Lev Tolstoy 18 yoshidan 82 yoshiga qadar kundalik yozgan ekan. Uning yozganlarini o‘qib mashhur yozuvchilar ham boshqa insonlar kabi oddiy, adashuvchan, mas'uliyatsiz va xatto dangasa bo‘lishi mumkinligini tushundim.
Menimcha Tolstoy bitiklarini undan keyin o‘qishlarini bilgan va shuning uchun boshqa yozuvchi shoirlar haqida o‘ziga hos, esda qolarli fikrlar yozib qoldirgan.
Quyida uning bitiklaridan misollar:
- 1889-yil 28-fevral:
- Erta uyg‘ondim. Xonamni yig‘ishtirdim, biroz yozdim, kofe ichishga chiqdim, bo‘kkunimcha kofe ichdim.
1884-yil 3-sentyabr:
- Mendan boshqa hamma ishlayapti.
1858-yil 17-sentyabr:
- Ertalabdan g‘amgin tentirab yuribman.
1861-yil 25-iyun:
- Turgenev bilan ajoyib janjal bo‘ldi. U o‘taketgan ablax. Lekin vaqt o‘tib baribir uni kechirsam kerak.
1889-yil 17-mart:
- Chexovni o‘qidim. Yaxshimas...
1856-yil 7-iyun:
- Pushkinni avvalgi yozganlarini o‘qidim "Цигани"ni o‘qiyapman ajoyib. Lekin boshqa poemalarga "Onegin"ni hisobga olmaganda chidab bo‘lmaydi.
1857-y 8-sentyabr:
- Gogoldan kelgan eski maktublarni o‘qidim. U chidab bo‘lmas inson edi. Shunchaki daxshat.
Bu va boshqa ko‘plab bitiklarni o‘qib har kuni kundalik yozish balki yaxshi odatdir deb o‘ylab qoldim. Shunda o‘z o‘zing bilan yuzma-yuz bo‘lasan tajriba ortadi. Keyinchalik o‘qib xatolarni anglab yetish mumkin.
Siz kundalik yozasizmi?@tolstoydan_qaydlar
