بالنسبة للي واجهو مشكلة في الوحدة الأولى تع الفيزياء.
الوحدة فيها تفاصيل وطويلة وغالبا تواجهو مشكل فالعلاقات.
•سو ننصحكم تتفرجو فيديوات تع زدون كاملة وتكتبو معاه كلش كلش كلش حتى الملاحظات تاعو(لكان متحبوش تقراو عليه روحو لترير ولا عبد اللطيف) (-احدى زميلاتكم رشحتلكم عبدو رضوان وطيايبية،بالاخص طيايبية)
•بما انو الوحدة فيها عناوين مصغرة اللي هوما
حجم غاز/ضغط غاز/ناقلية/معايرة.
وهادا هو ترتيبهم من الأسهل للأصعب.
•كي تخلصو الدرس رح تلقاو شوي صعوبة فالعلاقات،دك نحطلكم فيديوات يساعدوكم فيهم
المبدأ تعهم بسيط كلش تجيبوه من جدول التقدم وتعوضو بالقانون تع كل متفاعل.
•التمارين عندكم زوج مصادر متحتاجوش ثالث تأشيرة النجاح وعقبة بن نافع
•تبداو بتع تأشيرة النجاح وهادي مفيهاش نقاش ابداو بالساهل لي هو حجم غاز مبعد ضغط مبعد ناقلية ومبعد روحو للمعايرة
تمارينه عبارة عن بكالوريات يبداو بالساهل ويتدرجة فالصعوبة،تلقاو رحكم خلصتوهم كون تحطو شوي مجهود.
•مبعد كي تخلصو تمارين تأشيرة النجاح في حجم غاز مثلا روحو لتع عقبة بن نافع حلو زوج تمارين ولا 3 والباقي خليوهم حلوهم مع الوقت باه تتفكرو بيهم.
•(البكالوريات البيضاء تاني مرجع مناسب جدا مش تحلو السوجي كل. لالا تحلو التمارين تع الوحدة فقططط)
•واهم حاجة انتبهو للتحويلات في الوحدة هادي هوما الصح والعلاقات حبيت نقولكم راهم يتعاودو🫢 يسما كل ماحليتو تمارين كل مالقيتو علاقات وتلقاوهم يتعاودو توليو تحلوهم بعينيكم.
•السرعات حرفيا راه قانون وفقط.
مشكلتكم فيه هي التحويلات،لأنكم تنساو تحويل الوحدة وكي ماتحولوش رح تخرجو بنتائج خاطئة.
