*قصيده وزن الفائزي لاربعين الامام علي ع*
ــــــــــــــــ😭ـــــــــــــــ
نام وغفت عينه بگبر حيدر ولينه
هاليوم منصوب العزه نسوي اربعينه
ـــــــــــ😭ــــــــــ
هاليوم منصوب العزه نام بترايب
صار اربعين صباح اله باالگبر غايب
زينب خلافك ياالولي تشبع مصايب
وسفه بتراب المقبره غمضها عينه
ــــــــــــــــ😭ـــــــــــــــــ
غمضها عينه وما يرد نگطع الضنه
جينه وگعدنه نعاتبه يم گبره صحنه
جاوين ابونه ماسمع راعي المحنه
يهمل دمعنه من دمه الجيدر بجينه
ـــــــــــــ😭ــــــــــــــــ
الحيدر بجينه وما يفل هذا عزانه
ليش النوده بالعجل راح ونسانه
وحشه الديار ومظلمه خالي مجانه
مايرد حيدر للنزل لا تنطرينه
ــــــــــــــــ😭ـــــــــــــــ
لا تنطرين الي مشه المات شيعوده
من يوم شالوه النعش دنيانه سوده
هيبه وتجيه يالابو جان بوجوده
مرفوع راسي مدلله يفيي علينه
ــــــــــــــ😭ـــــــــــــ
سور وتجيه ياخلگ والوالي خيمه
مشتاگ گلبي وجيت اله خل يشكي ضيمه
مكسوره من يوم الرحت صحت الهظيمه
هيهات مايرجع علي وتفارگينه
ــــــــــــــــــ😭ـــــــــــــــــ
هيهات مايرجع بعد حيدر الكرار
خلي نهل دمع الحزن وبزينب شصار
دار المحنه مكدره وعاليها الاغبار
طبرت الهامه وفجعتك لا ما نسينه
ـــــــــــــــ😭ــــــــــــــــ
*تمت بقلم خادمة اهل البيت ع ام وليـــ✍️ــــد الموسوي لا اجيز حذف الاسم شرعا الفاتحه الى روح والدي*
https://t.me/Alalwya