اهلاً هلا يامحطم ارقام الجمال
يامن على قلبي ارق من النسيم

مشكلتك انك سالب عقول الرجال
وعذروبك انك محرق قلوب الحريم


ياكامل الاوصاف .. لله الكمال
ياليت لك قلبـ(ن مثل قلبي رحيم

مع جمالك والنعومه والدلال
لو ان هذي فيك والله العظيم

اني لا اقول انك سحر ولا خيال
الا ملاكً فالبشر شكله عديم


اخذت من وصف النداوي والغزال
وراه يحوي ماحوى البحر الطميم

اغلى وصوف اللولو اللي مايطال
الا من اهل الغوص فالعصر القديم


ويوم المح الرسلان ، من بين الدلال
يطري عليه جسمك الفاتن واهيم


انا رجل واقسى واقوْ من الجبال
وأصارع الصعبات لو انها تضيم


الا معك ، ماعاد للقوه مجال
اضعف من الدمعه على خد اليتيم