Азиз юртдошлар, қадрдонлар! Бир оздан сўнг янги йилни қарши оламиз. 2020 йил юртимиз, оиламиз, жамоамиз учун омадли, муваффақиятли, саодатли йил бўлиб келсин! Барча эзгу ниятларимиз, мақсадларимиз рўёбига эриштирсин.
Биз Оналар учун фарзандлар камолини кўрмоқдан, оиламиз тинчлиги ва хотиржамлигидан олий бахт йўқ. Бу олий бахт негизини, албатта, ота-оналаримиз, турмуш ўртоқларимиз, ўғил-қизларимиз, набираларимиз, ҳеш-ақрабо ва яқинларимизнинг соғ-омонлиги, қувончи ва ёруғ истиқболи ташкил қилади.
Аллоҳим эл ичида юзимизни ёруғ, қадримизни баланд қилсин, барчамизни ҳамиша ўзининг ҳифзу ҳимоясида асрасин!
Юртимиз тинч, юртдошларимиз омон, мушкулларимиз осон, ҳаётимиз фаровон бўлсин, иншоаллоҳ!
Янги йилингиз муборак бўлсин, азизу қадрдонларим!