#قصيدة متعددة الاوزان
{لسان حال السيده زينب وهي تعاتب اخيها الحسن عليهما السَلٱمٌ}



ياخويه هل الموقف صعب للشام امشي ميسره
تالي العمر انه انسبي زينب اميره مخدره
ياوسفه انهظم.•.•.اخت حامي الزلم
▣========▣◈▣========▣
▣========▣◈▣========▣
اريدنك حسن خويه تشوف شلون
حالي وي اليسر مِڼـّي تغير لون
مهظومه وسبيه انه اهل اعيون
يبو الغيره الخدر غالي وانه يِسبون

*عاتبت الحسن.•.•وبگلبي حزن*

اعتب عليكم يالولي تراضاها انه مجرجره
تالي العمر انه انسبي زينب اميره مخدره
▣========▣◈▣========▣
شكيت لكم يخويه الحال تعال الحگ
راح الكافل من ايدي المتن ازرگ
شبعت من الهظم وعداي ضل يطرگ
المتن مضروب بسياطه واخذني الطگ

*بدموعي عتب.•.•للخوه انحسب*

خواني نومه اعله الثره شفت الجفوف مشمره
تالي العمر انه انسبي زينب اميره مخدره▣========▣◈▣========▣
عليك عتابي مايبطل لگلب جمره
وتمنيتك تجي للطف بقت حسره
چاشفت الحرم واطفالي متيسره
صحت وينه اخوي ليوم عالغبره

*واعتابي دمع.•.•بگلبي لمنفجع*

يالحسن مو گلبي خلص والنار بيهه موجره
تالي العمر انه انسبي زينب اميره مخدره
▣========▣◈▣========▣
اعاتب من بعد خويه الزلم نومه
ضلت هل حراير وسفه مهضومه
اسره احنه بقصر أزياد وي گومه
يصيح انتن سبايه يزيد بهل حومه

*يشتمني النذل.•.•ينشدعالكفل*

بالحرم انه تحيرت والكفل نايم عالثره
تالي العمر انه انسبي زينب اميره مخدره
▣========▣◈▣========▣
نخيت امي عله الكلفات تلحگني
طحت بظيم ماواحد شگف عني
اخوتي نومه عالغبره وانه بحزني
الحسن وحسين عافوني ايااوني
*يايمه صعب.•.•حرمه وبالغرب*
ذاك الكفل فوك الثره ابقى سبيه محيره
تالي العمر انه انسبي زينب اميره مخدره
▣========▣◈▣========▣
▣========▣◈▣========▣

#لااجيز_حذف_اسم_الشاعر
✍باقر جبار الشويلي

للاستفسار والتواصل عِبر البوت
@Molatyzeenabb_bot