥰بنطلع ناخد حاجات تمشي معاي؟
نجوى:-لالا بتجي المرا باش اضم الحوش بنساعدها
ميران:-تمام باه
نجوى:-بري و ردي بالك على روحك
ميران:-حاضر ماما،وطلعت
علي:-مرونة
ميران:-نعم
علي:-قصدك بتتزوجي🥺😱
ميران:-مداير روحك ما تعرفش مبردك😂
علي:-قصدي بعد الخطوبة شن فيه؟
ميران:-قراية
علي:-اي صح😂
ميران:-ارفعني ناخد الحلو قبل
علي:-كيف تاخدي حلو و عندك
ميران:-ما عندناش
علي:-و اللي قدامك شني😌
ميران:-😂😂😂محلااك💋
علي:-😌😌من وين بتاخديه؟
ميران:-نفسه محل اللي خديتو منه في العيد ميلاد
علي:-حاضر ادللي يا عروستنا😍
ميران:-🙈🥰
علي:-مرونة بلا حشم باهي لكن علاء كويس هلبااااا و راجل بمعنى الكلمة
ميران:-🙈ايي🥰
علي:-كوني متأكدة من توا لما توافقي عيلته كلهم كويسين عنده اخت وحدة و هوا ولد واحد و بوه و امه،ديما يسافر و اللي في ايده مش ليه كريم هلبا احني في كل شي نعتمدو عليه يعني ما تفكريش و ما تتردديش
ميران:-اممم بااه🤗🥰
علي:-درس السيارة،هي انزلي اهو المحل😁
ميران:-نحت حزام الامان و نزلت..

بارك الله فيك🥰❤️

عسل الكلام😍😇صراحتي مش ديما 😂 قوية لان زايدتها😂😇

اجبرو بخاطري😌🥺

هيا شاركو كلكم💚

سويج وينك🥰

وين ميمي و دعاء😍

هيا وين الناس الجديدة😍💗

😍😍😍❤️❤️❤️بارك الله فيك🥰

شكراً لمشاركتكم و كلامكم يفرحني و مشاركتكم تهمني😌❤️

😇😇❤️